استفسار عاجل )بيع سيارة مستعملة موديل السنة بس عليها اقساط(

**DEVILRIDER** · 05-02-2013 02:34 AM

لو سمحتو ايه اجرائات بيع سيارة مستعملة موديل السنة بس عليها اقساط و متامن عليها و العربية بحالتها و فاضل عليها ٣٣ شهر اقساط و ايه كل الخيارات المتاحة قدامى علما ان المقدم المدفوع كان اكتر من ٥٠ % وشكرا و ارجو الرد

**shaaban2008** · 05-02-2013 03:44 AM

أولا وقبل الحديث عن الاجراءات
ونصيحه لوجه الله لاتقدم علي خطوه زي دي الا لو الشخص اللي هاتشتري منه السياره ده تكون واثق فيه جدا جدا جدا . يعن صديقك اوقريبك . غير كده ابعد لان الموضوع ده بيجي من وراه مشاكل كتير
وخللي بالك انه لحين انتهاء فتره الاقساط مش هايكون معاك اي سند يثبت ملكيتك للسياره
ثانيا الاجراءات :
تروح البنك وتعرف بنفسك كام قسط باقي علي السياره
1- بتكتب عقد بينك وبين البائع ويفضل ان محامي هو اللي يصيغه
ويذكر فيه كل شئ بالتفصيل من التزامات عليك والتزامات علي البائع
2- واهم شي هو النص علي التزام البائع علي انه ينقلك الملكيه حال انتهاء الاقساط بدون اشتراطات
3- البائع يعملك توكيل اداره بالسياره
في الغالب البائع هايشترط عليك انك تمضي علي ايصالات امانه بقيمة وعدد الاقساط المتبقيه علشان يضمن التزامك بالسداد

**alaamousa** · 05-02-2013 04:08 AM

وبعدين فيه مشاكل كتيير اهمها حظر البيع

**Ahmed Selim** · 05-02-2013 04:50 AM

لو أنت اللى هتشتري................بلاش

إلا فى حالة واحدة أنك تمشي الموضوع قانوني مع نفس البنك أو بنك تاني

بمعنى أن أنت و صاحب العربية تروحوا البنك و تعرف أيه الإجراءات المطلوبة علشان تكمل أنت القسط..........غالباً هيطلبوا منك تعمل قرض جديد و صاحبها يقفل القرض بتاعه بعد الموافقة على القرض بتاعك.