نصائح تغنيك عن الذهاب لمحل صيانه الكمبيوتر

**khaled_bibo** · 05-02-2013 09:40 AM

السلام عليكم ورحمة الله وبركاته

بصراحه لاحظت في الآونه الاخيره ان الناس بتفك كيسه الكمبيوتر و تشيلها على قلبها تروح لمحل

الكمبيوتر و من غير اما يبص المشكله ايه تلاقي الرد البارد عاوز ويندوز مع ان الموضوع مايستهلش

ويندوز خالص بالعكس بيكون حلها ببرنامج لا يتعدى الكام كيلو بايت بس هو مش عاوز يتعب نفسه و يدور

و المهم عنده ياخد ال 20 و لا 30 جنيه بتاعت تنزيل الويندوز عشان كده عاوز افيد الناس هنا مبدئيا عشان

مفيش ناس كتيره تعرفني انا خالد عندي 18 سنه في تالته ثانوي عندي كمبيوتر من 6 سنين تقريبا اول

4 سنين كمبيوتر شخصي و اخر سنتين لاب توب مبدئيا لازم نعرف حاجه مهمه ان 95% من اعطال

الكمبيوتر بتكون اعطال سوفت وير اما عطل في الويندوز او لأسباب اخرى طب الطريقه اللي هتلاقي

بيها حل لأي مشكله تقابلك حاجه بسيطه جدا جــــو جــــــل ايوه هو ده بس كل الحكايه ان يكون عندك

صبر اكتب مشكله الجهاز بتاعك بالعربي مره و دور في اول 3 او 4 صفحه و غالبا هتلاقي الحل مالقتش

اكتبها مره تانيه بالانجليزي دور و اصبر و هتوصل بس لازم كام حاجة نتفق عليها

1- الدرايف اللي عليه الويندوز اللي هو غالبا بيكون ال C متحطش عليه اي حاجة خالص غير نسخه

الويندوز بس و اي حاجة تانيه على اي درايف تاني كده تضمن ان حاجتك مش هتضيع

2- لازم تعرف ان اكبر ضرر ممكن يحصل انك هتضر تنزل ويندوز و ده بقى موضوع سهل جدا هتلاقي اكتر

من شرح

3- بالنسبه لمشاكل الهارد وير ديه يستحسن تروح فيها لبتاع الكمبيوتر عشان بيبقى فاهم هو بيعمل ايه

و الهارد وير هو الحاجة الوحيده اللي حاولت فيها و كانت بتنتهي بالفشل

عاوز اقولكوا اني بقالي 6 سنين مروحتش لبتاع كمبيوتر غير لو حاجة تتعلق بالهارد وير فقط لا غير و ديه

كانت حاجات نادره جدا

في النهايه جمد قلبك و اديك عرفت كبيرها ايه

**S O P H O S** · 05-02-2013 11:53 AM

مشكورررر ..

**ahmedhilmy** · 06-02-2013 01:12 AM

تمام يا هندسه

**dr.hazem** · 06-02-2013 02:53 AM

انا غير مقتنع بموضوع متحطش حاجة على السي ده...
انا مالي السي والوتدوز عندي من 3سنين مغيرتوش وزي الفل...
تحياتي

Sent from my SE Arc S using Forum Runner

**khaled_bibo** · 06-02-2013 05:04 AM

المشاركة الأصلية كتبت بواسطة dr.hazem

انا غير مقتنع بموضوع متحطش حاجة على السي ده...
انا مالي السي والوتدوز عندي من 3سنين مغيرتوش وزي الفل...
تحياتي

sent from my se arc s using forum runner

تمام انا الويندوز عندي بيعد بالسنتين و التلاته بس مش بأمن ليه خالص

المشاركة الأصلية كتبت بواسطة hazoom2006

بص انا كنت شغال فى المجال دة
ماتقللش من شغل حد وتقول الرد البارد وحلها برنامج مش عارف كام كيلو بايت لان المشاكل بتختلف ومفيش برنامج بيحل مشاكل الويندوز مهما كان البرنامج دة

