الموضوع: محتار وعاوز اطمن

التقفيل المصري مفيش منه مشاكل و افضل من التقفيل الهندي بمراحل

العربية بتتباع باوفر برايس ٨ الاف جنيه يبقا اكيد سعر اعادة بيع عالي بس عندي سؤال .. هو حضرتك هتركبها سنة و تبيع ؟ لو الاجابة لا يبقا متفكرش في سعر البيع

الشكل القديم صاج اقوى و موتور اكبر بس
الشكل الجديد اوسع بكتير و استهلاك بنزين اقل

توكل على الله .. ولن تندم مطلقاً بإذن الله

لازم تحدد انت عاوز ايه الاول

عربية عائلية و لا شبابية ، بيهمك الشكل و لا بتفكر بطريقة عملية ، مهم التوكيل بالنسبة ليك و لا مش ح تعتبه

تحياتى

هات تيدا فعلا و مش هتندم ان شاء الله ...عربية محترمة جدا

شكرا جزيلا على الردود
بالنسبة طبعا للغرض فاريد عربية عائلية وتوكيلها محترم وقطع الغيار متوفرة
اما بالنسبة للنيسان تيدا فهي غير منتشرة في الاسكندرية كثيرا ..بل نادرا ما اري منها سيارة .ان كانت موجودة
وشكرا لردودكم القيمة والتي تعزز من اختياري

اتكل على الله وهات الصني

بصراحة انا جبت الاوتوماتيك بس مش سوبر صالون والحمد لله حاسس انها اختيار كويس والشباب اللي هنا بيأكدوا ان العربية كويسة والتوكيل محترم بدليل ان كان فيه مشاكل في اول دفعة - مشكلة العفشة وراء والصوت اللي بيطلع في المطبات - واتصلحت كلها في الضمان ومشكلة التيل والصاجة بتتحل في التوكيل في الضمان


العربية استهلاكها ممتاز واسعار الصيانة فوق الممتازة ومنتشرة بشكل كبييييير وده حاجة تشجعك

وبعدين موضوع اعادة البيع ده حظوظ ,,,يعني زمان كيا مكانش فيه حد بيعبرها ... تعالى اتفرج دلوقت لو معاك كيا تبيعها وانت قاعد على القهوة
ورينو زمان مكانتش بتمشي في الشارع تعالى دلوقت اتفرج على اللوجان وسانديرو في كل حتة

ونيسان دلوقت منتشرة جدددددددددا وده كله يزيد من فرصة اعادة بيعها

على العموم استخير واتكل على الله ولو استقريت على النيسان اخوك في اسكندرية ابعتلي لو احتاجت اي حاجة :)