حد يعرف مين صاحب محل : دكتور خالد للزجاج ؟؟ (نصب عليا )

السلام عليكم ..

من كام يوم رحت ل محل دكتور خالد نظرا ل سمعته و الخبرة ..عشان اغير الزجاج الأمامي لسيارة سيراتو ...
المهم عرض عليا زجاج خامات بلجيكي و فضلت وراه لما قال لي هو صناعة مصري بس خامات مستوردة وبلجيكي و أنضف بكتير من دكتور جريش والكلام المصري ده .. المهم صداقته و اشتريت الزجاج...

بعديها بكام يوم دايما شايف زغللة و الزجاج مش مظبوط لغاية ماشفت العيب ..بيبان على الطرق المفتوحة ..طبعا مبنش في المحل .., العيب إن الزجاج مش مية واحدة ..في انبعجات في الرؤية ...عيب صناعة على صناعة زي الزفت .....

المهم أنا محتاج أكلم صاحب المحلات دي اشتكيله و يشوفلي حال عشان حرام الفلوس دي ..والغش العلني ده ...منهم لله ....منهم لله

ممكن ترجع للفرع اللى حضرتك اشتريت منه ووريهم العيب و اطلب منهم يبدلوا الزجاج و هددهم بحمايه حقوق المستهلك و على صوتك لو لزم الامر و ساعتها المسؤول هيطلعلك من تحت الارض طالما الموضوع فيه دفع فلوس

عايز اقولك ان العيب دا موجود في كل انواع الزجاج المصري
امان وجريش عن تجربة بيعملوا كدا
انا كنت ارسلت شكوى لمصنع امان وكلموني ورحت غيروا لي الزجاج وكانت معاملة ومقابلة محترمة جدا..
وبعدين اكتشفت ان العيب موجود برضه .... ولما اتكسر قلت اجرب جريش
لقيت فيه نفس العيب.. بس مش اي حد بياخد باله
بيسموه مطب.. لما تحرك رأسك لفوق ولتحت تحس ان الصورة بتتكسر
غير ان في مواجهة الشمس الرؤية بتبقى صعبة

بس واضح ان معاك لانوس يعني كان راكب عندك جريش ومريحك...

أيوه هو ده العيب بالضبط ....بحرك راسي فوق وتحت أشوف الخط الفاصل وإنكسار الرؤية ......يعني إيه ..مفيش أمل ؟

معلش انا ماخدتش بالي انك بتتكلم عن سيراتو مش لانوس..
لو الموضوع هايتعبك جامد يبقى تركب الاصلي هايفرق 1200ج تقريبا..
ماهي الجودة ليها تمن :)

وكدا ماتنصبش عليك ولا حاجة .. هو دا مستوى الزجاج المصري

يا رجاله مع احترامى ليكم جميعا
الغالى تمنو فيه
يعنى مش هتجيب ازاز ب 1200 جنيه زى ازاز ب 350 جنيه وهو ده اللى حصل معايا فى ازاز الالنترا
بعد ما ركبتو لاقيتو مزغلل وبعد كده روحت للراجل ووريتهولو وقالى فعلا ده فيه حاجه مش مظبوطه وراح مغيرو بس للاسف فى نفس العيب بس على خفيف يعنى ارحم من الاول
واه نسيت اقولوكم ان نوع الازاز مكتوب عليه هيونداى وكنت جايبو ب 350 جنيه
ولاحظت ان وانا بغسل العربيه لاقيت الميه عليه عامله خط مايل عليه قولت الحمدالله شربت الازاز وشكرا

اول مره اعرف منكم ان العيب الشرعى ده موجوده فى الازاز المصرى كله .. غريب مع ان الجميع كان بيشكر فيه !!!!!!!!!


فعلا الرخيص مغيص والغالى تمنه فيه

انا غيرت الزجاج الامامي للكارينز في التوكيل بنفس اللي كان راكب من كوريا ب 2950 جنيه شامل ضريبه ومصنعيه وكله وطبعا مفيهوش الحاجات اللي حضرتك بتقول عليها دي. متهيألي ممكن ازاز السيراتو يقل شويه عن الكارينز لأنه المفروض أصغر؟ مش متأكد بس ممكن تتصل بالتوكيل تسأل لو لسه مركبتش.

