روحت اركب انذار قالي

**teach22000** · 06-02-2013 02:52 PM

روحت اركب انذار قالي الولف يعمل 165 قولت كويس مش غالي بعد كده قالي لازم تاخد معاهم 2جهاز سنتر واحد للاربع ببان وواحد للشنطه بـ 50 جنيه
و2 وحدة رفع بـ 100 جنيه
واجرة تركيب 140 جنيه وبقشيش 10 جنيه وعملي فوق البيعة مفتاح لفصل الكهربا اشتريته بـ 5 جنيه وشريط لحام بـ 5 جنيه

اه نسيت ! لما اخترت شكل الريموت بتاع الانذار اتنطط واخترت شكل المفتاح فرحت علشان اعملهم قالي 40 جنيه

يعني صرفتلي تقريبا 515 جنيه وانا كنت نازل اصرف بالكتير 300

هي الاسعار دي عادية ولا اتنصب عليا؟

**ABO MALEK** · 06-02-2013 02:58 PM

معدلها عادى بس انا عملت المفتاح اللى فى جهاز الإنذار ب 25 بلبل..
مبرك عليك ومش خسارة فيها.
ربنا يكفيك شرها.

**Amr Axel** · 06-02-2013 03:06 PM

كتيير لأن طالما اشتريت من عنده المفروض السعر بالتركيب
بس مركبتش في توكيل وولف ليه في اخر جسر السويس ورا اسواق القنال ؟؟ ع الاقل شغل نضيف و الانذار و السنتر الاصلي و ضمان 5 سنين و السعر الأصلي 300 ج انذار و سنتر بالتركيب و لو حبيت تركب وحدات رفع جنبه واحد بيبع برده وحدات رفع و تركب عندهم و مكنتش هتدخل في المبلغ ده بالبقشيش كمان
بس مش مهم الواحد ياما وقع في حاجات كتيير قبل ما يفهم المهم ان تكون الدنيا شغالة كويسة عندك و راضي عنها

**mahmoud_anwar** · 06-02-2013 03:49 PM

بص انا لسه شاري انذار ولف عامل 160 جنية وسنتر لي الاربع ابواب عامل 70 جنية
والراجل خد تركيب 120 جنية ومدتش اي صنيعي من عنده اي اكرامية لي انه كده حرامي اوووي مافيش حد بيركب بي السعر ده

**khalid_adel** · 06-02-2013 04:31 PM

كتير شويه فعلا
يالا معلش فداك

**fghahkj** · 06-02-2013 07:20 PM

طيب يا جماعه انا اتصلت بتوكيل وولف الى فى سوق القنال علشان كنت هركب عندهم وحده رفع واوصل الشنطه مع الريموت مع العلم انى مركب الجهاز عندهم من حوالى سنه والحق يتقال شغلهم نطيف جدا
المهم لما اتصلت بيهم قالولى وحده الرفع بالتركيب 150 انما الشنطه متنفعش علشان العربيه لانوس والشنطه وير مش كهربا

افهم من كده ان الانوس مينفعش نفتح الشنطه من الريموت ؟