سؤال هام عن المازدا 3

**momenhamdy** · 29-07-2008 05:03 PM

انا كان سؤالي خاص بقطع الغيار و الصيانة انا سمعت انا مكلقة هل دا صحيح فعلاً و لا لا و هل هي متعبه لو جت خليجي علشان الضمان و هل هي لسه التوكيل بتعها مع غبور و لا ايه النظام ؟؟؟؟

و شكراً ليكم

**addasherb** · 30-07-2008 03:00 AM

i have the same problem about spare part,shall anyone tell us about them?

**farfora20082008** · 30-07-2008 08:04 AM

السلام عليكم
اولا غبور وكيل مازدا بالاسم بس ولو روحت تقوله عايز مازدا 3 مش هتلاقي عنده ومش هيجيبلك الا بطلوع الروح معندوش الا الفئات العاليه من مازدا وبسعر خيالي مجرد عربيه بتزين صالع العرض عنده
يعني كل مازدا اللي في مصر خليجي
ثانيا لوحظ في الفتره الاخيره انتشار لمازدا3 وكمان توافر قطع غيارها ومش بالسعر الي الناس متصوراه وحضرتك ممكن تنزل بنفسك محل قطع غيار في صلاح الدين وتسأل وتطمن
يا جماعه بلاش نبقي زي النعامه لما بتخاف

**momenhamdy** · 30-07-2008 02:51 PM

شكراً ليك يا د. خالد بيني و بينك انا حاسس انا العربية ملهاش حل و لكن انت عارف ان مصر اكتر بلد بتحتاج قطع غيار و لا انا كلامي غلط ؟؟؟؟ و لك كل التقدير و الاحترام با د.خالد

**Eng.Sameh** · 30-07-2008 02:58 PM

المشاركة الأصلية كتبت بواسطة momenhamdy

شكراً ليك يا د. خالد بيني و بينك انا حاسس انا العربية ملهاش حل و لكن انت عارف ان مصر اكتر بلد بتحتاج قطع غيار و لا انا كلامي غلط ؟؟؟؟ و لك كل التقدير و الاحترام با د.خالد

يا باشا مش كل العربيات معدل صيانتها واحد ولا اعتماديتها واحده ، والمازدا3 من اكثر العربيات اعتماديه وتقييماتها ممتازة بره من المقييمين والمستخدمين ، يعني مثلا البي ام ماهي قطع غيارها غاليه جدا بس بردو معمرة جدا ،

والمازدا3 قطع غيارها اصبحت اسعرها عادية جدا ، ولكن معروفه بالجودة والعمر الطويل ، وربنا يوفقك للصالح ان شاء الله ،

**farfora20082008** · 30-07-2008 02:59 PM

انت عندك حق وده لسببين
- الطريقه الغلط اللي بنتعامل بيها مع العربيات
- الطرق الزباله بتاعتنا
- ممكن الجو بتاعنا وفكرتنا عن العربيات وممكن مشكله في كفائه الصنيعيه وفوق كل ده الفهلوه اللي انا شايف ان ليها دخل في التعامل مع اي عطل

:) كده بقي اكتر من 2

بص يا مؤمن باشا مازدا 3 تعتبر من اكتر العربيات اعتماديه انا اعرف ناس عندهم لانسر اللي قطع غيارها بيقولوا في متناول الجميع بقاله 34 سنين مش غير غير زيت وتيل فرامل فمابالك بالمازدا وفي الاخر ترجع لسواقتك نفسها

نصيحه لوجه الله صلي استخاره وامشي في موضوع المازدا وشوف حد عنده مازدا من يجي كام سنه او انزال اسأل معرض وخد رأي اي ميكانيكي اشتغل في مازدا

وربنا يهديك للصالح

**farfora20082008** · 30-07-2008 03:03 PM

دايما سباق يا سامح باشا انت رديت وانا بكتب ردي ما شاء الله عليك

34 اقصد بيها 3 او 4 سنين

**momenhamdy** · 30-07-2008 03:05 PM

انت كلامك صح يا باش مهندس سامح انا عارف ان قطع الغيار معمرة دي ماركة مازدا ماركة محترمة زي البي ام زي منتا قلت و لكن انا بتكلم علي القطع الاساسية الي ممكن تتعرض انها تتغير بسرعة و فجأه زي الفوانيس المرايات الفوجات كدا يعني فأنا كان قصدي علي القطع دي و ليس طبعاً التيل و الفلاتر و الكلام دا لان طبعاً دي حاجات الكلام فيها معروف و معروف كمان جوده الماركة نفسها

**M_HaFeZ** · 30-07-2008 03:07 PM

ههههههههههههههههههههههههه ههههههه
اول ماشوفت 34 سنه دى
مكانش فى ايامها لانسر اللى واكله عقل الناس
34 سنه ومغير زيت بس تخيل انت :)

**farfora20082008** · 30-07-2008 03:13 PM

بص يا استاذ مؤمن اي عربيه عرضه لشيء زي ده وربنا يعفيك ويعفينا واكيد الحاجات دي موجوده لان عقلانيا تاجر قطع الغيار مش هيروح يجيب تيل فرامل ويسيب فانوس وكمان لو احتجت ده هتجيبه من سونستا او سمارت
اقولك علي حاجه انت خد نفسك وفي ايدك ورقه وقلم وانزل اسأل عن قطع غيار العربيه في المحلات اللي بتاجر في اليباني واسأل عند سونستا وسمار
وهبعتلك علي الخاص نمره واحد اسمه كريم شغال في سمارت انسان محترم وهيفيدك بس يا ريت مش تقوله اني اديتهالك

الموضوع: سؤال هام عن المازدا 3

LinkBack

أدوات الموضوع

عرض

سؤال هام عن المازدا 3 - انشر الموضوع فى :

-

-

-

-

-

-

-

المواضيع المتشابهه

سؤال لكل مالكى المازدا 3

سؤال عن المازدا 3

سؤال حول الشارك و المازدا؟

سؤال عن اداء المازدا

سؤال مهم عن المازدا 3 ؟

الكلمات الدلالية لهذا الموضوع

المفضلات

المفضلات

ضوابط المشاركة