احمد سيد انا بستغيث ياجماعه عاوز المشوره من خبراء الفليشيا بسبب عداد البنزين

السلام عليكم
انا زهقت و حلف براس ابويا مش هتمشى و له هتعتى من تحت البيت لما عداد البنزين يشتغل و همنع عنك الاكل و الشرب و البنزين و الزيت و كمان المياه اعقلى بالاتى هى احسن و قله هقعدك زى البيت الوقف من قلى انا شوفته بسبب العداد

المهم نيجى للتفصيل
فى موضوع حصل من 8 شهور و العداد بايظ من ساعته بس انا مش شايف اى علاقه بس قولت بردك احتمال
ايام البنزين 80 كانت احلى ايام و الله كنت بفوال العربيه و كان الواد بيفول على الزور و انتا عارفين يعنى لو معايا برميل هملاه ده 80 المهم فولت و كله تمام و انا ماشى لقيت واحد بيقولى العربيه بتسقط بنزين و فى سرسوب بنزين كبير حنفيه اول حاجه رميت السيجاره من ايدى بعيد و انا ماشى و ركنت و نزلت ببص من تحت التنك للقيت التنك غرقان بنزين المهم رفعت الكنبه و فصلت الفرد الثلاثه من العوامه تخوفا من ماس و له حاجه
المهم لقيت انى العوامه البرشام قلى متثبت فى الترامل الكهرباء واحده مفكوكه و دى قلى بتجيب بنزين
ما علينا جيبت عوامه جديده بدون نقاش وركبتها العداد مش راضى يشتغل كان بيبقى نايم للتحت يهديك يرضيك مفيش المهم بعديها بفترة بيبقى صحى لفوق على الاخر مع اول تكة مفتاح تابلوه السبب ايه مش عارف
عاملت ايه فكيت البورده عندى لقيت فى مقاومه محمصه بس قيستها بالافو ميتر شغاله مش مشكله
قولت اجيب تابلوه تانى استاذنة صديقى احمد بيدك و ادينى تابلوه من عنده اجرب بيه لقيت نفس الموضوع العداد مرفوع لفوق فوق على الاخر طيب اعمل ايه
يبقى كده فى ايه انا معنديش استعداد العربيه توقف من على الدائرى او على الطريق و انزل اخد جركن وروح بنزينه و اقعد اتحايل و مبيردوش لانهم بيخافو العيال بيعملوه ازايز ميلتوف



المهم فرد العوامه المفروض لما بتتفك المؤشر بينزل ده لالالالالالالالالالا و له هينزل و له بينزل
طيب اقفل الفرد على بعض و له حياة لمن تنادى
المهم ياريت نخرج الشك فى العداد او الطابلوه لانى جربت بطابلوه تانى
ياريت نخرج العوامه من القصه دى
فيوذ تم المراجعه عليها

فى ايه بقى لو فى حد عنده اى اقتراح يقوله

ربك المستعان

الرجاء المساعده

اخوكم قلى متبهدل فى الموصلات
احمد سيد
للاسف منسق القسم

الله يسامحك يا لوزه

أهلا بيك صديقي المهندس أحمد

أولا أحب أقول لحضرتك أنا كان عندي نفس مشكلتك ولازالت موجودة بس بشكل مختلف شوية

يعني أنا الاول كان عندي تسريب بنزين من نفس الموضوع ترملة لحام مكسورة وبتغرق الدنيا بنزين

غيرت العوامة لواحدة جديدة بس للاسف صيني ورحت وسط البلد أول الوكالة عند بتاع العدادات الي هناك

كشف على العوامة والمؤشر وقاللي كلة فى السليم

ومن ساعتها أكون مفول العربية المؤشر بيكون أعلي من الـ full وبفضل ماشي بالعربية مشوار فى مشوار والمؤشر بينزول ببطئ شديد أدخل أمون ألاقي نفسي حاطط صفيحة وزيادة والمؤشر بيكون محصلش حتي الربع الاول

