الموضوع: فاكرين لما قلنا؟: الأهلي يرفع العائد السنوي على الشهادة البلاتينية إلى 12,5%

المشاركة الأصلية كتبت بواسطة mahora

الارقام بتقول غير كده يا باشا..... شوف كده:
سوق السيارات يتجاوز أزمات 2012 ويخترق حاجز الـ200 ألف سيارة
كشف مجلس معلومات «الاميك» عن اختراق سوق السيارات حاجز 200 ألف سيارة بالرغم من ضغط الأحداث السياسية والاضطرابات التى شهدها العام الماضي، وباعت شركات السيارات مجتمعة 200 ألف و252 وحدة خلال 2012 بزيادة 14% على عام الثورة الذى توقفت مبيعاته عند 176 ألفاً و157 وحدة.

وأوضح التقرير السنوى لـ«اميك» ان مبيعات سيارات الركوب ارتفعت بواقع 8% لتصل إلى نحو 144.1 ألف مقابل 133.1 ألف ومبيعات الاتوبيسات بنحو 54% لتصل إلى 20 ألف اتوبيس مقابل 13 ألفاً عام 2011، فيما سجلت الشاحنات زيادة بواقع 21% إلى 36.1 ألف وحدة مقابل 29.9 ألف.

وفقا لاميك تفوقت مبيعات السيارات المستوردة على نظيرتها المصنعة محلياً وارتفع إجمالى مبيعاتها بنحو 19% على العام 2011 لتصل إلى 112.3 ألف مقابل 94.1 ألف فيما زادت مبيعات المحلى بواقع 7% إلى 87.9 ألف مقابل 82 ألفا فى عام الثورة
سوق السيارات يتجاوز أزمات 2012 ويخترق حاجز الـ200 ألف سيارة - جريدة البورصة

اخونا midnightman_74 متبع سياسية الحصر النظرى وده لايقاس عليه وانا مبغترفش بيه اطلاقا

الارقام هيا الاصح

المشاركة الأصلية كتبت بواسطة mahora

ما هو التضخم ضرب لما قرض صندوق النقد اللى قيمته حوالى 32 مليار جنيه مصرى اللى بسببه البهوات المسئولين عن السياسة المالية فى البلد حفيانين عليه و سابوا الدولار ينطلق امام الجنيه المسكين عشانه.... شوفت امبارح خبير اقتصادى بيقولك ان الزيادة اللى هتزيدها فاتورة الواردات بتاعة 2013 بس بسبب ارتفاع الدولار حتى الان ستقدر ب 40 مليار..... يعنى اكتر من قيمة القرض نفسه..... و لسه البقية تأتى

و رفع الفايدة هو احد الادوات المهمة لخفض التضخم و سحب السيولة و تشجيع الادخار..... باقى ان احنا نساعد نفسنا و نقلل الاستهلاك السفيه عشان بالتبعية الاستيراد السفيه اللى الحكومة مش عارفة تتحكم فيه هو كمان ينخفض.... يا مسهل

على فكره انت ناسى عامل مهم جداا فى انخفاض الجنيه الا وهو انخفاض الاحتياطى الدولارى الى هو غطاء لاستيراد السلع الاساسيه والى تناقص فى شهر فبراير الى 13.5 مليار دولار وعشان كده مبقاش عند البنك المركزى مساحه وفرصه لدعم الجنيه زى الاول بعد قيام الثوره وآن الاوان لنتحمل جميعا نتاج سنتين من الركود وعدم الانتاج والرجوع الى الخلف وبالتالى حيستمر الجنيه فى التراجع الى ان يشاء الله وينفخ فى صورتنا

المشاركة الأصلية كتبت بواسطة hossam_elwani

على فكره انت ناسى عامل مهم جداا فى انخفاض الجنيه الا وهو انخفاض الاحتياطى الدولارى الى هو غطاء لاستيراد السلع الاساسيه والى تناقص فى شهر فبراير الى 13.5 مليار دولار وعشان كده مبقاش عند البنك المركزى مساحه وفرصه لدعم الجنيه زى الاول بعد قيام الثوره وآن الاوان لنتحمل جميعا نتاج سنتين من الركود وعدم الانتاج والرجوع الى الخلف وبالتالى حيستمر الجنيه فى التراجع الى ان يشاء الله وينفخ فى صورتنا

الحل فى رأيى هو :ترشيد الاستهلاك من جانب الناس + ترشيد الانفاق الحكومى + ترشيد الاستيراد السفيه = ربنا يفرجها ان شاء الله..... ربنا يهدينا كشعب و نعمل كده و يهدى الحكومة و تقوم بدورها لان اهم عنصرين من عناصر المعادلة دى تحت مسئوليتها مش كل حاجة على حساب الشعب و غلى اسعار كل حاجة و خلاص

طب معلش ممكن حد يشرح لى مميزات الشهادة دى عن تجربة؟

وهل هى أفضل فى البنك الأهلى ولا بنك مصر؟

المشاركة الأصلية كتبت بواسطة محمد يوسف

طب معلش ممكن حد يشرح لى مميزات الشهادة دى عن تجربة؟

وهل هى أفضل فى البنك الأهلى ولا بنك مصر؟

و لا حاجة...... بتبقى فلوس انت مش محتاجها لمدة 3 سنين..... عشان لو كسرتها هتخسر..... الشهادة بألف جنيه و مضاعفاتها..... و بتاخد عليها عائد ثابت 12.5%..... الفايدة بتنزل على حساب التوفير اللى الشهادات عليه كل 3 شهور

مش عارف ازاي اشجع اقتصاد بلدي بالربا !!!!

لو فعلا عايز اشجع اقتصاد البلد : الفلوس النايمين عليها نطلعها وحطها في السوق ونعمل بيها مشاريع ونشغل

ناس بس طبعا حيكون في مخاطرة بس المكسب اضعاف نتائج المخاطرة

المشكلة ان الشركات مابتديش فرصة للناس انها تساهم فيها وتشتري اسهم وتشغل فلوسها