استهلاك البنزين في سكودا فيفوريت 1994

**DONYO** · 03-08-2008 10:10 AM

على فكرة يا جماعة انا رحت امبارح عند على الزفتاوي علشان استهلاك البنزين العالي (160 كم / 20 ليتر ) زي ما قلتلكم قبل كدة ، وحصل الاتي :-
1- اول ملحوظة ان الراجل منتظم في مواعيدة فعلا بييجي الساعة 10 صباحا ويفتح الورشة .

2 - هو نظف الكاربراتير وهو راكب يعني من غير ما يفكة وظبط التكيهات وغير ترموستات الرادياتير .

3 - طلب 60 جم اديتهمله بدون اي فصال بناء على نصيحة أ /امير وانا قلتله اني جاي من طرف أ/ أمير ومن نايل موتورز وان أ / أمير عاملك دعاية جامدة جدا على نايل موتورز وعلشان كدة انا قلت لازم اجيلك والكلام دة .

4 - بعد ما خلص شغل قالي : (على فكرة الـ RBM دة بيقرا غلط بيقرا بالناقص )، قلتلة لا دة كان قرايتة سليمة فقالي : (لأ دة بيقرا غلط والـ RBM مالوش لازمة اصلا دة حتى فيه عربيات فيها ساعة بدل الـ RBM يعني مش مهم ).
ولاحظت اني لما خرجت من عندة الـ RBM بقى فعلا قرايتة حاسسها مأخره مع انها كانت قبل ما يشتغل زي الفل والله اعلم عمل اية او بدل حاجة في العربية الله اعلم

5- الملحوظة الاساسية اللى اهم من اللى عملة دة كلة هو قلة الذوق المتناهية والتعالي الفظيع في التعامل بدون داعي والله العظيم لولا اني صعبان عليا المشوار اللى انا ضربته لحد مدينة نصر لكنت (...........)وعرفته مركزة الحقيقي لان قلة الزوق كانت عالية جدا جدا لدرجة انه حسسني اني بشحت منه مش زبون جاي يصلح العربية ويديلة فلوس مع انه في الاخر مجرد ميكانيكي لا اكثر فمثلا ابسط جملة قالهالي: ( انا خلاص بشتغل في العربيات "العالية" بس والعربيات دي "يقصد الفيفوريت والفليشيا " بقت زي الـ 128 وانا عندي 500 عربية بشتغل فيهم ومش محتاج عربيات تاني )وقعد يحكيلي عن امجادة في رفض العربيات الحقيرة زي عربيتي وان اللى بيجيلة بيقولة: ( لا انا خلاص بطلت شغل في العربيات دي) وكأني راكب فيات1300 ولا سيات 133 العزيزة ، وانه هيشتغل بس علشان خاطر أ / أمير بسلامتة عاوز اوكافيا بس ولا حتى فابيا على الاقل، واللى هيموتني اني فضلت اعاملة بذوق من اول لحظة لاخر لحظة ، اولا علشان تربيتي واخلاقي ما تسمحش اني (....................) وثانيا علشان المشوار اللى انا خبطتة ما يرحش على الارض .

6 - بالنسبة لا ستهلاك البنزين انا لسة مااعرفش اذا كان قل ولا لسة لكن لما افول العربية تاني هعرف لاني فولت اول ما خرجت من عندة ولو اني مش متفائل .

7 - أ / أمير ارجو من حضرتك تعليقك على اللى حصل معايا دة ورأيك فيه .

