الموضوع: ايمهما افضل تسقيط موتور 1300 انجكشن ولا موتور 1600؟؟؟؟؟ شاركونى بارائكم

المشاركة الأصلية كتبت بواسطة a_baidak

بالنسبه للماطور بيجى بالتكييف بتاعه والدينامو وطرمبة المية بتعته وشداد بيبق شادد السير وطبعا الفتيس كل حاجه فيه كده بالنسبه للسعر على حسب والله مش عارف بالضبط الدنيا بتغلى كل شويه زى ما انت شايف هوه بيبتدى من 4700 وهيزيد اكيد عن كده لانى طلع عينى فى الموتور بتاعى

اما عن التجربه كانت فظيعه بامانه اعدت حوالى 3 ايام ادور عليه فى الحرفيين وعزبة شلبى وكده يعنى المهم انا جبته فى الاخر من الحرفيين من عند واحد اسمه شاكر وكنت واخد واحد ميكانيكى تبعى يعنى علشان يشوفلى واحد كويس كده وجبته بدون ادوات التغزية بتعته 2100 بعد عزاب طبعا مع انه كان بيعمل بادوات التغزية قبل كده 1600 مثلا بس هتقول ايه فى التجار وجشعهم الكل بيغلى يقولك الدولار زاد والدنيا غلية وهو عنده مثلا بقاله سنه
الموتور اللى انا جبته كان انجكشن وركبت عليه الكربراتير وركبة طربة بنزين كهربهاء لانى معلوش مدخة بنزين وركبت عليه كل اللى عندى قفل معايه بالمصنعية بتعته وكل حاجه 3100 فى التقريب
بتغير الزيت والبوجيهات وطرمبة النزين طبعا الميكانيكى خد منى بالنزول معايه وتركيبه 400 جنية

المهم ربك المستعان

مبروك عليك الموتور الجديد وهو موديل كام وهل مختلف عن المواتير اللى قبل 1997 من ناحية المشاكل المتداولة عندنا هنا فالقسم انا بصراحة مقتنع اكتر بالموتور 1600 وعايز اعمل له دراسة جدوى واشوف هيدخل فى كام وهاصرف كام واللى هاصرفه هيجي بنتيجة ولا فلوس وهتترمى على الارض هل عندك فكرة الموتور 1600 اخر موديل نزل منه سنة كام معلش اسئلتى كتير بس بجد الموضوع شاددنى

المشاركة الأصلية كتبت بواسطة a_baidak

والله يا منسي انا الموتور اللى جبته موديل 2000 لانى عربيتى 98 وش اوكتفيا

ومتهيقلى كلهم واحد ونفس المشكله بس الاحسن طبعا وكانو بيتكلمو عليه وعامل زى موتور الجولف هوه 1600
بس انت عارف قصة البنزين اللى هتيجى ولو هتسقط موتور 1600 حوله غاز وابق اعمل مشوار فى الاسبوع بنزين صافى علشان ميكلكش الموتور

قصة البنزين مش عارف ايه حكايتها هيتم التوصل فيها لايه بس اعتقد هيبقي صعب تطبيقه لان البلد ساعتها هتقوم ومش هتقعد تانى انا كده كده لو سقطت مش هاسقط قبل شهر 4 او 5 الجاى هيكون بان الوضع ايه وفكرة تحويل الغاز مش عارف هتبقي مجدية ولا لا

المشاركة الأصلية كتبت بواسطة a_baidak

بالنسبه لموضوع الغاز مع ناس زميلى وكويسه معاهم وعلى عربيات ماتركس وتيوتا كمان

بس المهم انك تمشى بيها مره فى الاسبوع بنزين من غير ما تحولها غاز علشان تظبط الموتور بيها

الناس ديه شغلين فى شركة تحويل غاز

ربنا يسهل واوصل لقرار