عرض للطباعة
انا ناوي ان شاء الله انزل جيم اليومين دول و عايز اعرف ايه الجيمات النضيفه في اكتوبر
انا اخري 150 جنيه في الشهر
المهم مايكونش زحمه و شغل الطوابير علي الدنبلز و الاجهزه
يكون مكيف علشان انا مش بطيق الحر في الصيف
و فيه جهاز الصدر الاساسي مش بتاع التفتيح و جهاز الكتف
مافيش حد في اكتوبر بيروح جيم ولا ايه!!!!!!
رجاله اكتوبر راحت فــــــــــــــــــــــــ ــــــــــــــــين؟؟؟؟؟؟؟ ؟؟؟؟؟؟؟؟؟
بص فيه في حدائق الاهرام كذا واحد بس مش عارف ده كده قريب منك ولا لأ
. وانا واللهي يا عمر عاوز انزل جيم نضيف ومحترم واربيلي عضلات ومجانص
بص انا سمعت ان في جيم نضيف في مول داندي مول او مش عارف دايمون بتلخبط بينهم معليش الي هو جمب ميدان ماجدة بسعر ١٥٠ جنية ... وسمعت ان في جيم في جامعة مصر اسموا جولدن جيم بس سمعت ان الاشتراك بالالافات ... وفي جيم في وادي الملوك الدور الاول. اليوم بخمسة جنية هههههه بس عيال وشباب اجارك الله ... مستوى توك توك ومخصوص .
وتلاقي دراع كل عيل ايه فرد كويتش تقلش نافخهم على ٢٨ ولا ٣٠ علشان احنا في الشتا :)
وبرضوا متابع معاكم يالله خلي الواحد يرجع شباب من تاني :)
اقتباس:
المشاركة الأصلية كتبت بواسطة aser_007
الحدايق بعيده عليا
انا عايز حاجه تكون قريبه الواحد بيكون مفرهد و بيبقي عايز ياكل بعد الجيم اساسا
و مش طالبه مشاوير
وشكرا يا باشا علي الرد
اقتباس:
المشاركة الأصلية كتبت بواسطة y a r i s
ياريس باشا
انا مش عارف بتاع دايموند ده الصراحه ماخدتش بالي منه قبل كده
جدولدز جيم عايز اروحه بس اشتراكه في السنه في حدود 3000 يمكن اكثر شويه
وطبعا استحاله اروح جيم من بتوع التكاتك...
هو انا سايبهم في الشارع و اروحلهم برجليا في حته!!!!! و اكيد هيكون تعبان موله و هيشغلو طول الوقت العنب و الاغاني المعفنه بتاعتهم :d
شكلها هترسي علي نادي اكتوبر مع انه نادي متخلف هو والجيم بتاعه
مادام ماحدش قالي علي حاجه مفيده لحد دلوقتي
لو مشترك فيه تعالي ونشجع بعض
هههههههههههههههه
الجيم عندنا ب 30 جنية فى الشهر هههههههههههههههههه
طيب ماهو اذا ٣٠٠٠ جنية في السنة يبقى رخيص
لانوا هيبقى معنى كده ان الاشتراك الشهري ٢٥٠ جنية ... بس هو لازم تدفع ال ٣٠٠٠ حته وحدة ولا تاته تاته حتتين في تلاته :)
اقتباس:
المشاركة الأصلية كتبت بواسطة y a r i s
حته واحده ...
انا ماليش في جو ابو حته ده...
غير ممكن تروح دافعهم و تلاقي نفسك رايح يجي 4 شهور ولا 6 شهور بالكتير
وكانك دافع 500 جنيه في الشهر
انا شفت واحد فاتح جديد و شكلة مش فخم اوي يعني ممكن يبقا سعره معقول قبل مدرسة جيل٢٠٠٠ في الحي الثاني مقابل مكتبة الشام الحديثة اسمه جولدن جيم
بصيت عليه من بره و معجبنيش
فامدخلتش بصراحه
انا روحت النادي فيه اجهزه حلوه و كتير ونضيف
بس بيقفلوا الساعه 10
والف شكر يا باشا
انا بشوف واحد بين الرابع والتانى فى محور الكفراوى بس مش دخلته
بعد ما تعدى تقاطع مسجد ابو بكر الصديق هو يمينك فى التقاطع اللى وراه
انا اشتركت خلاص شهر
بس ممكن ابقي اعدي ابص عليه برضوا لو طلع افضل
وشكرا يا باشا
انا لقيت جيم نضيف في شارع رنا مول الي بين الحي الثالث والحي الثاني
اسمو جيم المقدم تقريباً دخلت سئلت قالولي الاشتراك اليومي ١٥ جنية
والشهري ١٥٠ جنية مواعيد العمل من الساعه ٢ الظهر لغايت ١٢ بالليل فقط
وبالصدفة وانا ببص على شقة في الحي الثاني لقيت حتت دين جيم اسموا كان على بالي بس راح دلوقتي
عارف فين التوحيد والنور اديلو ظهرك هتلاقي في عربية فووول. جامدة الناحية التانية وجمبيه شارع يدخلك للحي التاني في بقه جوا جيم مفتوح. للخليجين الي هناك بس حاجة فخمه واوبها بس مسئلتش بكام
الاصحيح يا عمر انا مش مشترك في النادي .... ياترى ايه النظام الجيم عندهم لاعضاء النادي فقط ولا عادي لكلو اي حد. يدفع اشتراك الجيم ويدخل. ... واخبار النظافة ايه يا باشا وهل في مدربين ولا انتا بتخوش ويقولولك عيش احلى مافي اللحظه لوحدك :)
وبكان الاشتراك وتحياتي :)
الاشتراك للاعضاء 90 جنيه في الشهر كل يوم
لو مش مشترك 220 او 250 مش فاكر كام بالظبط
اما بخصوص المدرب
من الاخر انا ما شفتش جيم حد هيقف علي كل واحد يقولي بالظبط يعمل ايه
بس لما تسال هو هيقولك تعمل ايه
ولو معاك حد بيلعب معاك و فاهم هيساعدك احسن من الكابتن لنه بيبقي معاك في التمرين
وهيصححلك اي حاجه غلط بتعملها
الجيم يعتبر كويس وفيه اجهزه كتير و اجهزه جري و يعتبر كويس
بس طبعا مستواه مش عالي اوي ذي فتنيس جيم و جولدز
اقل منهم بفرق بس احسن بكتير من الجيمات العاديه
و الصاله مساحتها كويسه
وفيه طبعا تكيف في الصيف
شوف حد شبهك مشترك و اعمل اشتراك للجيم اوفرلك :)
اللي اعرفه ان انضف الجيمات جولدز و فيتنس في اكتوبر وفيتنس اعرف واحد مشترك فيه قريب بقولي احسن من جولدز بس اشتراك سنوي 4000 جنيه او ازيد حاجه بسيطه
وجولدز اشتراكه ممكن يوصل 3000 احيانا بيكون اوفر او ممكن حد لو تعرفه شغال فيه يعملك اوفر و العادي اقل من فتنيس بشويه