وبإختصار ومن ساعتها قررت أحسب المشي بتاع العربية وعلى اساسة بدخل امون

وعموما أنا بحب بإستمرا كل ملاقي البنزينة رايقة أدخل أفول حتي لو هتاخد 5 لتر بس

علي أساس طبعا البنزين 80 مش متوفر كل يوم

لك تحياتي

يا نهار ابيض معقوله .... المهندس احمد .... حقول لحضرتك ... اول ماشتريت العربيه كان العداد رافع للاخر عندى على طول .... ومع اول تفويله لقيت واحد بيقولى يا استاذ العربيه بتزل بنزين من تحت ... روحت للكهربائى فك 3 اطرف العوامه وبرضه العداد رافع لفوق ... قالى كده عداد يا معلم رسمى فهمى نظمى .. يوم الجمعه اعملهولم بروئان ... معرفش والله يا احمد روحت جبت عوامه جديده وروحتله ...قالى موش احنا قولنا عداد (وعلى فكره كهربائى اللى عند البيت الواد محترف يطلع العيب من اى عربيه) قولتله نجرب ..ركب الجديده واقعد يغير فى مكان الاسلاك والعوامه بره ويرفع بايده العوامه ... وانا اقفل وافتح كونتاكت لغايه ما ظبط العداد تمام ... وقرط على الصاموله والجوان كويس بتاعه العوامه ...وخلاص

وبالمناسبة لما رحت الوكالة كان الشك كله أن العدد بايظ لقيت الراجل قاللي العداد سليم بس توصيل الاطراف غلط

ممكن حضرتك تتأكد من توصيل الاطراف لانه لما وصل الاطراف عندي بشكل مختلف عن ماكانت عليه لقيت المؤشر رفع وطبعا زي ماحضرتك عارف العوامة الصيني بتبقي قرايتها مش مظبوطة فقررت أمشي بيها كدة

وأقترح على حضرتك لو تقدر تنزل الوكالة يكون أفضل من وجهه نظري بصراحة الواد الصنايعي اللى هناك طلع فاهم شغله كويس وكمان قاللي معلومة كدة هي أن العداد بتاع الفليشيا صعب جدا أنه يبوظ دي حاجة والحاجة التانية طريقة إختبار الاطراف بتاعت العوامة بتكون مختلفة عن باقي السيارات
والله أعلي وأعلم

أرجو أن اكون قدمت لك بمشاركتي شيئ جديد

ربنا معاك يا ابو حميد بس سؤال هل راجعت على التوصيلات من العوامة لغاية التابلوة؟؟؟؟؟؟؟

طيب انا قلت لك على موضوع التوصيلات بتاعة العوامة يا بو حميد ..... راجع عليها تانى

يابش مهندس ليه تدور وليه تحتار مع اماممكن تقرا موضوعى عن عوامة البنزين فى الشروحات المصوره احكى تانى ماشى علشان خاطرك ححطى تانى....

بس يامعلم خرج عوامة البنزين بره واقفل مكانها باى حاجة علشان مافيش حاج تقع فى التانك:-

وصل وصلات العوامى زى مهو فى الصور اللى فى موضوع شرح العوامه ها هاتروح تشوفه؟؟؟؟؟؟طيب
http://www.nilemotors.net/Nile/315424-a.html
افصل طلومبة البنزين دى لو هى كهرباء:

حط المفتاح فى العربية وهات سنك كونتاك:

اقعد فى الخلف حرك قطعة الفلين السودة الى اعلى وراقب ابرة التلامس اللى بتلامس على ملفات المقاوة وشفوف على فكرة مشكلتك فى ابرة التلامس دى ممكن تكون مش ملمسة على اسلاك المقاومة السلكيه ياله روح جرب وتعالى قولنا النتيجة....*

