السلام عليكم ورحمة الله وبركاته
فى عربية التيا موديل 2006 كاملة مانيوال دواخل وخوارج فابريكة وعداد 110 الف كم حالتها ممتازة جدا كنت عايز اعرف تعمل كام وكمالياتها ايه بالظبط ورائيكو ف العربية دي وتوافر قطع غيارها
عرض للطباعة
السلام عليكم ورحمة الله وبركاته
فى عربية التيا موديل 2006 كاملة مانيوال دواخل وخوارج فابريكة وعداد 110 الف كم حالتها ممتازة جدا كنت عايز اعرف تعمل كام وكمالياتها ايه بالظبط ورائيكو ف العربية دي وتوافر قطع غيارها
العربية غير منتشرة في مصر و ملهاش ملاك في المنتدي تقريبا لذلك هيبقي صعب تسعيرها و حتي كونتاكت كار مش هتلاقي عليه منها تقريبا فياريت تشوف مطلوب فيها كام و نحاول نساعدك و حاول تكشف عليها
العربية دي ممتازة جدا جدا و قطع غيارها كعفشة و ميكانيكا و محرك هتلاقيها مشتركة مع عربيات كتير من مجموعة فولكس زي الجولف و الليون و الجيتا و الاوكتافيا لكن صاج و فوانيس و رفارف و غير ذلك هتلاقيها نادره شوية
الكماليات هتلاقي فيها كل حاجه من تكييف ديجيتال الي كمبيوتر رحلات و كشف اعطال الي abs الي ايرباج و ممكن تلاقي فيهاtcs اللي هو التراكشن كنترول لأن دي اساسيات في الفئات العالية من مجموعة فولكس بأكملها و من ضمنها الالتيا
لو هتشتريها هتحتاج لكشف كامل بالكمبيوتر عليها عشان تتأكد ان كل حاجه تمام و بعدين كشف ظاهري عند حد متخصص في فولكس و سيات و لو هتشتري ابقي قلنا جبتها بكام و ربنا يوفقك لما فيه الخير
هيا مطلوب فيها 80
مش عارف بصراحه تسوي كام لكنها كعربية محترمه جدا جدا خاصة انها نفس الشكل من 2005 حتي الأن و انا شفتها في اكتر من معرض عربية تحفة و تقفيلها نضيف جدا و واسعه جدا جدا
هي محركها كام سيسي و مكشفتش عليها ؟ و اللي بيبيعها معرفة و تثق فيه ولا لأ ؟
حاول تكشف عليها عن حد متخصص كما قلت لك و ربنا وفقك للخير
SEAT Altea - Wikipedia, the free encyclopedia
انا من امبارح متردد ارد علي الموضوع لعدم المامي بكل تفاصيلها
وهي زي ماقال المهندس إيهاب غير منتشرة ولكنها سيارة محترمة جداً
العربية عائلية جداً ومحترمة جداً ولو علي سعر ٨٠ فاعتقد انها احسن الاختيارات في الرينج دة
كماليتها:
كراسي كهربا
يمكن طي الكراسي الخلفية لزيادة مساحة التخزين
مخارج aux
الموديلات الحديثة منها فيها tcs و hill hold و طبعا باقي الكماليات اللي قال عليها إيهاب
وعلي فكرة هي مش نادرة اوي - ولكنها غير منتشرة والتوكيل ماسوقهاش صح.
وهتلاقي ان شاء الله قطع غيارها في مركز الخدمة
تحياتي
.
انا سألت استاذ شريف عن السعر قال 75 الف فمش عارف بقى ادوس ولا بلاش العربية دي ونشوف حاجة تانية
طب ما تحاول تقربها شوية مع صاحبها
مشيت علي 77 او 77500 كان بها مرضيش شوف واحدة غيرها
بس هي بصراحة لو العربية سليمة وحالتها نظيفة - احسن من الكارينز والكارنفال وكل العربيات اللي في نفس الفئة دي
هو لغاية دلوقتى متكلمناش ف السعر انا بفكر بس ف العربية نفسها وان شاء الله تنزل عن ال80 بكام الف يعنى لو زى ما قال استاذ شريف او زيادة حاجة بسيطة نتوكل على الله ؟؟
هي كعربية لو حالتها نضيفة هتبقي صفقة رائعه و لكن محتاج تكشف عليها كمبيوتر و هو هيبين كل حاجه فيها و لو تمام توكل علي الله
بصرف النظر عن مزايا العربيه احب انصح حضرتك قبل ما تاخد قرار الشراء انك تجمع معلومات عن اسعار و مدى توافر قطع غيارها فى السوق و كمان اذا كان فى حد بيفهم فيها بره التوكيل لانها مش منتشره فالأفضل تتأكد من النقطتين دول لتجنب المفاجآت غير الساره بعد كده لاقدر الله
أخي الفاضل كما قلت سابقا العربية مشتركة محركات و عفشة و كل حاجه ميكانيكية مع مجموعة فولكس كلها و اللي بيشتغل في فولكس بيشتغل فيها و بيركبلها نفس قطع غيار الاوكتافيا و الجولف و الجيتا
الفرق فقط في التقفيل و التابلوه و الصاج و الرفارف و الاكصدامات دي هتلاقي قليلة و لكن موجوده استيراد و جديد و في التوكيل و لكن كما قلت قليله لقلة وجود العربية و لكنها موجوده وقت الحاجه
موضوع الميكانيكية و الكشف فنفس تكنولوجيا فولكس بالضبط
يا فندم العربية تشترك مع الليون الجديدة في سيات والجولف 5 والجيتا في فولكس والأوكتافيا A5 في سكودا - في الشاسيه
ومعني اشتراكها في الشاسيه يعني تشابه شديد في العفشة والمحرك والات الجر
وبالفعل العربية نزلت بمحركات كتير منها الtsi ومنها الN/A او العادي بدون تربو تشارجر
ونزلت بفتايس مانيوال او تيب ترونيك زي الأوكتافيا او dsg زي الجيتا
وبالتالي العربية قطع غيارها متوفرة جدا كميكانيكا وعفشة وباقي الأجزاء الميكانيكية
اما عن الصاج والخوارج فهتلاقيها اما عند بتوع السيات او في مركز الخدمة - لأنها نزلت بالفعل (ولكن قليلة جدا) ولكنها مش نادرة او مستوردة من الخارج وليس لها وكيل
انا معاك ان ممكن تكون حاجتها غالية شوية لقلتها ولكنها موجودة
اما عن المستهلكات فهتلاقيها مالية السوق لأشتراكها مع مجموعة فولكس في قطع الغيار والعربيات الفولكس او الأسكودا مالية البلد
وكمان انت لما تركبها وتفهمها وتوديها عند حد بيفهم فولكس هتعرف تركب ايه بدائل ليها من قطع الغيار
تحياتي