الموضوع: يوم أجازة في حياة عضوه (للأزواج والزوجات فقط) !!!!

المشاركة الأصلية كتبت بواسطة تامر.محمد

ربنا يعافينا جميعا يا رب

اللهم آمين

ايقاع الزواج فى مصر نكدxنكد

المشاركة الأصلية كتبت بواسطة mado83

خلاص احنا نعمل حاجه حلوه اوى وندعى لصاحبه الموضوع
كل واحد فينا يروح يحاول على قد مايقدر يبين سنانه قدام مراته شويه اول مايدخل حتى والزوجات برضو اللى فى المنتدى تعمل الموضوع ده
وكل واحد يحاول يقول كلمه حلوه وابتسامه ويفتح كلام فى اى بتنجان ويعصر على نفسيته لمونه وحبه خل وشويه ملح
استر يارب ماجيش بكره انضرب

أولاً : شكراً على إقتراح الدعوة ،
ثانياً ليه لأ ؟!لأن حال الزوجين (كد وتعب وسهر من أجل راحة الأبناء وتربيتهم أحسن تربية)، وفي الآخر المفروض كل واحد منهم يحتاج إلى الآخر كي يخفف عنه أعباء الحياة، ويحمل عنه همَّه، ولو كان هذا التخفيف بكلمة طيبة، أو بسمة رقيقة، أو نوع من التدليل والترفيه والترويح، أو بتعبير آخر، يحتاج كل منهما إلى ((رومانسية))متبادلة، تخرجهما من الجو الروتيني اليومي الرتيب، إلى جو يتبادلان فيه الضحكة والبسمة .
ثالثاً : أستر يا رب وما أنضربش معاك :b4_611:

المشاركة الأصلية كتبت بواسطة hossam_elwani

هو ده الطبيعى هو انت متخيله عكس كده ولا ايه

كلنا عندنا شيزوفرنيا مقارنه بما قبل الزواج ببعد الزواج وده عشان بيئة وظروف قبل الزواج تختلف كليا عن بعد الزواج حتى لو فيه حب وهيا دى القاعده واكيد ليها استثناء

ما هو المصيبة الظاهرة في مجتمعنا إن دا العادي
بس ياريت نحط حلول - يعني فيها أيه لو كل راجل أو ست قرأ الموضوع دا يشتري وردة ( بإثنثن جنيهات فقط لا غير ) للطرف الثاني - ونشوف الريآكشن هيكون أيه ! أعتقد أنها هتكون حاجة إيجابية .

الموضوع ببساطة ان البنت فترة الخطوبة بتطلع احلى ما فيها و بعد الجواز بتطلع غلبها كله على جوزها من باب المشاركة النفسية اللى الست محتاجها فى حين انها اكتر حاجة بتخنق الراجل.
فى فرق كبير بين الراجل و الست فى التفكير و فى مفردات الكلام و فى كتاب مشهور اسمه الرجال من المريخ و النساء من الزهرة بيناقش الموضوع بطريقة واقعية جدا.
الحل السحرى
نصيحة للرجاله لما الست تقعد تشتكى و ترغي اسمع و ماتعلقش و لا تحاول تحل مشاكلها لانها بتتكلم لمجرد المشاركة و بس ( نظرية مصمصة اللمون و ياعينى عليكى و كملى كملى - انا سامعك و حاسس بيكى و ................)
نصيحة للستات لما الراجل يخد جنب و يقعد مع نفسه سبيه و بلاش تزنى عليه عشان ما ينفجرش فى وشك. هو لما يهدى و يروق هيتكلم معاكى عادى.
جربوا كده و ادعولى...