**MOHAMED ABD EL SHAFY** · 03-08-2008 04:57 PM

60 جنية تنظيف كاربرتيير وثرموستات وتاكيهات (...............)
انا دفعت 100 جنية فى تغيير سير كتينة وكنت مستغليه (فك بلاوى عشان يوصل للسيير وفك كارتيرة موتور وغير جوانات)

انا اعرف الاسعار كالاتى
1- تغيير الثرموستات عند اى كهربائى 5 جنية ولو طمع هيقولك 10 جنية ولو بيغيرها مع شغل ببلاش
2- تنظيف الكربراتيير (يتفك ويتنظف ويركب مانة تانى ويظبط كهربا ويغيير بوجيهات ) =مرة 20 ومرة 25 جنية دا من واقع ما عملتة
3- ظبط تاكيهات عند علامة تاكيهات ومتخصص ب 20 جنية وعند اى ميكانيكى من 10 الى 15 جنية
يعنى كل الحاجة دى تتعمل فى حدود 30 جنية فقط الى 40 جنية بالكتيير
ولو مفكش الكربراتيير يبقى 25جنية حلو اوى
فعلا بيغلى اوى جدا

**MOHAMED ABD EL SHAFY** · 03-08-2008 04:58 PM

بس سير الكاتينة دا معملتوش عند الزفتاوى

**DONYO** · 04-08-2008 08:03 AM

المشاركة الأصلية كتبت بواسطة MOHAMED ABD EL SHAFY

60 جنية تنظيف كاربرتيير وثرموستات وتاكيهات (...............)
انا دفعت 100 جنية فى تغيير سير كتينة وكنت مستغليه (فك بلاوى عشان يوصل للسيير وفك كارتيرة موتور وغير جوانات)

انا اعرف الاسعار كالاتى
1- تغيير الثرموستات عند اى كهربائى 5 جنية ولو طمع هيقولك 10 جنية ولو بيغيرها مع شغل ببلاش
2- تنظيف الكربراتيير (يتفك ويتنظف ويركب مانة تانى ويظبط كهربا ويغيير بوجيهات ) =مرة 20 ومرة 25 جنية دا من واقع ما عملتة
3- ظبط تاكيهات عند علامة تاكيهات ومتخصص ب 20 جنية وعند اى ميكانيكى من 10 الى 15 جنية
يعنى كل الحاجة دى تتعمل فى حدود 30 جنية فقط الى 40 جنية بالكتيير
ولو مفكش الكربراتيير يبقى 25جنية حلو اوى
فعلا بيغلى اوى جدا

انا يا بية ما حبتش افاصل علشان اتعامل كويس انا والعربية لكن لا حياة لمن تنادي وبصراحة كدة انا هشةف ميكانيكي اسكودا تاني علشان الطواريء والصيانه الدورية

**momenhamdy** · 04-08-2008 02:35 PM

انا كانت معايا العربية دي كنت بحطلها بنزين 90 اوكتان و كنت بحطلها حوالي 20 لتر كانوا بيعضوا معايا حوالي 195 الي 200 كم و نصيحتي ليك استخدم البنزين 90 اوكتان اولاً لانه اوفر في سعر اللتر و ثانيا ان العربية دي كاربيراتير مش محتاجة 92 اوكتان ارجو ان اكون وضحتلك وجهه نظري

**DONYO** · 04-08-2008 04:01 PM

المشاركة الأصلية كتبت بواسطة momenhamdy

انا كانت معايا العربية دي كنت بحطلها بنزين 90 اوكتان و كنت بحطلها حوالي 20 لتر كانوا بيعضوا معايا حوالي 195 الي 200 كم و نصيحتي ليك استخدم البنزين 90 اوكتان اولاً لانه اوفر في سعر اللتر و ثانيا ان العربية دي كاربيراتير مش محتاجة 92 اوكتان ارجو ان اكون وضحتلك وجهه نظري

انا بحط 92 علشان العربية تبقى مرتاحة خاصة ان الفرق مش كبير بينهم (10قروش) لكن هل لو حطيت 90 هتوفر في الاستهلاك ؟

**MOHAMED ABD EL SHAFY** · 04-08-2008 04:15 PM

جرب كدا يا دونيو واصبر شوية لغايه ما تتصاحب على العربية وتعرف دماغها
البنزين ليه اكثر من سكة
1- ميكونش فيه اى تسريب من الخراطيم او الفلتر او مثلا يكون غطا التنك بايظ فبيسمح بتبخر البنزين
2- الكربراتيير يكون على الشعرة وبيك البنزين يكون مضبوط
3- الكهربا تكون 10ظ10
4- المش بالمعقول والتكييف بالعقل
وجرب وقولنا انت وصلت لايه عشان نطمن عليك وتفيد اللى عندة نفس المشكلة
الاستهلاك الطبيعى من 180 الى 200

