صباح الفل يارجاله
لو سمحتم انا معايه تويوتا كورلا 2007 1300 مانول ماشيه 140000 وميش مزعلاني في حاجه بس معروض عليا اوبل فيكترا 2008 ماشيه 60000 وبسعر مناسب ليا.........................ف ايه رايكم
عرض للطباعة
صباح الفل يارجاله
لو سمحتم انا معايه تويوتا كورلا 2007 1300 مانول ماشيه 140000 وميش مزعلاني في حاجه بس معروض عليا اوبل فيكترا 2008 ماشيه 60000 وبسعر مناسب ليا.........................ف ايه رايكم
من غير زعل
خليك فى التويوتا
ابوس على ايدك
بلاش الاوبل
التويوتا نعمه و الله
يكفى انك فى الصيف - تلاقى تكييف صاقع و دى نعمه من عند ربنا
فحافظ عليها
بس يا هلالى تكييف السى بجد جبار يعنى
على فكرة تكيف الفيكترا سى تلاجة وقوى جدا
و الفيكترا برضة بى ممتاز بس يا جماعة لازم يكون مضبوط
و الاسترا بكل موديلاتها تكيفها احسن من اى عربية يابانى وعلى فكرة انا كان معايا تويوتا كورولا 94 بس الاسترا اشد منها فى التكيف
انا مش عارف إنتا عايز إيه من العربيه عموما ولا جربت التويوتا عن نفسي عشان أحكم بالفرق...،
بس هوه أنا أقدر أقولك إن الفيكترا سي 2008 إحساس مختلف، تحسسك بالفخامه والشياكه والدقه والحرفيه في التصنيع في كل حاجه فيها، تصميم أنيق جداً بكل ألوانها أكتر بكتير من التويوتا2007 اللي شكلها بقي قديم قوي طبعا وكمان منتشرة بزياده في الشارع بعكس الفيكترا تحسسك بالتميز مش كتير هتلاقيها ف الشارع حواليك ودي نقطه مهمه، إستهلاك بنزين الفيكترا ممتاز بالمناسبه، باور ممتاز في المناورات وثبات ممتاز علي السرعات العاليه، وعاليه في المطبات، قطع غيارها منتشرة ومعادتش غاليه زي أول مانزلت بقت في نفس رينج أسعار فئتها زي أوكتافيا وجيتا وتخيل تويوتا الجديده مثلا، الفتيس الايزيترونيك بعكس شكوي الناس منه أنا بدأت أتعود عليه لأني كنت بسوق مانيوال أصلاً لكن اللي كان بيسوق اوتو بيحس بغرابه في طريقه سواقته وبيحس إنه ب ينتش منه في النقلات بس عايز أقولك بيعطي عزم في الطلعه وتوفير بنزين،
ولو كماليات العربيه اللي معروضه عليك هي الفئه التانيه "الهاي لاين" أو أعلي فئه التوب لاين "اللي فيها فتحة سقف" هتتروق كماليات منها فانوس زينون بيلف مع المنحنيات وبيعلي ويوطي مع المطبات، سخانات في الكراسي وذاكرة لأربع أوضاع ضبط للكراسي الأماميه، شاشه بيانات كبيره لمتوسطات الإستهلاك للبنزين وكده، وطقم صوت، التكييف أنا شايفه كويس معملش معايا مشاكل لحد دلوقتي خصوصا إني شاريها في الشتا!،
وبردو متسمعش كلام من حد مش معاه نفس الموديل مع إحترامي بيشتكي من مشاكل سمع عنها علي النت مش عن تجربه مهو مش معاه العربيه من أساسه ولا جربها فترة مثلا عشان يحكم وبيبوظ سمعه العربيه بلاداعي!! :fdsa::crying2:
طب هل المشاكل اللي بيقولوا عليها دي بتظهر في كل الموديلات... الإجابه لأ "منها موضوع الديسك والإسطوانه اللي بيبوظوا كل مش عارف 30,000كلم وناس تقولك60,000كلم انا عربيتي مغيره ديسك وإسطوانه عند 100,000كلم يعني أحسن من لو كانت مانيوال..!!"
لو عايز تحس الإحساس بتاع العربيه عموما سوقها مشوار معقول وشوف نفسك فيها عجباك يبقي توكل علي الله وصلي إستخارة وإمشي في الموضوع، مش عجباك خليك في اللي معاك هيه عربيه كويسه بردو وهتمسك سعر خصوصاً إنها1300cc والكلام عن تحديد كميه البنزين لكل عربيه أول إبريل!!
أرجو أكون إستطعت الإفادة وآسف للإطاله
انا مش عارف اه وجه المقارنه اصلا ؟!
مين قال تكييف الفكترا سي او الاسترا اتش وحش ؟؟؟
اكيد عفشه التويوتا انعم من الاوبل لاكن بتفقد ثبات على سرعات عاليه في المقابل
اللي راكب الماني ميعرفش يركب ياباني تاني على فكره ولا كوري طبعا
دا مش معناه ان عربيتك وحشه ابدا .. لكن شتان الفرق عالطريق
لو هتبصلها من ناحيع الفلوس .. الكورولا احسن بكتير
الاوبل ميركبهاش غير غاوي يا باشا,, يعني عايز تكبر دماغك وحاجه ماشيه وخلاص خليك ف التويوتا تمااام
كـ عربية الأوبل احسن طبعا
كـ حاجات تانيه التويوتا احسن