عرض للطباعة
السلام عليكم ورحمة الله وبركاته
انا إن شاء الله ناوية اجيب عربية يكون سعرها كويس و اوتوماتيك خصوصا انى لسة هاتعلم سواقة
انا بفكر فى البيرودوا كليسا بس انا طريقى طويل حوالى 60 كم وكمان طريق زراعى كله مطبات و نقر، فكنت عايزة اعرف هل الكليسا ممكن تستحمل معايا ولا لأ؟
ياريت تساعدونى فى الموضوع دة
شكرا
اظن تستحمل
وبقت منتشره جدا
وطبعا لو طريق زراعي او مطبات
حتخده براحه يعني مش بسرعه
وحتى لو سياره يباني مثلا ممكن تخرب لو مشيت بسرعه
المهم طريقة السواقه
ولو مش عجباك
عندك انواع تانيه في نفس الفئه
اسبارك
اسبرانزا
I10
بيكانتوا بس اظن غاليه؟ على فئتها
بالتوفيق
اتاكدي من توافر قطع الغيار خارج التوكيل لاني كنت قريت ان في حاجات (قليلة) مش متوفرة برة التوكيل ,شوفي برضة البيكانتو او الماروتي او الالتو
العربيه دي اعتمادية من الدرجه الأولى بجد
وربنا يباركلك ان شاء الله
وانصحك بكثرة الأستخارة
متشكرة جدا على ردك يا dj1اقتباس:
عندك انواع تانيه في نفس الفئه
اسبارك
اسبرانزا
I10
بيكانتوا بس اظن غاليه؟ على فئتها
انا فعلا كنت بقارنها بـ التو و البيكانتو و ال i10 الاسبرانزا كانت مستبعدة من الاول علشان بخاف من الصينى
بس بصراحة انا نفسى فى حاجة اوتوماتيك فاستبعدت الالتو وكمان انا جربت اركب التو بتاعت واحدة صاحبتى و محستش انى مرتاحة فيها اوى.
بالنسبة ل i10 حاسة ان سعرها مبالغ فيه، انا بصراحة معنديش خبرة بس 75500 ل i10 الاوتوماتيك كتييير اوى
فالمقارنة اتحصرت بين الكليسا و البيكانتو، و انا حاليا بقارن بينهم بس انا ميالة اكتر للكليسا علشان ارخص بكتير، الاوتوماتيك بتاعها 58000 اما البيكانتو الاوتوماتيك 70000 بس لسة بفكر برده.
متشكرة جدا على ردك يا mohamed2002اقتباس:
اتاكدي من توافر قطع الغيار خارج التوكيل لاني كنت قريت ان في حاجات (قليلة) مش متوفرة برة التوكيل ,شوفي برضة البيكانتو او الماروتي او الالتو
بالنسبة لموضوع قطع الغيار ناس كتير قالو انه مش مشكلة اوى، و ممكن حضرتك تشوف اللينك ده http://www.nilemotors.net/Nile/showthread.php?t=191
و يا ريت برده لو حد من اصحاب الكليسا يدخل ويقول رأيه على اساس انه مجرب، يبقى كويس جدا
متشكرة جدا يا أبو عبدالله، انا فعلا بصلى استخارة وانا ميالة للعربية دى جدا ومرتحالها اوىاقتباس:
العربيه دي اعتمادية من الدرجه الأولى بجد
وربنا يباركلك ان شاء الله
وانصحك بكثرة الأستخارة
انا اصلا متابعة مع التوكيل بقالى فترة على اساس ان كان فيه نوع جديد من البيرودوا كان هينزل ، بس آخر مكالمة ليا مع التوكيل قالو ان الكليسا هى اللى هتنزل إن شاء الله وهتنزل بعدد كبير إن شاء علشان عليها اقبال كبير و ممكن لو حد عايز العربية يكلمهم و يحجز بالتليفون و اول ماتيجى هيكلموه.
هما قالولى انها فى الجمارك و إن شاء الله تيجى على منتصف شهر اغسطس.
بجد متشكرة جدا لكل الاعضاء اللى ردوا :original: و نفسى برده لو حد من الاعضاء اللى معاهم او يعرفوا حد معاه الكليسا يدخلوا يقولوا رأيهم.
