طفاية الحريق بتتملى؟

**maka** · 30-07-2008 08:16 PM

المشاركة الأصلية كتبت بواسطة Akram

ازيك يا حسام باشا ,
اللي اعرفه انه لو استخدمت الطفاية و لو لمدة بسيطة يبقى لازم تتملي مرة تانية ,
و انا جربت الموضوع ده قبل كده في محل في الهرم و بعد إعادة الملو بيحط رصاص كعلامة انها مليانة و لم تستخدم و ده كان بـ 15ج , بس ده لو العمر الإفتراضي لم ينتهي لان المحل مش بيغير التاريخ المكتوب على البدن (الهاوس) ,
لكن لو العمر الإفتراضي هيعدي الـ 5 سنين يبقى لازم الموضوع ده يتعمل في صيانة البفاريا مش من خلال أي محل ,

ممكن اعرف المحل فين بالضبط فى الهرم

**Akram** · 31-07-2008 02:30 AM

في الشارع اللي قبل ترعة المنصورية من ناحية بداية الهرم و في الصف اللي ناحية الهرم (مش فيصل),
و تقريباً على ناصية الشارع محل عصير ,

و المحل اللي بيملا الطفايات في رابع عمارة في الصف الشمال ,

**maka** · 31-07-2008 05:08 AM

المشاركة الأصلية كتبت بواسطة Akram

في الشارع اللي قبل ترعة المنصورية من ناحية بداية الهرم و في الصف اللي ناحية الهرم (مش فيصل),
و تقريباً على ناصية الشارع محل عصير ,

و المحل اللي بيملا الطفايات في رابع عمارة في الصف الشمال ,

معلش هتعبك معى هى ترعة المنصورية هى ترعة المريوطية ولو

مش هى يبقى مكانها فين فى الهرم بالظبط

**Hossam_Hassan** · 31-07-2008 10:02 AM

المنصورية غير المريوطية، لو انت جاى من ناحية ميدان الرماية، تبقى المنصورية قبل المريوطية

**maka** · 31-07-2008 10:07 AM

المشاركة الأصلية كتبت بواسطة Hossam_Hassan

المنصورية غير المريوطية، لو انت جاى من ناحية ميدان الرماية، تبقى المنصورية قبل المريوطية

يعنى المنصورية بعد المريوطية وانا جار من الطالبية او الجيزة

**الطنطاوي** · 31-07-2008 11:07 AM

ايه أقرب مكان لمدينة نصر أقدر أملى فيه البطارية ؟

جزاكم الله خيراً

**Hossam_Hassan** · 31-07-2008 11:13 AM

المشاركة الأصلية كتبت بواسطة maka

يعنى المنصورية بعد المريوطية وانا جار من الطالبية او الجيزة

بالظبط كده

**Adham** · 31-07-2008 11:17 AM

طفاية الحريق ال 1كجم بتاعه العربيات بتبقى زي عود الكبريت ماتشتغلش الا مرة واحدة
هههههههههههههههه

لأن الطفايات دي مش هواء مضغوط و بودرة زي الطفايات الكبيرة
ولكن بيبقى فيها "خرطوشة" بلاستيك لما تدوس ذراع الاطفاء بتتفتح و تتفاعل و يخرج منها هواء مضغوط يرش البودرة من الطفاية

1- يبقى الطفاية دي ماتتجربش
2- لو استخدمتها ولو ثواني يبقى لازم الخرطوشة تتغير
3- بعد الاستخدام يبقى الخرطوشة تتغير و لو البودرة ناقصة تتزود (بالوزن) يعني الطفاية 1 كيلو يبقى تتزود بودرة تاني لغاية 1 كيلو بودرة
4- الخراطيش و البودرة لو مضروبين ( وما اكترهم في السوق) يبقى الطفاية دي مالهاش لازمة
وبالتالي يبقى الأحسن و الأضمن انك تملا الطفاية عند بافاريا (في شارع الجمهورية)
5- مفروض كل سنتين مثلا تودي الطفاية لحد بتاع طفايات (شارع الجمهورية) يكشف عليها و يشوف الطفاية من جوة اذا كانت الخرطوشة كويسة و اذا كانت البدرة صالحه وللا لأ ( لأن البودرة دي على ما أسمع بترطب بعد ركنة فترة و مفعولها بيروح و بالتالي مفروض تتغير البودرة كل سنتين او تلاتة على حسب بتاع الطفايات ما يكشف عالبودرة

**Ahmad Allawy** · 31-07-2008 11:39 AM

ادهم باشا..
الف شكر علي المعلومات القيمة جدا دي..
و ان شاء الله في اقرب فرصه هاروح افحص و اكشف علي الطفاية..
الامان مفيهوش هزار..

**Ahmed Selim** · 31-07-2008 12:35 PM

المشاركة الأصلية كتبت بواسطة NoNaMe

فين بافاريا اللى فى جسر السويس؟؟؟

فى جسر السويس طبعاً يا باشا وهى دى عاوزة كلام :) :) :)

بص يا باشا

أمشى فى جسر السويس فى أتجاه الحرفيين لحد لما توصل الى ألف مسكن وتعديه وتعدى سور نادى الشمس وفندق السلام وتوصل لشريط القطر وتكمل على طول زى ما أنت وبعد كده تبتدى تبص على شمالك هتلاقى مبنى البافارية وعليه يافطة كبيرة
فى شريط قطر تانى المفروض الشركة بين الأول والتانى بس أعتقد أنها أقرب للتانى

يا ريت تبقى تقولنا عملت أيه

الموضوع: طفاية الحريق بتتملى؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طفاية الحريق وطريقة استخدامها واهمية طفاية حريق السيارة

هى طفاية الحريق بتركب فين؟؟؟؟؟

طفاية الحريق

غيرت طفاية الحريق

طفاية الحريق و اهميتها

الكلمات الدلالية لهذا الموضوع

المفضلات

المفضلات

ضوابط المشاركة