فاكرين لما قلنا؟: الأهلي يرفع العائد السنوي على الشهادة البلاتينية إلى 12,5%

**Imhotep** · 05-02-2013 08:14 AM

فى موضوع سابق عن الاقتصاد..... انا قلت انهم هيرفعوا العائد على الايداعات بالجنيه..... و اهو حصل..... يالله الكل يشجع اقتصاد بلده و كمان يستفيد شخصيا:

الأهلي يرفع العائد السنوي على الشهادة البلاتينية إلى 12,5%

**Imhotep** · 05-02-2013 08:21 AM

و ادى بنك مصر:
شهادة التميز بالجنيه من بنك مصر بعائد 12.5%

[url=http://new.elfagr.org/Detail.aspx?nwsId=276734&secid=6&vid=2#.URClLh1wrI J]

**Ahmed_Ramadan** · 05-02-2013 10:56 AM

هى دلالة مش كويسة على فكرة ..... ده دليل على إرتفاع التضخم بشكل كبير للأسف :(

**Imhotep** · 05-02-2013 11:24 AM

المشاركة الأصلية كتبت بواسطة ahmed_ramadan

هى دلالة مش كويسة على فكرة ..... ده دليل على إرتفاع التضخم بشكل كبير للأسف :(

ما هو التضخم ضرب لما قرض صندوق النقد اللى قيمته حوالى 32 مليار جنيه مصرى اللى بسببه البهوات المسئولين عن السياسة المالية فى البلد حفيانين عليه و سابوا الدولار ينطلق امام الجنيه المسكين عشانه.... شوفت امبارح خبير اقتصادى بيقولك ان الزيادة اللى هتزيدها فاتورة الواردات بتاعة 2013 بس بسبب ارتفاع الدولار حتى الان ستقدر ب 40 مليار..... يعنى اكتر من قيمة القرض نفسه..... و لسه البقية تأتى

و رفع الفايدة هو احد الادوات المهمة لخفض التضخم و سحب السيولة و تشجيع الادخار..... باقى ان احنا نساعد نفسنا و نقلل الاستهلاك السفيه عشان بالتبعية الاستيراد السفيه اللى الحكومة مش عارفة تتحكم فيه هو كمان ينخفض.... يا مسهل

**S O P H O S** · 05-02-2013 11:54 AM

الكلام مظبوط ..!

**fepsceasar** · 05-02-2013 12:54 PM

ومين قال ان تخفيض الجنيه مش من ضمن حزمة الاجراءات المطلوبة للحصول علىلقرض الصندوق
ولو فاتورة الواردات زادت ما هو اللى هيتحملها المواطن والحكومة هتاخد عائدات من الجمارك
وغير كده زيادة الفائدة فى البنوك مرتبطة بارتفاع تكلفة الاستدانة من لداخل فى شكل اذونات خزانة.. يعنى من الاخر البنك بيشترى بفلوسك الاذون بسعر فائدة اعلى من سعر الفائدة على الودائع اللى بيدهالك..
يعنى انت سلفت الحكومة وكمان سددت السلف من الجمارك والضرايب اى خدمة

**Imhotep** · 05-02-2013 07:40 PM

المشاركة الأصلية كتبت بواسطة fepsceasar

ومين قال ان تخفيض الجنيه مش من ضمن حزمة الاجراءات المطلوبة للحصول علىلقرض الصندوق
ولو فاتورة الواردات زادت ما هو اللى هيتحملها المواطن والحكومة هتاخد عائدات من الجمارك
وغير كده زيادة الفائدة فى البنوك مرتبطة بارتفاع تكلفة الاستدانة من لداخل فى شكل اذونات خزانة.. يعنى من الاخر البنك بيشترى بفلوسك الاذون بسعر فائدة اعلى من سعر الفائدة على الودائع اللى بيدهالك..
يعنى انت سلفت الحكومة وكمان سددت السلف من الجمارك والضرايب اى خدمة

ما هى دى الحلقة الجهنمية اللى هنفضل نلف فيها طالما النظام و الحكومة اختاروا الحل السهل و هو السلف و الدين الداخلى و الخارجى و بيحفوا عليه مع اللى يسوى و اللى ميسواش. . . بدل ما يدوروا على علاج طوبل المدى. . . قرروا يسيبوا المريض يشيل اليلة و يتحمل تكلفة العلاج عشان يغطى على عجز حضراتهم عن ايجاد حلول اقتصادية حقيقية. . . و سلملى على الاستثمارات القطرية اللى بعشرين مليار دولار. . .