انا برضه زيك بحب العربيه ده جدا و متابع مع التوكيل و فعلا قالولى انها هتيجى فى نص اغسطس و الاوتوماتيك ب 57000 الف و سامع انك ممكن تفصال مع التوكيل و فى واحد زميل لنا فى المنتدى معاه العربيه ده و كتب عنها قبل كده وواحد تانى مع اخته و المواضيع بتاعتهم فى قسم الماليزى العام
عموما انا بحاول حاليا انا اجربها و هاقولك على الى هحس بيه فى العربيه و الى يعرف عنها حاجه اول لما توصل ماينساش التانى :shifty:
متشكرة يا Themayor على اهتمامك انت بجد شجعتنى اوى، و انا هستنى تقييمك لتجربة العربية و إن شاء الله اول ماعرف اى حاجة عنها او ميعاد وصولها هاقولك على طول إن شاء الله.
بس بالنسبة لموضوع الفصال ده حاسة إنى مش هعرف اتصرف فيه، يعنى افاصل فى حدود كام؟ انا شايفة ان دى حاجة سخيفة، المفروض يثبتوا السعر.
لا شكر على واجب احنا كلنا اخوات و لازم نحب الخير لبعض
انا معاك ان ثبات الاسعار بيريح بس هنعمل ايه بقى و عموما هى اخرها فى الفصال 55000 الف و حتى لو مش هتعرفى تفاصلى حاولى على قد ما تقدرى تنزلى اى مبلغ و لو منفعش سعرها برضه كويس مش وحش
و هتابعك فى الاخبار انشالله
فين يا جماعة اصحاب الخبرة مع الكليسا :confused:
انا عارفة ان فيه مواضيع عنها بس مفيش موضوع منهم اتكلم عن حالتها على طريق زى اللى وصفته ومسافات طويلة الى حد ما.
ياريت الاعضاء اللى عندهم خبرة مع الكليسا او يعرفوا حد يقدر يفيدنا يدخلوا يضيفوا تعليقات.
و إيه أخبار اختبار الكليسا يا THEMAYOR ؟ جربتها ولا لسة؟
انا سألت امبارح فى التوكيل قالوا انها إن شاء الله هاتيجى الاسبوع اللى جاى.
شكرا
و الله انا لسه مجربتهاش لانى مسافر بره القاهرة و هحاول فى اقرب وقت انزل و اجربها مع الزميل الفاضل بالمنتدى و هو ممكن يجاوب على اسئلتك بخبره اكثر لانه من ملاك السياره و اعتقد ان السيارة طالما زيرو و هتحافظى عليها هتبقى كويسه طالما سمعتها حلوه و ماليكها بيشكروا فيها
و هتابعك بالاخبار
شكرا يا THEMAYOR
وترجع بالسلامة إن شاء الله :original:
السلام عليكم
العربية فعلا ممتازة
انا كنت عزمت النية علي شراها
بس الوكيل صدمني من شهرين ونص تقريبا لما قالي ان آخر واحدة عنده كانت ساعتها اوتوماتيك ومتباعة وحد رجعها وعارضها للبيع
و انهم مش هاينزلوها بالفيس ده تاني
و انه اللي هاينزل البرودو الجديدة و اسمها برة VIVA وكانوا قالوا ان ده في شهر 8
انا أسف لو كنت احبطكم
بس حبيت انقلكم اللي حصل معايا
الحاجه التانية اللي عايز اقولكم عليها
العربية مشكتها في حاجتين
1- واطية علي الارض
2- فعلا ضيقة شوية
وبالرغم من ده كانت عاجباني جدا جدا وكنت ناوي عليها
لانها موتور 1100 وكمان شبابي ولذيذة ... بس بقي زي ما قلتلكم
عموما الالتو عربية كويسة وانا بفضل الله استقريت عليها... لان الله اعلم سعر الموديل الجديد هايبقي كام
عموما ده موقع البيرودوا فيفا.. لو حد عايز عنها اي معلومات
http://www.perodua.com.my/index.php?...cars&page=viva
تحياتي
شكرا على ردك يا zalpany2000
بالنسبة للتوكيل ، انا فعلا سألته من زمان و قال ان نوع جديد هينزل، بس بعد كدة قال ان الكليسا هى اللى هتنزل و انا متابعة معاه بقالى اكتر من شهر و خلاص العربية ان شاء الله جاية الاسبوع ده.
