الموضوع: 190 الف هيونداي ix35 بالمحرك جي دي أي 1.6 الان في مصر صور ومواصفات واسعار

سيب الباسات و الفولفو و البي ام 316 F30 و اروح ادفع 235 الف في صفيحه هيونداي اللي مفيهاش حتى check control :)) ,,,,الشعب محتاج برامج توعيه جامد في العربيات

بصو يا شباب تعليق على موضوع السعر والمقارنه بالباسات والبى ام ...الخ
اولا لا اختلاف على العربيات المذكوره ولا يمكن او يصل اليها الكورى ولكن
الغالبيه العظمى من اللى بيدفع 180- 230 الف فى عربيه فى مصر بيكون فعلا جايب اخره وعاصر نفسه عشان يقدر يركب عربيه اقرب ماتكون للنضيفه وبيكون عايز يركب زيرو لان الفئه السعريه دى اصبعت تمثل شريحه عريضه من المستهلكين وممكن كل تحويشته يكون حاطتها فى العربيه دى
اما فئة البى ام والباسات وما شابه اللى بتبتدى من فوق 230 الف اللى بيجيبها غالبا مبتكونش تحويشة عمره لانه بيبقى عامل حسابه فى running cost على الرغم من غلو اسعار صيانة وقطع غيار الكورى على حد علمى ، يعنى ممكن جدا الموضوع يكون نفسى اكثر منه مادى
غير اننا بنحب نقلد بعض وانتو عارفين ان الكورى سوقه ماشى غير ان تنصح واحد وتقله ماتركب بى ام دا سعرها مش بعيد يقلك بى ام ياعم ان عايز الناس تقر عليا وتفتكرنى شايلهم تحت البلاطه مع ان الفرق مش كبير

اديكو مثل سريع: عندى فى شغلى فى مصر راجل محترم وفى الاداره العليا وراكب مرسيدس c موديل 2011 تصدقو الناس شاكياه وشاكه فيه عشان راكب مرسيدس فقط لانه قادر يجيب العربيه
طيب لو كان جاب عربيه ماركه تانيه بنفس السعر وليكن سورينتو او سانتانافيه كان حد خد باله او اشتكاه
اعتذر للاطاله بس على فكره الموضوع فىه عامل نفسى كبير قبل ما يكون عقلانى
والله اعلم

انا العربية دي لسه شايفها من يومين عند اباظة فرع الغردقة كانت 2000 سى سى 4*4 كنت قبليها شفت الموضوع ده فبسأله هيا مش المفروض دي الماتور ال 1600 gdi قالى لا فمش عارف بقى انا اتلغبط

آثرت حذف مشاركتي حيث أنني لاحظت حذف مشاركاتي السابقة في هذا الموضوع دون إبداء أي أسباب
تمنياتي رغم ذلك بان يثري هذا الموضوع القسم كغيره من المواضيع القيمة
تحياتي