الموضوع: رايكم فى سوزوكى سيلاريو 2013

المشاركة الأصلية كتبت بواسطة ahmeddedo

السلام عليكم

انا انهارده شفت سوزوكى سيلاريو 2013 فى معرض

هى 1000 سى سى و 2 ايرباح وفرامل abs وتكيف وباور وكاست وسنتر ريموت

سعرها كان 75 الف فعايز اعرف رايكم فيها هل تستاهل وهل هى يابانى ولا هندى وهل واسعه

من جوه لو حد ضخم شوية قعد جنب السواق او فى الكراسى الى ورا

وهل هى افضل ولا اسبيرانزا a113 ولا نيو سبارك لانى سمعت ان السوزوكى 3 سلندر

محتاج اعرف رايكم وهل اجيبها ولا حد عنده اقتراح تانى

كمان بخصوص التوكيل هل التوكيل كويس ولا تعبان واسف على الاطاله

سعر عالي...
ياباني تجميع هندي...

السياره اضيق من الالتو!!
افضل الالتو ثم الاسبرانزا...
التوكيل من اسوأ ما يكون...،
تحياتي

Sent from my SE Arc S using Forum Runner

المشاركة الأصلية كتبت بواسطة ahmeddedo

شكرا لحضرتك بس فى ناس كتير اوى خوفتنى من الاسبيرانزا
واعتقد سعرها مقارنه بالاى تن نفس الوسع تقريبا بالاضافه انها فيها 2 اير باح وفرامل abs وكامله

والاى تن بدون هذه الاضافات وسعر الالتو حاليا كام فى السوق

ياغالي
الاسبرانزا اسأل في قسم الصيني ملاكها رأيهم ايه..
الالتو تقريبا بعد الرفعه الأخيرة وصلت 53 800سي سي وتكييف...
الآي 10 معجبتنيش وبالمناسبة هي تقفيل هندي...
تحياتي

Sent from my SE Arc S using Forum Runner

يا باشا اصبر ع رزقك و متستعجلش و الردود هتيجي تجري جري هههههههه

بخصوص السبرانزا هي عربية كويسة في فئتها يعني 1300 سي سي و السعر و الامكانيات بغض النظر عن انها صيني ساعات برده الصين بتنزل فلتات زي في بنادق الصيد كل الناس معجبهاش بنادق الصيد الصيني الا بندقية اسمها بام و تعتبر من الفلاتات الصيني من قوتها و ادائها اللي بتوازي الي حدا ما حاجة زي الديانا الالماني

من جوة السبرانزا قاعدتها مريحة و تتوافر فيها كماليات مش موجودة في حاجات اعلي منها سعرا
استهلاك البنزين كويس و التكييف ما شاء الله كويس
قطع الغيار اعتقد بقت ارخص لكن اسمع ان فيه قطع غير متوافرة برة اوي و الاسعار قريبة من الماروتي و احيانا زي الالتو
و العربية بالنسبة ليا لما سوقتها شايف انها عايزة شخص سواقته عادية يعني لو غرز يبقي ع خفيف اوي وسط البلد و سرعات طوالي ثبات متوسط لكن مش برفكت يعني محدش برده يفتكرها بي ام و يعمل مناورات بيها :)
العيوب اللي لاحظتها في العربية العفشة خاصة المساعدين و ده حلهم انهم يتغيروا ياما تستحمل الصوت و النشوفية
التقفيل مش اد كده بس لو جبنا السعر مع الامكانيات و الكماليات يبقي كويس
الشنطة ضيقة شويتين
ده من تجربتي لها
بعتبرها عربية مناسبة في المدن و تصلح شبابي او عائلي



اما السيلاريو طبعا هي عربية حلوة موفرة جدااا في البنزين و ع حد علمي الموتور حائز ع لقب اقل استهلاك موتور بالاضافة للاوبشن و تقفيلها بصراحة محترم و احسن من التو شوية لكن شايف ان سعرها عالي شوية لكن حجمها زي الالتو

فيه التو نزلت جديدة و هي كي 10 k10 و ديه موتور سيلاريو و شكل التو 2008-2013 مع اختلافات بسيطة للأفضل طبعا و الشكل الداخلي زي الالتو الـ2008-2009 و الطارة بتاعت سيلاريو ع ما اتذكر يعني من الاخر العربية تجمع بين مميزات الالتو 2008-2013 و السلاريو و سعرها 60 الف تقريبا و تقدر تشوفها في الموضوع ده

http://www.nilemotors.net/Nile/330996-2013.html

كذلك فيه الالتو الـ800 سي سي 2013 لكن الاوبشن الوحيد انها بتكييف سعرها 53 الف و نص و فيها اختلافات بسيطة بينها و بين التو 2008-2009

http://www.nilemotors.net/Nile/324489-2008-2013-800-a.html

نيجي لقطع الغيار لو هتتعامل خارج التوكيل فملاك السيلاريو بيشتكوا من قلة توافرها خارج التوكيل

الـk10 اغلب قطع غيارها موجودة لأنها تعتبر نسخة من التو 2008-2013 ماعدا اختلاف الفوانيس و شوية فروق بسيطة لا تذكر و كله واضح في تغطية المعرض ماعدا الموتور موتور سيلاريو فمعرفش نظام قطع غياره برة و الله اعلم بالنسبة حاجة استهلاكية زي طقم الدبرياج متوافرة برة و لا لأ و بالتالي في الحاجات التقيلة ديه مضطر تروح للتوكيل

اما التو 800 سي سي 2013 بتكييف فديه زي الـ2008-2009 ماعدا الفروق البسيطة اللي في الموضوع المذكور اعلاه فقطع غيارها موجودة برة لو حبيت تتعامل برة التوكيل و انا أفضل تخليك في قطع غيار التوكيل و سعرها اعلي من الماروتي شوية
و ديه اسعار قطع الغيار

http://www.nilemotors.net/Nile/264735-a.html

و اي استفسار اتفضل :)