متهيألي ازاز السيراتو مش هايقل عن 2000
هو في ازاز استيراد يا جماعة زي قطع الغيار كدا؟؟ ولو فيه... اسعاره ايه؟

ازاز السيراتو فى التوكيل بالتركيب والضريبة والسيليكون والجوان بحوالى 3100 جنيه

حصل معايا برضه نفس الحوار فى ازاز النترا 2005 رحت لواحد بتاع ازاز يغيره (الراجل ده كنت مجربه قبل كده فى عربيتين لزمايلى وشغله هايل)
المهم قالى فى نوع ب 370 ونوع 450 طيب ايه الفرق قالى الغالى بتاع بلاده وفعلا مكتوب عليه كوريا وبعد مركبه كنا بالليل روحت عادى والصبح لما جيت رايح الشغل شكيت فى عينى انها مزغلله
بس مع التركيز لقيت فعلا الموجه اللى بتقولوا عليها بالظبط مع ان الازاز المفروض محترم يعنى بصراحه لما بركز انى اشوفها باخد بالى لكن وانا عادى ومش فى دماغى مش باخد بالى

بصراحه مرضيتش ارجع للراجل لانه محترم جدا فى شغله وكمان انا عارف انه هيغير الازاز من عنده وخفت الاقى نفس العيب تانى او اسوأ وفى الاول والاخر العيب فى الصناعة

يعني يا 400ج يا اما 3000ج... مفيش وسط؟
ممكن حد يفيدنا في الازاز الاستيراد .. فيه ولا مفيش؟

نسيت أقول اني لما غيرت ازاز الكارينز في التوكيل ب 2950 كنا في يناير 2012 وأكيد دلوقتي زاد سعره عشان الدولار وعشان موجه الغلاء الاخيره.

هام جدا بالنسبة لموضوع الزجاج المعووج

هذا الزجاج خطر جدا على سلامة عينيك وسيتسبب على المدى الطويل بتشويه شكل عدسة العين خاصة إذا كنت تقود لمسافات طويلة لأن الزجاج هنا يعمل كأنه عدسة نظارة بالضبط

فإذا كان نظرك عاديا وصحيحا سيتأثر بشكل مباشر نتيجة لإعوجاج الزجاج

فالحذر من ترك هذا الزجاج دون معالجة المشكلة

اقتباس:

---

المشاركة الأصلية كتبت بواسطة timtim

يعني يا 400ج يا اما 3000ج... مفيش وسط؟
ممكن حد يفيدنا في الازاز الاستيراد .. فيه ولا مفيش؟

---

ما فيش حاجه اسمها زجاج استيراد لان حتى لو سليم بيكسروة-قبل الشحن

هو مصر بتعرف تعمل ايه بجودة كويسة؟

الزجاج المصري متميز بدليل لستخدامة في السيارات الالماني وبيتصدر لاعديد من مصانع تجميع السيارات باوروبا وجنوب افريقيا والمغرب ولطرازات بعينها زي مرسيدس وبي ام ورينو وبيجو ونيسان وتويوتا وبالاخص شركتين يعتبروا رائدتين هما جريش وامان بس اليومين دول من ساعة ما صاحب مصنع جريش توفاه الله والورثة مش عارفين يدييروا الشركة والجودة عندهم في النازل لكن ربنا يسهل

اقتباس:

---

المشاركة الأصلية كتبت بواسطة Eng.Peter

هو مصر بتعرف تعمل ايه بجودة كويسة؟

---

الملابس الداخليه الرجالي. مش بهزر على فكره :E_braces[1]:

كنت مره قريت مشاركه ان فيه زجاج صيني بيعمل 1200 جنيه

السلام عليكم
انهي زجاج افضل امان ولا جريش؟
ولا فيه نوع تاني؟؟

انا مجرب امان و جريش الاتنان كويسين اول مرة اسمع الموضوع ده

أنا اول مرة أسمع الموضوع ده
أنا شوفت زجاج جريش أو أمان في فيرنا ............ و كان كو يس جدا و مفيهوش أي أنبعاجات .
شوفت برضه زجاج العربية الدبابة النص نقل ........ مفيهوش أي أنبعاجات .
و الأفيو كمان ........ و الصني ....... فأنا بصراحة عمري في حياتي ما شوفتش اللي أنتوا بتحكوا عليه
أكيد عيب فردي !!

انهي مصنع زجاج افضل مصنع جريش ولا مصنع امان؟
مع العلم اني لما سئلت لقيت سعر زجاج امان اعلا تقريبا ب 30 : 40 جنيه وده سعر المصنع

مصنع جريش بالنسبة لي قريب وسهل بإذن الله اني اركب في المصنع ب 340 شامل التركيب
مصنع امان كلمتهم ليهم منفذ جنبي ( محل بيغير ازاز ) ب 380 شامل التركيب ( ده سعر المصنع لسه مش عارف الراجل هيديه ليا بكام )

هو مبدئيا كده د. خالد مبيبعش زجاج ، بيصلح فقط !!!
جريش وامان راكبين فى عربيات كتير ولا يوجد بهم هذا العيب ، لو موجود هيكون اما تقلبد او عيب صناعة ومن حقق انك تروح تغيرة على حسابهم

اقتباس:

---

المشاركة الأصلية كتبت بواسطة haythamkmal

هو مبدئيا كده د. خالد مبيبعش زجاج ، بيصلح فقط !!!
جريش وامان راكبين فى عربيات كتير ولا يوجد بهم هذا العيب ، لو موجود هيكون اما تقلبد او عيب صناعة ومن حقق انك تروح تغيرة على حسابهم

---

+1