عملت حادثة وعايز رايكم ( اصلح ولا ابيع )

**shaaban2008** · 08-02-2013 07:57 PM

حمدا لله علي سلامة حضرتك ده اهم من كل حاجه
وربنا يخلف عليك بالخير ويعوضك ان شاء الله
رأيي ان حضرتك تصلحها
خاصة ان الاضرار واضح من كلامك انها مش جامده
وبعدين هاتخسر كتير لوبعتها علي الحاله دي
ولي ملاحظه كمان ان ممكن تصليحها يتم بمبلغ اقل بكتير من اللي حضرتك ذكرته
ربنا يوفقك للخير دائما

**evoooo** · 09-02-2013 04:18 PM

صلح و اتكل علي الله المتحدة ناس زي الفل انا عربيتي مغيرة نص وراني في المتحدة علي فكرة و مغير اكتر من الي عربيتك عاملة دة و صارف عليها يجي 50 الف جنية و لسة بركبها و هشدها و لو رحت ال اسبوع الجاي المتحدة هي هناك هتروح تتشد و متعدلة و ماشي بيها 180 و 190 العربية العفشة بتاعتي بايشة و بجيب بيها 150 و ربنا الي بيستر راي صلح المتحدة ناس شغلها زي الفل

**hemaa_82** · 09-02-2013 09:45 PM

طالاما موصلتش لاي حاجة في المكنة توكل علي الله و صلح ...

مهما حصل للصاج كله بيتظبط.... انما لو كانت للمكنة كنت هقلك غير المكنة و متمشيش في تصليح المتور

انا كنت عامل حادثة بعربية اختي الكيا اسبيكترا... العربية رجعت ولا الفابريكة بالرغم من ان الفردة اليمين من الشاسيه كانت رحلت لفوق اكتر من 15 سنتي بس المكنة بقي برغم كل شئ و كل اللي اتصرف عليها كانت دايما تسخن و تفصل و بهدلت اللي جابونا ... سنسور ايه باظ و حساس ايه مش قاري مظبوط و معلش اصل الفيشة مشروخة و مش راكبة و سلك ايه لازق في المكنة فسخن ....

متقلقش من الصاج و توكل علي الله بس حاول تهدي السعر شوية

**abdulhafeez** · 10-02-2013 12:03 AM

والله ربنا يكرمكم يا رجالة
انا خلاص ناويت اصلحها باذن الله وكلمتهم علشان يبدؤوا شغل
حتى لو الواحد صرف الف جنيه زيادة بس شغل انضف الواحد مش هيزعل
التكلفة دي اقصى تكلفة هو حسبهالي علشان مايقوليش على سعر وبعدين يزود
فهو حسب اقصى حاجة ممكن تتصرف وقلي عليها وبعدين اللي يطلع سليم يبقى بركة

وربنا يحفظنا كلنا من شر الحوادث