استهلاك البنزين في سكودا فيفوريت 1994

**DONYO** · 29-07-2008 12:13 PM

سؤال فني جدا لاصحاب الفيفوريت والعارفين بها ، انا من يوم ما اشتريتها من حوالي 10 ايام وانا بحط بنزين 92 وفوجئت انها بتعمل 160كيلو / 20 ليتر ( 160 في الصفيحة ) .
فطبعا فوجئت لاني كنت معتقد انها بتعملها بالميت 200 في الصفيحة .
ياترى المعدل دة طبيعي ولا كدة انا عندي مشكلة ، ولو عندي مشكلة اروح لمين يكون بيفهم فيها ويفضل في منطقة قريبة من الجيزة والهرم .
ولكم مني جزيل الشكر

**DONYO** · 30-07-2008 10:08 AM

اية يا جماعة الخير ما فيش حد عاوز يرد عليا ، من فضلكم استجيبوا

**MOHAMED ABD EL SHAFY** · 30-07-2008 11:10 AM

اولا السيارة دى سعتها اللترية 1300 سى سى يعنى المفروض نها تعمل فى حدود 220 الى 180 اقل واجب وليس 160 كيلو (حدود ال160 وال 150 للسيارات ال 1600 و 2000 سى سى القديمة زى ال132 )ودا بيعتمد بصفة اساسية على حاجتين اساسيتين:
1- ضبط السيارة
2- طريقة السواقة
فنيجة للنقطة الاول (ظبط السيارة)
وهى عبارة عن منظومة متكاملة تبدا بالكربراتيير وتنتهى بالكهرباء فلابد اولا من مراجعة الكاربرتيير والرشاش بتاعة مظبوط ونظف الكاربرتيير وخصوصا لو لاحظت خروج دخان اسود من الشكمان او شميت رائحة بنزين دا بيكون بنزين غير محترق وننتقل الى الكهرباء من بوجيهات لاسلاكها ناكد من سلامهم ثم الى السبراتيير يتم التاكد انه مظبوط درجة توزيعة للشرارة متوافقة مع دوران الموتور بالنسبة للموضوع دا كله الميكانيكى ممكن يشيك علية ويظبطة فى اقل من نصف ساعة لو الكربراتيير سليم

والنقطة الثانية هى طريقة القيادة فمثلا
1-المشى على الطرق السريعة والسفر لمسافات طويلة يستخدم بنزين اقل من داخل المدينة
2-كثرة الوقوف فى الاشارات والانتظار يحسب من ضمن الوقود المستخدم على السيارة فيزيد من معدل الاستهلاك للكيلو متر يعنى ممكن تخلص لترين بنزين كدا والعربية واقفة بدون سم فيعتر انها عملت 0 كيلو فى 2 لتر
3- استخدام التكييف يزيد من استهلاك الوقود
4- القرص على الغيار على طول و استخدام البنزين فى منازل الكبارى والسير بسرعة والتوقف المفاجئ بكثرة فى الشوارع المزدحمة كل دا يزيد الاستهلاك
يعنى الخلاصة لو ظبطت السيارة ممكن تعمل 180 الى 220 فى الصفيحة حسب طريقة القيادة

**DONYO** · 30-07-2008 02:18 PM

المشاركة الأصلية كتبت بواسطة MOHAMED ABD EL SHAFY

اولا السيارة دى سعتها اللترية 1300 سى سى يعنى المفروض نها تعمل فى حدود 220 الى 180 اقل واجب وليس 160 كيلو (حدود ال160 وال 150 للسيارات ال 1600 و 2000 سى سى القديمة زى ال132 )ودا بيعتمد بصفة اساسية على حاجتين اساسيتين:
1- ضبط السيارة
2- طريقة السواقة
فنيجة للنقطة الاول (ظبط السيارة)
وهى عبارة عن منظومة متكاملة تبدا بالكربراتيير وتنتهى بالكهرباء فلابد اولا من مراجعة الكاربرتيير والرشاش بتاعة مظبوط ونظف الكاربرتيير وخصوصا لو لاحظت خروج دخان اسود من الشكمان او شميت رائحة بنزين دا بيكون بنزين غير محترق وننتقل الى الكهرباء من بوجيهات لاسلاكها ناكد من سلامهم ثم الى السبراتيير يتم التاكد انه مظبوط درجة توزيعة للشرارة متوافقة مع دوران الموتور بالنسبة للموضوع دا كله الميكانيكى ممكن يشيك علية ويظبطة فى اقل من نصف ساعة لو الكربراتيير سليم