المفروض اللى بيبدا يشتغل فى الجهاز بيكون متابع الجهاز لو ظهرت شاشة زرقا لو وقف فى boot لو سمع صوت فى الهارد بيبلغ العميل ان الهارد فى مشكله (ممكن لو انت فى البيت ماتخدش بالك من صوت الهارد وتضيع داتا كانت مهمه عندك سواء شغل او داتا شخصية _واظن دى مهمه عندنا كلنا ) بالظبط زى مامهندس يركب معاك العربيه ويسمع صوت الموتور ويقولك الماتور فى حاجة وانت حاسس ان العربيه زى الفل هنا بتفرق الخبره

تنصيب الويندوز مش مجرد تنزل الويندوز وشكرا لا ويندوز وبيتعمل tweaks علشان يبقى سريع واخف -تنزل التعريفات طبعا احدث تعريفات - تنزل البرامج ( الميديا والشات والاوفس .....الخ) بتفرق من شخص للتانى فى التنزيل وفى حرفية تنزيل مع الويندوز بشكل عام
الموضوع مش زى مانت متصور مشاكل اجهزه الكمبيوتر واللابات كتيرة جدا ومرتبطة ببعضها سوفت وير مرتبط بهاردوير

كويس انك بتتابع وبتقرا وبتطور نفسك

مرة تانية المشكلة مش فى تنزيل الويندوز (اى حد ممكن ينزل ويندوز) النقطة هنا فى لو مشكلة قابلتك وانت بتنزل الويندوز

صباح الفل ...

متفق معاك في اكتر من نقطه بس مثلا اكيد حضرتك تعرف المشكله الشهيره بتاعت ان الويندوز مش

اصلي تمام ديه من ضمن الحاجات اللي قولت انها بتتحل ببرامج لكن مش اروح لمحل كمبيوتر عشان

يغيرلي كي بورد للاب و يجي يفتحه يلاقي المشكله ديه يقوم يقول علطول من غير تفكير ده عاوز ويندوز

ساعتها قولتله لأ ده بكراك تتحل قالي اه و ممكن بكراك طب اذن انت عارف انك ممكن تحلها بطريقه

سهله و سريعه ليه بقى عاوز تصعبها على نفسك و عليا و ممكن تعرض حاجاتي لو ان مش شيلها غير

على السي للضياع اللي اقصده ان المجال ده النصب فيه كتير بس

انا بقول ادينا بنجرب و تلاحظ ان معظم كلامي على السوفت يعني يوم اما نفقد الامل نبقى نوديه للراجل

يعني مثلا لو مشكله قابلتني و انا بسطب الويندوز هيكون عندي جهاز تاني و ادور على المشكله اللي

حصلت و احتمال كبير هلاقي ليها حل حتى لو ملقتش هسأل في منتدى اجنبي او هنا طبعا و هلاقي رد

**Ahmed_Adham** · 06-02-2013 05:49 PM

حتى مشاكل الهاردوير معظمها بسيط زي تغيير مروحه أو تغيير باور سبلاي لأن دول أكتر القطع استهلاكا في الجهاز. وأحيانا اهتزاز الرامه من مكانها سبب في ان الجهاز ميتغلش وتسمع صفاره عند تشغيله وفي الحاله دي تفك الرامه وتركبها تاني وتتأكد انها مقفول عليها كويس بالكلبسين اللي على جوانبها.

ومفيش مانع أبدا من التجربه والخطأ يا جماعه لسبب وهوه انك هتفضل تتعامل مع الكمبيوتر طول عمرك فالاحسن انك تعرف ويه زياجه عنه ومش شرط تبقى خبير بس لازم يبقى عندك شويه حلول للمشاكل البسيطه.

**khaled_bibo** · 06-02-2013 08:46 PM

كلامك سليم بس يفضل ميتعملش في اللاب لانه حساس حبتين

**Ahmed_Adham** · 06-02-2013 08:50 PM

نسيت أقول حاجه كمان. اليوتيوب مليان فيديوهات عن صيانه الهاردوير وأي حاجه تفكر فيها هتلاقيها ومطبقه على موديل اللابتوب بتاعك كمان لو المشكله في اللابتوب لو عايز تغيير شاشه او تحديث هارد ديسك او زيداه رامات. كله موجود خطوه خطوه.