قدامى i30 و جراند بونتو ال ٢. ٢٠٠٩ و محتار اشترى انهى واحدة ... استشيركم اخوانى
عرض للطباعة
قدامى i30 و جراند بونتو ال ٢. ٢٠٠٩ و محتار اشترى انهى واحدة ... استشيركم اخوانى
الاتنين تقريبا حالتهم زى بعض كويسه
ال i30 : ماتور اقوي تكيف كذلك استهلاك بنزين اعلي توكيل سئ في ظل انتشار قليل للعربية
عربية كويسة من راي ممكن تكون واطية علي مطبات مصر .
الفيات : ماتور اقل واستهلاك بنزين رائع الجمال الايطالي مع التوكيل الاسوء من السئ فأعتقادي
مجرد رأي ليس الا
والله اعلم ..
مممممم هو انا غالبا هيبقا استخدامى جوا المدينة السفر قليل شوية
ألف شكر لحضرتك ربنا يكرمكاقتباس:
المشاركة الأصلية كتبت بواسطة s o p h o s
لو أستخدام داخل المدينة أكتر فأنت مش محتاج موتور أقوى
بس الأي 30 أفضل من الجراند
بس في النهاية كله بيعتمد على أنت عايز أيه من السلعة اللي ناوي تشتريها .
و آدام أنت مش بتطلع طرق سفر كتير أو مش محتاج قوة الموتور في حاجة يبقى أنت أولى توفر بنزين .
يبقى الجراند علشان موتورها أصغر .
العفو يا باشا
مدام مش بتسافر كتير ومش عاوز ماتور كبير علي الفاضي
يبقي الفيات انسب فعلا استهلاك بنزين افضل كتير
وعربية ايطالي جميلة لكن بردوا في اعتراض علي التوكيل السئ مع ملاحظة ان غبور مش ملاك ..
يبقا الجراند بونتو ان شاء الله ...على الله ...ألف شكر لأجدع ناس...دعواتكم بقا
ربنا يوفقك ان شاء الله
ومتحولش تستعجل الشراء دور براحتك علي عربية نظيفة وتكشف عليها كويس
وتحاول تقيم السعر كويس علشان متخدهاش غالية لان سوقها تقيل سواء دي او دي
يعني بردوا تبقي عامل حسابك علي سعر محدد بعيدا عن غلاء السوق والناس الي بتألف
وان شاء الله خير ..
فكك من الاتنين دول اصلا و شوف حاجة تانية
بس خد بالك من نقطة مهمة جدآ أنت مش واخد بالك منها وهى سعر أعادة البيع اللى مش فى صالح الجراند بونتو .. على فكرة أنا كنت ناوى أشترى الجراند بونتو أيفو بس فى كام نقطة خلتنى أغير رأيى:اقتباس:
المشاركة الأصلية كتبت بواسطة hoshos2009
1. سعر أعادة البيع فى السوق المصرى ضاااااااايع و تقيلة أوى فى بيعها ....
2. توكيل سمعتة سيئة جدآ ....
3. قطع غيار غاااااااالية ومش متوفر غير فى التوكيل (الفانوس الخلفى ب 2000 جنية) و الكلام دة قريتة قبل ما الدولار يغلى يعنى دلوقتى السعر هتلاقية أكتر من كدة ....
لما تفكر تشترى عربية يبقى لازم تشترى عربية ليك وللسوق و السوق المصرى يعشق العربيات الكورى و اليابانى يعنى من الأخر فكر فى حاجة من دول وسيبك من الأوروبى لأن قليل أوى أوى اللى بيشترية النهاردة ....
للعلم الفانوس الخلفى تمنه حوالى 600 جنيه بالضريبه