بص بقى يابو مالك
الموضوع ده انا مريت بحاجه شبهه شويه وخليك صبور عليا
انا كنت زيك بعانى من نقص فى زيت الباور بشكل غريب المهم كشفت لقيت الزيت دائما منشع من تحت القربه وعلى الخرطوم اللى واصل للاسكترا المهم الباشا قالى الاسكتره ضربت وعاوزه تتغير
اتحايلت عليه يبص تانى فضل يبص ويفحص ويتمحص لحد الحمد لله وجدنا التسريب طالع من نصف الخرطوم بالظبط
التشابه بقى ان الخرطوم ده بياخد من القربه ويدخلى على صاموله وراء السيرفو بالظبط زى عندك
والبشوات كان عاوز يدبسنى فى علبه جديده (انا احمد الله اننا اكتشفنها)
المهم ياسيدى الخرطوم ده عباره عن جزء حديد ملتصق بخرطوم كاوتش واصل بالاسكتره
وكان مقطوع من الوسط بالظبط وبيسرب زيت فيبان ان الاسكتره غرقانه زين عند الصاموله ديه
النصيحه انك تخلى بالك وتكون عينيك ويديك سابقه لهم فى البحث عن سبب المشكله وايجاد الحلول
وربنا يسهلك الحال وتكون حاجه بسيطه ان شاء الله
المفضلات