الموضوع: هيه العربية جابت طقم دبرياج و الحمد لله

من يجى اسبوع كده
كان زميل لينا بيعمل طقم دبرياج عند الميكانيكى بتاعى
و انا الدبرياج كان واطى قوى
بص عليه
قاللى ده بيودع للعلم
قلتله لما يجيب اخرة
هو ماشى 73000 كم
يعنى زى الفل مفيش اعتراض
رحت النهارده اكتوبر
وصلت عند الشركه
الدبرياج واطى عن الأول
ماشى
خرجت من الشركه
رحت هايبر
جبت عصير رانى عليه عرض و فريسكا ( ولا اى اندهاش ) عادى يعنى
و مشيت
جيت فى زحمة الدائرى قبل الوصله
الغيارات عامله تعض
و الدبرياج بيوطى
خاصة ان الحتة دى بتاع ساعه يعنى
خرجت و يا دوب طلعت من الزحمه
العربية عزمها ابتدى يروح مع اللى راحوا فى 73
باطلع مطلع اهبل بتاع محور صفط
كأنى طالع جبل سانت كاترين على التالت
ماشى
ولا اى اندهاش
هوب بادوس
الدواسه لصقت فى الأرض
و مفيش دبرياج
وصلتنى العربية عند منطقه انتظار
و كلمت الميكانيكى
قاللى حاول تدورها
قلتله ماشى
ادى مارش
مفيش خالص مارش
خاااااااااااااااااااااااا الص
ميح
عدم
اخبط عليه اعمل فيه اللى ما يعمل
اشوف فيوزات
كتاوت
ولا الدموع مفيش مارش
اتصلت بواحد اعرفه معاه 1/2 نقل
قلتله تعالى خدنى
قاللى حاضر
طبعاً جاللى بعد ساعه
قاللى ندور العربية عشان الفرامل و الباور
زيقت انا و هو و واحد صاحبى مروح معايا
عشقت و انا بازق
دارات بس بعد ما فكيت الغيار
عشان محدشى يسألنى
اهى دارات و خلاص
شدنى و خدنا الطريق
و وصلت للميكانيكى
و هيبتدى فيها بكرة
بس هو عنده شك ان فيه حاجة اتكسرت
لأن التالت مش بيخش حارته خالص
مش باقلكم و لا اى اندهاش
و نلتقى فى الحلقة القادمه ان شاء الله