بفضل الله خلصت

السلام عليكم ورحمة الله وبركاته
اولا انا بخص بالشكر دكتور حودا وديل باشا اللى انا دوشتهم جدا جدا
انا يابشوات رحت انهاردة الصبح عند الأرخص جبت سماعتين سونى 400 وات 12x6 كبيرة قوى قوى ب 330 جنية وجبت سماعتين مدورين سونى 350 وات ب 230 جنية ولقيت هناك بوكس كبير للصب ب 100 وصغير ب 85 بس عجبنى ال كبير فجبتة وروحت شبين على اساس انى هركب ال 400 على الرف واوصلهم على الكاسيت وال 550 اللى عندى احطهم فى البوكس واوصلهم على الجى ام
المهم على ما روحت لبتاع الكاسيت اللى بتعامل معاه دلوقتى قالى ان السماعات كبيرة وى ولازم يتفتحلها فى الصاج تانى ولو انت بعد كدا حبيت تغيرها بسماعات بيضاوى عادية مش هتعرف المهم يمين شمال اقنعنى الصراحة فخليت ال550 زى ما هما على الرف وسيبتلة ال 400 دول يحطهم فى البوكس بس وروحت وقلت اوفر انا اجرة انه يركبلى سماعات الابواب ووقفت تحت البيت عندى ركبتهم تمام وحتى كنت لقيته مش مقفل الابواب كويس من المرة اللى فاتت فالحمد لله انى ظبطهم
ونمت شوية وفطرت ونزلتله تانى وصلى البوكس على الجى ام وساب برضة سماعات الرف على الجى ام وبقوا سمساعات الرف على الجى ام ورا يمين وسماعات البوكس ورا شمال
انا فهمته انى عاوز ال 550 على الكاسيت وال 400 اللى فى البوكس على الجى ام واقنعنى لانه لما عمل زى ما انا عاوز البيز بتاع ال 550 اللى على الرف قل فاقتنعت بوجهة نظرة بس هو فرجنى على عربية بومة عنده بتاعته هوه عامل فيها ساوند سيستهم كالاتى
كاسيت بايونير
سماعتين مدورين للابواب بايونير
سماعتين خلفى كينوود دبل بيز
صب بايونير
جى ام كينوود ومشغل الصب والاربع سماعات على الجى ام
ملحوظاتى بقى
الصوت مليان هوا قوى بس بيزة معقول مش بيهرتل
انما من غير الصب البيز عادى زى السونى ويمكن اقل سنة على فكرة
المهم انا بقى الصوت عندى بقى تمام الحمد لله
مبسمعش خروشة من الابواب الامامية
البيز مش بيهرتل بس مبقتش اقدر اعلى اكتر من 20
بس الشنطة اتاكل الحتة اللى تحت الرف الخلفى وخليتة يثبتلى الجى ام فى جنب البوكس

مبرووووووووووووووووووووك يا معلم ولا شكر علي واجب احنا اخوات وزمايل غيه هههههههههههه

هوا اللي عمله كده صح مش هاينفع تركب 6×12 مكان ال 6×9 بس ممكن تركبها علي الرف برضه في النص جنب الاتنين اللي عندك

اوعي تكون عكست السلوك بتاع السماعات اللي قدام سالب مكان موجب وكده ولا انتا ركبت الكلبسات القديمه علي السماعات الجديده علي طول من غير ما تعدل في الاسلاك ولو كده يبقي تمام

الجي ام كده حمل عليه حراااام مش هايكمل معاك ساعه شغل ويفصل كل شويه

ولو انتا مصر علي الحل ده يبقي انتا لازم تخلي سماعه يمين الرف ويمين البوكس علي يمين الجي ام
وشمال الرف علي شمال البوكس علي القناه الشمال في الجي ام

وممكن توطي جيين الجي ام شويه بحيث انك تعلي لغاية ال30 من غير الصوت ما يهرتل

والحل الصح بقي ان ال 550 يبقوا علي الرف علي الكاسيت
وال 400 في البوكس وتشغله علي الجي وتخلي الجي ام بيييز بس من زرار الفلتر hpf وجرب وادعيلي

