تكملة الملاحظات:
- اللي عايز يحط إضافات ومنظفات الخ ويتبسط، لازم يكون نوع من اتنين، واحد فعلاً حاسس بعربيته جداً عشان يقدر يحس بتأثير الحاجات اللي هو ضافها من غير تقليل أو زيادة في تأثيرها، أو واحد حابب إن عربيته تفضل بأحسن صورة ممكنة بغض النظر عن إحساسه بالتأثير أو لا. أي حد تاني، هيبقى مستنى تحسن أسطوري ولحظي وسريع في كل حاجة، وبالتالي هيجيله إحباط لو مشافش التأثير ده، أو هيبالغ في نتائج التأثير وكإن العربية رجعت زيرو. الإضافات دي مفيدة جداً ومؤثرة جداً بس نحطها في إطارها الصحيح بدون مبالغة أو تقليل.
- أهم حاجة، الصيانة الدورية وبالذات (تغيير فلتر الهوا والبوجيهات) في مواعيدها وقبل مواعيدها، تأثيرها أكبر (سحب واستهلاك بنزين وصوت وكل حاجة) من كل الإضافات دي على بعضها. الأولوية للصيانة الدورية قبل أي إضافات أو منظفات.
المفضلات