؟؟؟؟؟؟؟؟؟؟؟؟؟؟؟

سلام عليكم
انا حاجة حصلت معايا زي كده
انا كان عندي عداد الحرارة بيرفع بسرعة جدا الكلام ده بعد ما ظبطت التاكيهات
المهم روحت نضفت الرادتير وهو بينضف بالميه والموتور شغال وتقريبا الميه مش سخنة والعداد عدى التسعين
بمشي ف الزحمة توصل لحد 100
روحت للميكانيكي قالى دي من العداد التكيهات مظبوطة ويعدين غير الغطا بتاع القربة وهات غطا اويل
المهم الشاهد من الموضوع انا مغيرتش الغطا ولا حاجة بس النور عندي سعات بيفصل بلعب في العلبة بتاع الفيوزات اللي تحت التابلوه اللي جمب السواق .فكيت الفيش واحدة واحدة وركبتها .العداد ده ظبط وبقالي اكثر من اسيوع والحرارة مبقتش تعدي 90 في عز الزحمة وفى عز الحر الظهر .(كانت بتوصل ل 100 بليل قبل ما العب ف علبة الفيوز)
سؤال بقى هل علية الفيوز دي مكانها مظبوط لانها بتتعرض ان لو حد راكب جميك يخبطها وكده؟؟

المؤشر مفول علي طول اعرف ان في ما كهربي في السلك الي موصل علي العوامه
او الاسلاك متوصله غلط في العوامه

اقتباس:

---

المشاركة الأصلية كتبت بواسطة eng_gouda2000

وبالمناسبة لما رحت الوكالة كان الشك كله أن العدد بايظ لقيت الراجل قاللي العداد سليم بس توصيل الاطراف غلط

ممكن حضرتك تتأكد من توصيل الاطراف لانه لما وصل الاطراف عندي بشكل مختلف عن ماكانت عليه لقيت المؤشر رفع وطبعا زي ماحضرتك عارف العوامة الصيني بتبقي قرايتها مش مظبوطة فقررت أمشي بيها كدة

وأقترح على حضرتك لو تقدر تنزل الوكالة يكون أفضل من وجهه نظري بصراحة الواد الصنايعي اللى هناك طلع فاهم شغله كويس وكمان قاللي معلومة كدة هي أن العداد بتاع الفليشيا صعب جدا أنه يبوظ دي حاجة والحاجة التانية طريقة إختبار الاطراف بتاعت العوامة بتكون مختلفة عن باقي السيارات
والله أعلي وأعلم

أرجو أن اكون قدمت لك بمشاركتي شيئ جديد

---

الراجل قلى عند الوكاله ده اسمه الليثى
لانة اتوصفلى
ربك المستعان
ممكن توصيفلى فين بالظبط

يا عم احمد راجع بس اهم حاجه على الوصلات بتاعة العوامه للعداد يا غالى

ده اهم نقطه علشان نبعد الشك عنهم هما كمان لانى العدادين تمام كده والبوردتين كده زى الفل وانت لما بتفصل العوامه برده بيفضل رافع يعنى الوصله اكيد ان شاء الله

ربك المستعان يا غالى

اقتباس:

---

المشاركة الأصلية كتبت بواسطة engahmedsayed

الراجل قلى عند الوكاله ده اسمه الليثى
لانة اتوصفلى
ربك المستعان
ممكن توصيفلى فين بالظبط

---

دة بعد ماسبيرو بشوية صغيرين على اليمين

هتلاقي كوبري بعد كاسبيرو على طول بعد الكوبري إركن على اليمين هتلاقي واحد واقف بينظم ركنة السيارات لان دة تبع بتاع العدادات هيخليك تركن فى مكان مناسب ويدخلك فى دورك

أرجو أن أكون أفدت حضرتك

اقتباس:

---

المشاركة الأصلية كتبت بواسطة engahmedsayed

الراجل قلى عند الوكاله ده اسمه الليثى
لانة اتوصفلى
ربك المستعان
ممكن توصيفلى فين بالظبط

---

دة بعد ماسبيرو بشوية صغيرين على اليمين

هتلاقي كوبري بعد ماسبيرو على طول بعد الكوبري إركن على اليمين هتلاقي واحد واقف بينظم ركنة السيارات لان دة تبع بتاع العدادات هيخليك تركن فى مكان مناسب ويدخلك فى دورك

أرجو أن أكون أفدت حضرتك

اقتباس:

---

المشاركة الأصلية كتبت بواسطة eng_gouda2000

دة بعد ماسبيرو بشوية صغيرين على اليمين

هتلاقي كوبري بعد ماسبيرو على طول بعد الكوبري إركن على اليمين هتلاقي واحد واقف بينظم ركنة السيارات لان دة تبع بتاع العدادات هيخليك تركن فى مكان مناسب ويدخلك فى دورك

