الموضوع: القول الفصل في إضافات الزيت والبنزين

زي أي واحد بيدخل في جو الإضافات دي، بيبقى عايز يجرب كل حاجة، وبتتحول لإدمان. وبعد تجارب طويلة، دي الخلاصة عشان الفايدة تعم:

أولاً: منظفات دورة الوقود Fuel System Cleaner
تم تجربة منظف STP ومنظف Liqui Moly

الأفضلية لمنظف STP العلبة الفضية.
التأثير الملحوظ كان بالترتيب: انخفاض تسقيف العربية في الغيارات العالية مع سرعات منخفضة - ثم انتظام صوت المحرك على السلانسيه - ثم تحسن نسبي في تسارع العربية - وأخيراً انخفاض ضئيل في استهلاك الوقود.

---

#ff0000

ثانياً: منظفات الإنجكشن Fuel Injector Cleaner
تم تجربة منظف STP ومنظف Liqui Moly ومنظف ABRO

الأفضلية لمنظف Liqui Moly.
التأثير الملحوظ كان بالترتيب: تحسن تسارع العربية - انخفاض استهلاك الوقود - انتظام صوت المحرك في التدوير الصبح والجو بارد.

---

#ff0000

ثالثاً: إضافات الزيت لتحسين اللزوجة Oil Additive
تم تجربة إضافة Liqui Moly فقط

التأثير غير ملحوظ على الإطلاق.

---

#ff0000

رابعاً: إضافات الزيت لتخفيض الاحتكاك Anti Friction - Oil Treatment - Engine Tretment
تم تجربة إضافة Liqui Moly Ceratec وإضافة EZI Power Lube

الأفضلية الواضحة لإضافة EZI Power Lube (يوجد نوع للمحركات فوق 100 ألف كيلو ونوع آخر أغلى للمحركات أقل من 100 ألف كيلو)
التأثير الملحوظ بالترتيب: إنخفاض صوت المحرك - تحسن بسيط في استهلاك الوقود - انخفاض حرارة المحرك
معروف أن إضافات تخفيض الاحتكاك تطيل عمر المحرك وتحافظ على أجزاءه الداخلية، لكن بالطبع لا يمكنني قياس ذلك.

ملاحظات:
- بالنسبة لمنظف دورة البنزين، ناس كتير بتقول تضيفها على تانك مش مليان، أو تاخد بالعربية مشوار كبير، وتحرق عالغيارات. في الواقع مفيش حاجة زي كده منصوص عليها في دليل استخدام المنظف سواء اللي عالعلبة أو عالموقع الرسمي للمنتج. اللي هما مأكدين عليه إنك تضيفه على الأقل على نص التانك، وده معناه إن يفضل يكون التانك لآخره ولو مضطر متقلش عن النص. وجهة نظري أن قوة التنضيف مش في تركيزه ولا في الحرق عالغيارات. قوة المنظف إنه ياخد وقته في التنضيف بسلاسة لمدة زمنية معقولة. والتركيز ميكونش عالي عشان يحافظ على أجزاء دورة البنزين. ومع الوقت الرواسب هتتشال. تجربتي الشخصية كانت إضافته على نص التانك وتزويد التانك للآخر، واستخدام العربية بالمعدل الطبيعي بتاعها. لحد مالتفويلة خلصت وفولت تاني. والنتايج كانت كويسة جداً.

- منظفات دورة البنزين استخدامها ميبقاش كتير. معظم الشركات بتقول كل تغييرة زيت أو كل 6000 كيلو. وجهة نظري كل مالعربية تبقى جديدة متستخدموش إلا كل 10 آلاف كيلو عالأقل. ومع مرور الوقت وزيادة عمر الموتور ممكن تمشي بالمعدل بتاع كل 5000 أو 6000 كيلو.

- برضو فيه كلام عن تغيير فلتر البنزين قبل أو بعد أو قبل وبعد التنضيف. الكلام ده ملقيتوش في أي مكان بما فيها المنتديات الأجنبية المختصة بالعربيات. وجهة نظري إن نوعية الشوائب اللي فلتر البنزين بيحتجزها، مختلفة عن نوعية الترسبات اللي منظف الوقود بيشيلها من دورة البنزين. وفي جميع الأحوال، فلتر البنزين لازم يتغير في موعد تغييره الدوري سواء حطيت منظف أو محطيتش ويفضل تغييره قبل ميعاده بسبب سوء حالة البنزين عندنا. وبالنسبة للترسبات اللي بيشيلها المنظف، كده كده هتدخل غرفة الاحتراق وتطلع مع العادم.

- بالنسبة لمنظف الإنجكشن. منظف دورة الوقود جزء من عمله تنظيف الإنجكشن، لكن منظف الإنجكشن بيبقى أفضل للإنجكشن وبس، لإن نوعية الترسبات الموجودة على الانجكشن بتختلف عن الموجودة في باقي دورة الوقود. كمان تسارع العربية اتحسن مع منظف الانجكشن بمعدل أعلى من التسارع مع منظف دورة البنزين بالكامل. يعني كل واحد له شغلانة.

- لو عايز تحط منظف الانجكشن ومنظف دورة الوقود مع بعض. يستحسن يبقى بينهم فاصل زمني، ويفضل منظف الإنجكشن يبقى بعد منظف الوقود. والسبب إنك المفروض تنضف الدورة كلها (شاملة تنضيف بسيط لإنجكشن). وبعدين تنضف الجزء الأهم (الإنجكشن) تنضيف أكبر ونهائي. تجربتي الشخصية كانت إني حطيت منظف الإنجكشن بعد منظف دورة الوقود ب 400 كيلو تقريباً.

وأي حد عنده تجارب تانية مع منظفات وإضافات تانية يضيفها عشان تعم الفائدة.

موضوع جميل وجزالك الله خيرا