**midnightman_74** · 05-02-2013 08:23 PM

المشاركة الأصلية كتبت بواسطة mahora

..... باقى ان احنا نساعد نفسنا و نقلل الاستهلاك السفيه

هو فين الاستهلاك السفية دة ؟
دة الناس ماسكة جامد على الفلوس اليومين دول عشان محدش عارف اية إللى ممكن يحصل
يعنى فى معرض السيارات الناس كانت رايحة تتفسح وتفك على نفسها شوية
أنا موشفتش واحد بيتفق على سيارة او بيمضى عقد
كلة ماشى بيفرج ويسأل على الأسعار وخلاص
وفية كمية شقق بالعبيط معروضة للبيع محدش بيفكر يسال

**Imhotep** · 05-02-2013 08:57 PM

المشاركة الأصلية كتبت بواسطة midnightman_74

هو فين الاستهلاك السفية دة ؟
دة الناس ماسكة جامد على الفلوس اليومين دول عشان محدش عارف اية إللى ممكن يحصل
يعنى فى معرض السيارات الناس كانت رايحة تتفسح وتفك على نفسها شوية
أنا موشفتش واحد بيتفق على سيارة او بيمضى عقد
كلة ماشى بيفرج ويسأل على الأسعار وخلاص
وفية كمية شقق بالعبيط معروضة للبيع محدش بيفكر يسال

الارقام بتقول غير كده يا باشا..... شوف كده:
سوق السيارات يتجاوز أزمات 2012 ويخترق حاجز الـ200 ألف سيارة
كشف مجلس معلومات «الاميك» عن اختراق سوق السيارات حاجز 200 ألف سيارة بالرغم من ضغط الأحداث السياسية والاضطرابات التى شهدها العام الماضي، وباعت شركات السيارات مجتمعة 200 ألف و252 وحدة خلال 2012 بزيادة 14% على عام الثورة الذى توقفت مبيعاته عند 176 ألفاً و157 وحدة.

وأوضح التقرير السنوى لـ«اميك» ان مبيعات سيارات الركوب ارتفعت بواقع 8% لتصل إلى نحو 144.1 ألف مقابل 133.1 ألف ومبيعات الاتوبيسات بنحو 54% لتصل إلى 20 ألف اتوبيس مقابل 13 ألفاً عام 2011، فيما سجلت الشاحنات زيادة بواقع 21% إلى 36.1 ألف وحدة مقابل 29.9 ألف.

وفقا لاميك تفوقت مبيعات السيارات المستوردة على نظيرتها المصنعة محلياً وارتفع إجمالى مبيعاتها بنحو 19% على العام 2011 لتصل إلى 112.3 ألف مقابل 94.1 ألف فيما زادت مبيعات المحلى بواقع 7% إلى 87.9 ألف مقابل 82 ألفا فى عام الثورة
سوق السيارات يتجاوز أزمات 2012 ويخترق حاجز الـ200 ألف سيارة - جريدة البورصة

**Imhotep** · 05-02-2013 09:02 PM

احنا تقريبا مش بننتج حاجة بالمقارنة بما نستورده..... فاتورة الواردات وصلت الى اكتر من 350 مليار..... خمسين مليار قمح..... خمسين مليار خامات لصناعة البناء..... و رص ورا ده كتير..... وصولا الى كام مليار لب و سودانى و ياميش رمضان..... بجد مش هزار