سلام عليكم يا جماعة , انا محمد مصطفى , مهندس شغال فى التجمع الخامس , انا مبسوط جدا ان فيه منتدى جميل و ناس بتحب تساعد الاخرين زى كده .
انا معايا لانوس 2013 شاريها من شهرين , كنت عايز اركب حساسات ركن , رحت سبير كار و سالت عليها , قلولى اى عربية ممكن يركب عليها حساسات ركن ما عدا اللانوس , عشان التيار الكهربى بيبقى فى لمبة المارشيلية اللى بيركب عليها الحساسات طول الوقت , سواء جايب مارشيليه او لا , و قالوليلى قدامك حل من اتنين :
1- اركب الحساسات و اعمل زرار بره فى التابلوه و اشغلها يدوى
2- اركب كاميرا بمرايا و معاها ريموت عشان اشغل الكاميرا يدوى برده
السوال هو الكلام ده صحيح ولا بيفتى , ارجو الافاده , لان و لاحل من الحلول دى عايز اعمله .
شكرا
محمد مصطفى