حودا باشا حبيبى اولا البقاء لله فى محمد الجندى اللى من عندكم من طنطا والله الواحد بقى مش عارف يعمل ايه كل يوم ناس تموت حررااااااااااااااااااااام البلد بتولع ربنا يسترها علينا
ثانيا انا ركبت السماعات الامامية زى ما هو عاملها بكلبسات الموجب والسالب يادوب سيلت القديمة وحطيت الجديدة بس بس على فكرة صوتهم فارق مش بيهرتلو زى القدام بس طبعا ولا حاجة جنب البيضاوى اللى ورا
الصوت دلوقتى مظبوط تمام واخرى بعلى الكاسيت على 20 وبس
بس حكاية انه وصل السماعات كلها على الجى ام دا انا والله سمعت صوت الكاسيت ومعاه السماعتين ال 550 وال 400 فى البوكس على الجى ام والصوت كان بيهرتل ومفيهوش بيز خااااااااااااالص والصوت متظبطش الا لما وصل الابع سماعات على الجى ام وانا سالته كذا مرة ياعم مش كدا كتير على الجى ام يولى لا الجى ام يستحملهم كويس بس مرضيش خالص على حتة يمين وشمال دى
هو عامل الاتنين اللى على الرف يمين واللى فى البوكس شمال وبسسسسسسسسسسس
بس لما بسمع صوت اللى فى البوكس بس هما بيز حلو لكن صوت مكتوم
بس الصوت كله على بعضة تمام هرفعلكم صور البوكس بالسماعتين

الف مبروووك يااابو صلاح وعقبال الصب بقى ياحبى او البازوكا وهو ده الحل الامثل الى هو عمله واحسن حاجه انه خلى 550 هما الى على الجى ام علشان بيطلعو 80 ار ام اس وخلى ال400 على الكاسيت ودول بيطلعو 100 ار ام اس وكمان الى على الرف عندك احسن حل انهم هما الى يبقو على الجى ام علشان الصوت الى واضح هو الى يبقى فيه بيييز والف مليوووون مبروك ياحبى

http://nileup.com/up/uploads/nilemotors_13600158361.jpg

http://nileup.com/up/uploads/nilemotors_13600158362.jpg

http://nileup.com/up/uploads/nilemotors_13600158363.jpg


http://nileup.com/up/uploads/nilemotors_13600158364.jpg

نسيت اقولكم انى خليتة يركب الجى فى جنب البوكس اليمين زى ما انتم شايفين فى الصورة علشان اعرف ادخل البوكس لاخر الشنطة جنب الكنبة

الف مبروك اهم حاجه انك وصلت للصوت الجيد الللى يعجبك

تسلم يادرش على فكرة افتكرتك انهاردة وانت كنت بتسال عن سماعات اى كلام تمشى الحال
فيه فى التوفيقية ناس واقفة بتبيع بايونير صينى مضرو بس صوتة معقول اعتقد الجوز بيضاوى كان بداية كلام 75
ولما تحب تجدد النظام على ابوة اخواتك هنا الديل ودكتور حودا ملوك الصوتيات

يا باشا البقاء لله وحده ومفيش حد حقه هايضيع بإذن الله الحكم العدل

وربنا يديك خيرهم ويكفيك شرهم

وعلي فكره لو فيه سماعتين عندك بيطلعوا بيز بس وسماعتين بيطلعوا صوت يبقي هوا موصل فردة rc علي مخرج ال rear out rc في الكاسيت
وموصل الفرده التانيه علي مخرج sub out في الكاسيت
وعشان كده هوا خلي الاتنين اللي علي الرف في قناه والتانيين في قناه

والسماعات البايونير المضروبه دي بيبقي مكتوب عليها 400 وات فيتنامي و 80 rms وهيا واحد صاحبي جايبها وتمنها عندنا 100 جنيه وهيا متقلده حلو قوي صوتها حلو فعلا وعلامه مائيه وطباعه محفوره وشغل عالي قوي لكن تقفيل الراق علي الكاوتش واضح قوي انه ملحوم هوا ده الفرق الوحيد اللي لاحظته فيها

وياريت كل الناس تحاذر منها لان فيه ناس بتركبها علي انها الاصلي ب 300 جنيه

مبروك على الطقم الجديد ربنا يحفظهم لك

ما شاء الله ..الف مبروك يا باشا وعقبال ما اظبط الدنيا انا كمان..مواصفات الجى ام ايه يا صلاح وبكام؟؟

الف مبروك يابو صلاح

الله يبارك فيك يا ميدو باشا
تسلم يا after
يا ابو مالك الجى ام سونى اكسبلود 350 وات سعرة من ارخصهم ب 320 جنية

ألف ألف مبروك يا عم صلاح وربنا يحفظهالك يارب

يارب تسلم ياباشا ويسلملى ذوقك

ما شاء الله
الف مبروك ..