أرجو أن أكون أفدت حضرتك

---

تسلم ياهندسه
و ان شاء الله هيبقى اروحله
انا راجعت على الفرد و مفيش حاجه ملمسه و ايه ماراجع بالافوميتر
من العوامه للحد فيش التابلوه
ربك المستعان

الموضوع دة منتشر فى الفلشيا العداد كان مرفوع فول تانك بردو وغيرت التابلوة كلو واشتغل بس بيحصل حاجة غريبة ان العداد بقى شغال عادى بس لو مثلا عندك نص التانك تلاقية اعلى شوية وبعدين ينزل لنص التانك وبعدين يعلى
انا سلمت للامر الواقع وسايبة كدة
حضرتك بس اتاكد ان العداد الى جبتو شغال اصلا عشان ممكن يكون فية نفس المشكلة بردو

بسيطة يا باشا إن شاء الله وربنا يحللك المشكلة علي خير.إبقي طمنا

قول عملت ايه فى موضوع العوامة هذا لانى عديت على تجربتين هحكيهم لك :
1- اول ما اشتريت السيارة كان المؤشر لا ينزل الى اسفل نقطع عند انقطاع البنزين راح الراجل فك العوامة وتنى الدراع ثم بعد ذلك بفترة الموبينه اتقطعت فالمؤشر بعد النص لما التنك بينقص بينزل على الصفر رحت مغير العوامة بواحدة ب حوالى 75 جنية

2- تانى مرة حصل معايا نفس الموقف ان المؤشر بيفضل على فوق على طول رحت عاكس اقطاب التوصيل لقيته بقى على النص على طول رحت فاكك العوامة لقيتها سليمة لما رحت للكهربائى قالى لا مش سليمة قلتله ازاى ورانى ان العوامة ذربت ( اه ضربت ) الوصلات الكاوتش بين اقطاب التوصيل ساحت فاشتريت واحده اخرى وركبتها ظبطت


الخلاصة :


المشكلة عندك فى العوامة ويمكن احتمال كبير العوامة الجديدة تلاقيها بايظة او مضروبة اى ملمسة الاقطاب وعشان اااكد اعكس اطراف التوصيل هتلاقى العداد بيستجيب مرة فوق ومرة تحت يبقى كده العيب فى العوامة او التوصيلات

اقتباس:

---

المشاركة الأصلية كتبت بواسطة mohamed abd el shafy

قول عملت ايه فى موضوع العوامة هذا لانى عديت على تجربتين هحكيهم لك :
1- اول ما اشتريت السيارة كان المؤشر لا ينزل الى اسفل نقطع عند انقطاع البنزين راح الراجل فك العوامة وتنى الدراع ثم بعد ذلك بفترة الموبينه اتقطعت فالمؤشر بعد النص لما التنك بينقص بينزل على الصفر رحت مغير العوامة بواحدة ب حوالى 75 جنية

2- تانى مرة حصل معايا نفس الموقف ان المؤشر بيفضل على فوق على طول رحت عاكس اقطاب التوصيل لقيته بقى على النص على طول رحت فاكك العوامة لقيتها سليمة لما رحت للكهربائى قالى لا مش سليمة قلتله ازاى ورانى ان العوامة ذربت ( اه ضربت ) الوصلات الكاوتش بين اقطاب التوصيل ساحت فاشتريت واحده اخرى وركبتها ظبطت


الخلاصة :


المشكلة عندك فى العوامة ويمكن احتمال كبير العوامة الجديدة تلاقيها بايظة او مضروبة اى ملمسة الاقطاب وعشان اااكد اعكس اطراف التوصيل هتلاقى العداد بيستجيب مرة فوق ومرة تحت يبقى كده العيب فى العوامة او التوصيلات

---

هقول لحضرتك اية بعتها
و حاليا معايا سكودا فابيا
و فيها بردك نفس المشكلة عداد بنزين
هههههههههههههههههههه
شوفت بقى

يبقى اكيد المشكلة بتظهر فى العوامة باستخدام بنزين 80 والعداد برئ من هذه المشكلة