والنقطة الثانية هى طريقة القيادة فمثلا
1-المشى على الطرق السريعة والسفر لمسافات طويلة يستخدم بنزين اقل من داخل المدينة
2-كثرة الوقوف فى الاشارات والانتظار يحسب من ضمن الوقود المستخدم على السيارة فيزيد من معدل الاستهلاك للكيلو متر يعنى ممكن تخلص لترين بنزين كدا والعربية واقفة بدون سم فيعتر انها عملت 0 كيلو فى 2 لتر
3- استخدام التكييف يزيد من استهلاك الوقود
4- القرص على الغيار على طول و استخدام البنزين فى منازل الكبارى والسير بسرعة والتوقف المفاجئ بكثرة فى الشوارع المزدحمة كل دا يزيد الاستهلاك
يعنى الخلاصة لو ظبطت السيارة ممكن تعمل 180 الى 220 فى الصفيحة حسب طريقة القيادة

اولا يا بية انا بشكرك جدا على اهتامك بالرد
ثانيا انا اول ما اشتريت العربية دي رحت عند ميكانيكي وقام بعمل الاتي :
1- تغيير زيت موتور وفلتر زيت .
2- تغيير فلتر هواء وفلتر بنزين .
3 - تغيير طقم بوجيها njk ياباني .
4 - تغيير تيل فرامل امامي .
5 - تغيير بلي عجل امامي .
6 - تغيير اويلسيل الكيلومتر .
7 - ضبط التكيهات وتغيير مسامير غطاء التكيهات .
8 - شراء 4 فرد كاوتش جديدة جوديير .
وقالي كدة العربية مش محتاجة اي حاجة .
وبعد الكلام دة لاحظت ان معدل الحرارة ارتفع شوية عن ما كنت متعود عليه ولما حسبتلها المعدل لاقيتها بتعمل 160 في الصفيحة وتاني مرة لقيتها بتعمل 185 مع العلم ان انا ساكن في شارع فيصل وطبعا انت عارف انه منتهى الزحمة ورجعت للميكانيكي تاني خليته يقدك كهربة الاسبراتير شوية يمكن توفر في الاستهلاك .
وعلى كل حال انا رايح للمكيكانيكي بتاع د / امير يوم الجمعة ( على الزفتاوي ) برضة احتياطي انه كمتخصص ممكن يشيك برضه على العربية خاصة انه رغما عن عدم وجود دخان اسود لكن بشم ريحة عادم من الشكمان لما ببقى واقف في الشارع

**MOHAMED ABD EL SHAFY** · 30-07-2008 03:54 PM

لكن بشم ريحة عادم من الشكمان

يبقى اكيد عاوز ظبط كاربرتيير لا تقلق الموضوع بسيط جدا
وبعدين 185 دى كويسة زى ما قلتلك

**DONYO** · 31-07-2008 11:39 AM

المشاركة الأصلية كتبت بواسطة MOHAMED ABD EL SHAFY

لكن بشم ريحة عادم من الشكمان

يبقى اكيد عاوز ظبط كاربرتيير لا تقلق الموضوع بسيط جدا
وبعدين 185 دى كويسة زى ما قلتلك

مشكرين يا باشا على اهتمامك ولما ارجع من عند على الزفتاوي هبقى اقولكم عملت اية .

**SaNisSro** · 01-08-2008 07:14 PM

بانزين 92 على عربية كربيراتير ومش عايزها تاكلو ..ده يعتبرالعربية بتحلي بيه...البانزين 92 خفيف عن ال 90 وال 80 وبالتالي احتراقه اسرع في الكربيراتير بالذات... عشان كده مصرفها زاد معاك

**crazylambada** · 01-08-2008 07:42 PM

على فكرة انا عندس سكودا فيفوريت زيك و استهلاكها للبنزين قل لما استخدمت 92
ممكن متصدقش بس دي الحقيقة و عربيتي بتعمل في ميت كيلو حوالي 5.9 لتر
و جرب مش حتخسر حاجة

**MOHAMED ABD EL SHAFY** · 02-08-2008 03:52 PM

اشك فى 5.9 دى

**DONYO** · 03-08-2008 09:17 AM

المشاركة الأصلية كتبت بواسطة crazylambada

على فكرة انا عندس سكودا فيفوريت زيك و استهلاكها للبنزين قل لما استخدمت 92
ممكن متصدقش بس دي الحقيقة و عربيتي بتعمل في ميت كيلو حوالي 5.9 لتر
و جرب مش حتخسر حاجة

اجرب ازاي يا بية ما انا بحط بالفعل 92 ولقيتها بتعمل 160 كيلو / 20 لتر

الموضوع: استهلاك البنزين في سكودا فيفوريت 1994

LinkBack

أدوات الموضوع

عرض

استهلاك البنزين في سكودا فيفوريت 1994 - انشر الموضوع فى :

-

-

-

-

-

-

المواضيع المتشابهه

سكودا فيفوريت

E36 1994 موتور 2500cc ضريبتها كام فى السنه و استهلاك البنزين ؟

ماهو الفرق بين سكودا فيفوريت و سكودا فيليشا؟

سكودا فيفوريت مو 1994

للبيع أسكودا فيفوريت 1994

الكلمات الدلالية لهذا الموضوع

المفضلات

المفضلات

ضوابط المشاركة