سير الكاتينة للاكسنت ار بى جنزير ولا عادى
عرض للطباعة
سير الكاتينة للاكسنت ار بى جنزير ولا عادى
والموتور النترا ولا سيراتو
الف شكر يا كبير بس يعنى ايه له سير مجموعة خارجى والسير الجنزير بيقي جوا الموتور لانى خايف الصراحة
ومعلومة بس هو مش موتور الالنترا hd هو موتور سيراتو عشان بس فيه تعديل من 121 حصان 126
سير الكاتينة مش جنزير و بيتغير كل 60000 و تاني حاجة وهونداي و كيا شركة وحدة ونفس الماوتير هتلقلي مدوغ عليها علامة هونداي و كيا علي الماتور بس يقولك دة ماتور بيدي 126 ودة بيدي 122 حصان دة يتوقف علي حمولة السيارة و الشكل الخارجي و عندي وصول rpm الي مستوي معين ويوجد كتلوج الصيانة الدورية وما يجب فعلة عند كل صيانة علي الانترنت او تطلبة من التوكيل
مش مظبوط خالص
والموتور الـ 1600 فى كيا وهيونداى واحد بس بيحصل عليه تعديلات 121 , 126, 130 حصان
ومثلا الفرق بين الموتور الـ 130 حصان والـ 126 حصان ان الـ 130 حصان دا فى Dual Cvvt
ومفيش شركة بتكتب قدرة الموتور على حسب وزن العربية ولا الشكل الخارجى
عند مثال مجموعة فولكس .. هتلاقى الموتور الـ 1.6 102 حصان بتعهم تقريبا فى كل العربيات ونفس الـ Specs
والموتور دا بنسخه التلاتة سير جنزير من اول الالنترا HD
أ/ ياسر ..
أولا.. ألف حمد لله علي سلامتك و كويس أننا أطمنا عليك و منور قسم هيونداي يا كبير
ثانيا .. كلامك طبعا صح و أحب أضيف عليه معلومة صغيرة
بالنسبة للمحرك جاما فيه منه كذا موديل :
(1).. جاما 1.4 لتر :
ده بينتج 108 حصان عند 6,300 لفة . دقيقة - عزمه 137 نيوتن.متر عند 4,200 لفة.دقيقة
و هذا المحرك هو المستخدم في بعض موديلات الاكسنت RP و كيا ريو
(2).. جاما 1.6 لتر (جي دي اي):
بينتج 138 حصان عند 6,300 لفة.دقيقة و عزم 167 نيوتن.متر عند 4,850 لفة.دقيقة
و ده اللي بينزل في ألالنترا MD (بره طبعا مش هنا) و بينزل حاليا في كيا سبورتاج و IX35 الجديدة
(3).. جاما II :
و ده برضه 1600 سي سي بينتج قدرة 128 حصان عند 6,300 لفة.دقيقة و عزم 157 نيوتن.متر عند 4850 لفة.دقيقة
و ده المحرك المستخدم حاليا في سيارات ألنترا MD بكل فئاتها و سيراتو الجديدة (هنا في مصر)
(4).. جاما (تي - جي دي اي):
القدرة 183 حصان عند 5,500 لفة.دقيقة و عزم 265 نيوتن.متر عند 4,500 لفة.دقيقة
(5).. جاما (G4FC):
بينتج 122 حصان عند 6,000 لفة.دقيقة و عزم 156 نيوتن.متر عند 4,200 لفة.دقيقة
و ده بقي المستخدم في كل من :
- هيونداي النترا hd
- هيونداي أكسنت rp
- كيا سيراتو (الجيل الثاني)
يعني محرك العربيات ال3 واحد مع بعض الاختلافات الطفيفة جدا و الغير ملحوظة لكن الاساس واحد
أما عن وسيلة نقل الحركة فهي كاتينة جنزير و ليست سير كاوتش في كل الموديلات السابقة يتم مراجعتها فقط كل 100,000 كم علي ما أذكر
أما المجموعة (الباور - الطلمبة - التكييف - ......) فهي سير كاوتش يتم تغييره كل 60,000 كم
ده كل اللي أعرفه حاليا عن المحرك ده
و هنا في لينك و يكبديا لمزيد من التفاصيل و الارقام
استاذ سمير تصحيح بسيط الموتور ده موجود فى الالينتر md و الجيل الاخير من hd
الف شكر للجميع بس اخر كلام علشان لخبطونى :) السير جنزير اراجع عاليه كل ١٠٠ والموتور النترا
ياباشا ماتشغلش نفسك بالموتور هو موتور ايه ؟
عادة المحرك بيكون له أكثر من تطبيق أو أستخدام علي كذا موديل من العربيات
بالنسبة للصيانات و مواعيدها تقدر تراجع اللينك ده
http://www.nilemotors.net/Nile/304301-a.html
السير جنزير ماتشغلش بالك انا سير الدينامو بيتغير كل 60 الف