**momenhamdy** · 04-08-2008 04:39 PM

المشاركة الأصلية كتبت بواسطة DONYO

انا بحط 92 علشان العربية تبقى مرتاحة خاصة ان الفرق مش كبير بينهم (10قروش) لكن هل لو حطيت 90 هتوفر في الاستهلاك ؟

منا بقول لحضرتك ان ال 90 اوكتان كان بيمشيها ما بين 195 الي 200 كم و اكيد دا بيعمل توفير في الفلوس و كمان بتمشي عدد كليومترات مش بطال

**DONYO** · 05-08-2008 10:03 AM

المشاركة الأصلية كتبت بواسطة MOHAMED ABD EL SHAFY

جرب كدا يا دونيو واصبر شوية لغايه ما تتصاحب على العربية وتعرف دماغها
البنزين ليه اكثر من سكة
1- ميكونش فيه اى تسريب من الخراطيم او الفلتر او مثلا يكون غطا التنك بايظ فبيسمح بتبخر البنزين
2- الكربراتيير يكون على الشعرة وبيك البنزين يكون مضبوط
3- الكهربا تكون 10ظ10
4- المش بالمعقول والتكييف بالعقل
وجرب وقولنا انت وصلت لايه عشان نطمن عليك وتفيد اللى عندة نفس المشكلة
الاستهلاك الطبيعى من 180 الى 200

1- لا يا باشا ماعنديش اي تسريب في الخراطيم لاني كشفت على العربية في مركز الخدمة وقالولي كويسة وحالتها على كدة ممتازة .
2 - اعتقد ان على الزفتاوي ظبط الكاربراتير في الزيارة اللى فاتت .
3 - اعتقد انه ظبط الكهرباء خاصة اني قبل ما اروحلة في الصيانه اول ما اشتريت العربية غيرت بوجيهات وفلتر هوا وقلتر زيت وخلافة .
4 - انا والله بحافظ جدا على عربيتي عامة وبعمل اي عيب يظهر أول بأول وبمشي في العادي وماعنديش تكييف لان عربيتي فاضية .
5 - ان شاء الله لما افول العربية اخر الاسبوع هقولكم عملت كام في بنزين 92 ولو ما عجبنيش المعدل هحول الاول على بنزين 90 واقارن ولما مارضيتش عن المعدل هبتدي اشوف ميكانيكي تاني .
والف شكر على اهتمامك يا محمد بية .

**DONYO** · 05-08-2008 10:06 AM

المشاركة الأصلية كتبت بواسطة momenhamdy

منا بقول لحضرتك ان ال 90 اوكتان كان بيمشيها ما بين 195 الي 200 كم و اكيد دا بيعمل توفير في الفلوس و كمان بتمشي عدد كليومترات مش بطال

خلاص يا باشا بعد ما افول التفويلة اللى جاية دي 92 واشوف المعدل بعد ما ظبطت العربية هيبقى كام ولو لم ارضى عن هذا المعدل سوف احول الى بنزين 90 واشوف يا باشا . والف الف شكر على اهتمامك يا باشا .

الموضوع: استهلاك البنزين في سكودا فيفوريت 1994

LinkBack

أدوات الموضوع

عرض

-

-

-

-

-

-

-

المواضيع المتشابهه

سكودا فيفوريت

E36 1994 موتور 2500cc ضريبتها كام فى السنه و استهلاك البنزين ؟

ماهو الفرق بين سكودا فيفوريت و سكودا فيليشا؟

سكودا فيفوريت مو 1994

للبيع أسكودا فيفوريت 1994

الكلمات الدلالية لهذا الموضوع

المفضلات

المفضلات

ضوابط المشاركة