يعنى مثلا 30000 الف جنيه يعمل عائد كام كل 3 شهور ؟
يعنى مثلا 30000 الف جنيه يعمل عائد كام كل 3 شهور ؟
على فكره انت ناسى عامل مهم جداا فى انخفاض الجنيه الا وهو انخفاض الاحتياطى الدولارى الى هو غطاء لاستيراد السلع الاساسيه والى تناقص فى شهر فبراير الى 13.5 مليار دولار وعشان كده مبقاش عند البنك المركزى مساحه وفرصه لدعم الجنيه زى الاول بعد قيام الثوره وآن الاوان لنتحمل جميعا نتاج سنتين من الركود وعدم الانتاج والرجوع الى الخلف وبالتالى حيستمر الجنيه فى التراجع الى ان يشاء الله وينفخ فى صورتنا
الحل فى رأيى هو :ترشيد الاستهلاك من جانب الناس + ترشيد الانفاق الحكومى + ترشيد الاستيراد السفيه = ربنا يفرجها ان شاء الله..... ربنا يهدينا كشعب و نعمل كده و يهدى الحكومة و تقوم بدورها لان اهم عنصرين من عناصر المعادلة دى تحت مسئوليتها مش كل حاجة على حساب الشعب و غلى اسعار كل حاجة و خلاص
طب معلش ممكن حد يشرح لى مميزات الشهادة دى عن تجربة؟
وهل هى أفضل فى البنك الأهلى ولا بنك مصر؟
مش عارف ازاي اشجع اقتصاد بلدي بالربا !!!!
لو فعلا عايز اشجع اقتصاد البلد : الفلوس النايمين عليها نطلعها وحطها في السوق ونعمل بيها مشاريع ونشغل
ناس بس طبعا حيكون في مخاطرة بس المكسب اضعاف نتائج المخاطرة
المشكلة ان الشركات مابتديش فرصة للناس انها تساهم فيها وتشتري اسهم وتشغل فلوسها
أية قيمة 20% فوائد والجنية اصلا هينهار
للاسف اللي بيحصل دا غير مبشر بالمرة والمفروض الفلوس متترميش في البنوك وتنزل السوق عشان تشتغل
الناس كانت بتطالب بتخفيض الفائدة 11ونص عشان الناس رميت فلوسها في البنوك وخلاص
يرفعوها !! مش عارف اسميه ايه بس انا مش متفائل بالخطوة دي لان السوق هينام اكثر
دى مش سياسة حصر نظرى ولا حاجة
أنا رحت معرض القاهرة شوفت الناس رايحة تغير جو مش اكتر حتى مندوبين المبيعات واقفين زى إللى بيضيع وقت
وبردة رحت معرض السيارات فى باريس ٢٠١٠ شوفت الناس رايحة تتفرج وتشترى وتمضى عقود بالهبل وفى نفس الوقت شركات السيارات عاملة عروض واغرائات للى هيحجز فى المعرض
ويا ريت تشوف اللنك دة لمعرض باريس
http://www.nilemotors.net/Nile/197766-2010.html
انا شايف ان ده مؤشر لأن الحكومه خرمانه وعايزه تلم فلوس على أد ما تقدر عشان خزاينها فاضيه. كان فيه دكتور اقتصاد امبارح على قناه المحور نبهني لنقطه مهمه جدا وهيه ان الحكومه بتدفع فايده 16% على السندات اللي بتبيعها للبنوك ودلوقتي البنوك بتستسهل تشتري السندات دي على انها تدي قروض للناس اللي بتشتري عربيه أو بتعمل مشروع أو بتبني بيت لأنه هياخد منك الفلوس ويديك 12% ويروح يديها للحكومه وياخد 16% ويطلع ب 4% في النص وهوه حاطط رجل على رجل بدون أي مخاطر بدل ما يفضل يجري ورا واحد واخد قرض ومشروعه يفشل والبنك يسجنه وتضيع عليه الفلوس.
ربنا يستر على البلد في الفتره اللي جايه.