بالنسبة لعيوبها:
1- واطية علي الارض: هل معناه انها بتحك فى المطبات حتى لو اخدتها بالراحة؟
2- فعلا ضيقة شوية: انا مستنية اجربها بنفسى فى التوكيل إن شاء الله و اشوف هبقى مرتاحة فيها ولا لأ. انا اهم حاجة عندى كرسى السواق لان معظم مشاويرى هابقى انا لوحدى او معايا حد واحد، يعنى مش دايما هنبقى اربعة فى العربية.
شكرا و مستنية ردك.
انا بس مش عارفة ليه محدش من اصحاب الكليسا رد على الموضوع :confused:
شكرا
يا تري لسه لم تجدي الردود فى منتدى الكوري والماليزى، لو لسه أنا ممكن أجاوبك علي كل التفاصيل لأنى إشتريتها من شهرين ومش عارف إذا كنتى إشتريتيها إنتى كمان ولا لسه ؟
طب حضرتك متعرفش العربية اللي في الموقع دي نزلت مصر ولا لسة وسعرها كام؟ :girlsthink:اقتباس:
المشاركة الأصلية كتبت بواسطة zalpany2000
وياريت لو حد عنده معلومات تانية عنها يقولنا ياجماعة هي شكلها معقول برده احسن من شكل الكليسا القديم بصراحة
ممكن الأستاذ اللى إشترى الكليسا يقول إيه أخبارها وهل شكلها زى إللى فى الموقع (viva) ولا الشكل اللى إحنا عرفينه
وألف مبــروك وربنا يرزقك خيرها ويكفيك شرها
الشكل القديم في رأيي أحلى بكتير من الشكل الجديد لو نزل.اقتباس:
المشاركة الأصلية كتبت بواسطة moni
الشكل القديم كان أشبه بالميني كوبر. العربية كانت شكلها جميل خصوصا لما تكون لونين ومتجنطه.
دلوقتي بقى شكلها مستفز. سقف عالي وفوانيس طويله وشكل غير مريح للعين.
أنا شخصيا عجباني العربية جدا و رغم إني معايا إلنترا بس أنا راكب العربية دي علطول لأن أدائها بجد كويس جدا وسريعة وسهلة وعملية جدا في إستخدامها في الزحمة طبعا بالإضافة الي التوفير الوهمي في البنزين، بالنسبة لموضوع الشكل أنا شخصيا بتعجبني العربية دي أكتر من الفيفا عشان فعلا فيها شوية من الميني ، الكليسا هي الميرا مع تعديل بسيط في الشبكة والفوانيس الأمامية أما الفيفا هي الشاريد الجديدة مع تعديل أيضا في الفوانيس وبعض التنفيخات في الرفارف أما الموتور فهو واحداقتباس:
المشاركة الأصلية كتبت بواسطة moni
أنا عاجبنى شكل الكليسا أكتر من الفيفا ، الفيفا واخدة مبدأ (المكواه) اللى فيه شوية عربيات صغيرة جديدة واخداه ، وكمان بيدى كدة احساس انها مش ثابتة شوية ، الموتور الـ 1000 بتاع الفيفا مختلف عن الكليسا فى حاجة صغيرة ، الفيفا فيها DVVT ، ده ماكانش موجود فى الكليسا اللى كانت بتنزل مصر...
بس إزاى الواحد يجيب عربية كليسا الشكل القديم وتكون جديدة وأتوماتيك
اقتباس:
المشاركة الأصلية كتبت بواسطة moni
خلاص 99% لم يعد موجود منها الآن ولا مانيوال ولا أوتوماتيك
بس الجديد منها شكله مش حلو بس ياترى فيه منه اتوماتيك
باركوا ليا انا لقيت واحدة 2008 كسر زيرو وان شاء الله رايح اشيلها بكرة على الله على 50 الف وربنا يبارك لينا فيها وهى لونها كحلى بعد ما بقالى 4 شهور بلف على المعارض لقيت العربية دة انسب عربية لس عاوزة محافظة مش اكتر
ربنا يبارك لك فيها
ايه الاخبار - العربية جت ؟؟؟اقتباس:
المشاركة الأصلية كتبت بواسطة m_radwan78