بتعمل ايه لما بتكون مضايق جدا ومخنوق!!!!!!!!

**MoToRiZeR** · 29-07-2008 06:19 PM

للأسف مؤخراَ ده بقي المود الأساسي بتاعي و بقي لازم أعمل كدة كل يوم تقريبا عشان أعرف أكمل الأسبوع

بنزل بالليل بعد 12 كدة و أبقي مشغل في العربية أغاني سلوو نكد زي أغاني ال atmospheric rock كدة .. و اسوقلي بتاع 30 كيلو في الظلام و الخلاء و بعد كدة بقعد في كافيه في حتة فاضية في أكتوبر كدة لحد الساعة 2 و أروح و انا راجع نفس السي دي و ادخل البيت انام .. و بحاول مخدش معايا حد

**3mr Farrag** · 29-07-2008 06:33 PM

النووووووووووووووووووم ثم النووووووووووووووووم
و بتقلب معايا احيانا بطفاسه في الاكل
و انزل مع نفسي اقعد في اي حته جنبنا....
و الموضوع ده بقي الطبيعي بتاعي
و قبل كده كنت بنزل اتمشي بالعربيه بالليل و اقعد مع نفسي برضوا...
بس حاليا حتا ما بقاش ليا نفس انزل

**mody_halawa** · 29-07-2008 06:51 PM

لما ببقى زهقان مش بحب حد يتكلم معايا فى الموضوع اللى مضايقنى علشان ممكن اتنرفز علية علشان كدة بقعد لوحدى لما بكون زهقان بس سعات بكلم حد من اصحابى المقربين اوى وافضفضلة بس فى الغالب لما بروح واقعد وحدى بنااااااااااااااااااااااا ام ومش بيبقى ليا نفس اكل حاجة

**KoDaK_Gti** · 29-07-2008 06:52 PM

المشاركة الأصلية كتبت بواسطة birdybirdy

انا عن نفسي عندي عادتين سيئين جداً

اولهم هو اني لما بكون مضايقة ومخنوقة

نفسي بتتقفل تماما عن الاكل حتى لو بقالي فترة كبيرة مكلتش ابقي حاسة بالجوع بس ماليش نفس

(دي طبعا ميزة لزوج المستقبل

هايوفر جامد في الوجبات

يعني اخر الشهر مثلا لو معاهوش فلوس يأكلنا ومكسوف يقول ديتها ينكد عليا قبل الفطار فمفطرش

وييجي علي ميعاد الغدا ينكش النكد بتاع الفطار فمتغداش

ييجي بقي ساعة العشا يصالحني ونتعشي وبكده يبقي وفر تمن وجبتين في اليوم :biggrinjester: او يكمل نكد الفطار والغدا فمتعشاش فيوفر تمن ال 3 وجبات كلهم

)

بس كده الراجل هيصرفهم على علاجك يبقة الاكل اوفر طبعا :nerd:

المشاركة الأصلية كتبت بواسطة kareem_Ashmawy

.
بس أكتر حاجة بتهدينى انى اروح اقف على النيل
و ياسلام بأه لو فى الشتاء باليل و الجو تلج و مفيش ناس خالص
بهدى خااااااااالص و ارجع طبيعى تانى

انا زيك بالظبط بروح المنيل كده اقعد ع النيل يا اما اطلع كوبرى اكتوبر
يا اما كورنيش المقطم بقعد كده بنسى الدنيا بصراحة

**Noha.M** · 29-07-2008 06:58 PM

لما بكون مضايقة بعمل 3 حاجات

1. انااااااااااااااااااااااا ااااااااااااااااااااااااا ااام ليل نهار
2.لما بفوق باة من الغيبوبة بنزل اسوق كتير اوى و الف فى الشوارع و اشترى اى حاجة ملهاش لازمة
3. اكلم خطيبي اعيطله شوية

**theking2690** · 29-07-2008 07:27 PM

انا لما بضايق بحب ابعد عن الناس خالصصصصصصصصصص باخد العربيه واطلع على العريش لأنى انا ليا ذكريات كتيييييييير حلوه هناك بحس انى بكون هناك فى افضل حالاتى و افضل ماشى على الطريق لحد بعد كوبرى السلام بشويه الف و ارجع تانى جايز هى حاجه غريبه بس بتهدينى جدا بحس كده انها شالت من عليا هموم الدنيا

**TIMODAX** · 29-07-2008 07:44 PM

1-shoping
2-loud Real Loud Music
3-bal3ab Playstation
Looooooooooooooooooooooooooool

WE RABENA MAYGEEB 7AGA WE7SHA WE 3ARFEEYN A7SSAN 7AGA KAMAN EH ASHOF MATCHAT ALAHLY BEY2ATA3 FEHA ALZAMALLEK........... EVIL LAUGH........... NEHAHAHAHAHAAAAAAAAAAAAAAAAAAAAAH

**mohamed ibiza** · 29-07-2008 07:47 PM

بعمل كذا حاجة:

1-افرك في العربية فرك ما بعده فرك بفرمها تحت رجلي و بفتري افترا رهيب علي العربية

2-باكل كتير

3-اكلم وحد صاحبي رخم كده :d

4-انااااااااااااااااااااااا ااااااااااااااااااااااااا اااااااام في حدود 10 ساعات

لما يفيض بيه بروح اطلع كل الهم مع والدي و والدتي و بيستوعبوني تماما الحمد لله

**Ahmad Allawy** · 29-07-2008 08:12 PM

ههههههههههههههه
معلش مقدرتش امسك نفسي من الضحك لما قريت كلام صاحبة الموضوع..
انا عارف اتنها مش حاجة تضحك.. بس اعذروني..
افتكرت كلام احمد حلمي في فيلم ظرف طارق.. لما كان بيقول لأبو نور..
امال فين سارة.. لما تصحي بقي من شهر النوم اللي هي فيه.. ابقي قولها اني جيت..
:) :) :) :)

بس انا لما بادخل ف المود ده.. مفيش حاجات كتير ممكن تتعمل..
مش باتكلم مع حد ف البيت.. و مش باعرف انام كتير خالص..
باقعد لوحدي..و لو قفلت خالص بقي بانزل اتمشي لوحدي ف اي حته هادية علي رجلي او بالعربية..
و ملاذي الاخير واحد صاحبي دايما انا وهو الحمد لله بنرتاح ف الكلام مع بعض جدا.. و لما بيكون اي حد فينا ف مود وحش.. بيدور علي التاني علي طول..
ربنا يخليك ليا يا هشام.. :) :) :)