عملت حادث اليم بالياريس

**mohamedkandel** · 07-02-2013 12:50 PM

نمت وانا سايق الياريس فدخلت في شجرة بس الحمد لله الذي نجاني من هذا الحادث .... بخصوص السيارة اتبهدلت قوي من قدام والايرباج فتحت طبعا ناويت اوديها لواحد اسمه حسن دبوس في الحرفيين فما رأيكم هل هنا من يعرف عنه شئ؟

**S O P H O S** · 07-02-2013 01:16 PM

قدر الله وما شاء فعل
الحمد الله انك بخير
وان شاء الله يكون حد يعرفه ويقولك رأيه ..

**miceg** · 07-02-2013 01:16 PM

ألف لا بأس
قدر الله وماشاء فعل
ان شاء الله الاخوة هنا يساعدوك

**amr elsisi** · 07-02-2013 01:56 PM

الله يخلف عليك بالخير

**rotanamasoud** · 07-02-2013 02:50 PM

الحمد لله على سلامتك
ليا استفسار هو ممكن الواحد ينام فعلا وهو سايق يعنى نوم نوم

**Y a r i s** · 07-02-2013 06:33 PM

اه ممكن ياباشا
ممكن تنام وانتا مش داري اساساً بنفسك ... هو انتا مش مرات بتكون بتتفرج على فيلم او مسلسل وفجئة تلاقي نفسك صحيت تاني يوم والتلفزيون لسة والع وتكتشف انك نيمت طول الليل على الكنبة وبهدومك وانتا مش دريان ... النوم ملهوش سلطان ... وبالذات لمن تكون شقيان وتعبان ... او مثلاً سايق وانتا مطبق ليلتين ... او حالتك الصحية ( واخد ادوية برد ) ... وكل ما يتقدم بيك العمر كل ما هتقل قدرتك على القيادة اكتر واكتر ... لذلك حاجتين ملهومش كبير السباحة والسواقة ... فاول ما تحس انك هتنعس يبقى تركن على جنب فوراً وتنزل الكرسي وتنام ... بس طبعاً مع الانفلات الامني في الوقت الراهن فهيبقى صعب جداً ...

وربنا يستر طريقنا وطريقكم ... وحمدالله على سلامتك يا باشا والحمدالله ان محصلكش حاجة ... الحديد بيتصلح بس البني ادم صحتوا وسلامتوا بالدنيا كلها ... والحمدالله انك رجعتلنا بالسلامة
وخرجت من العربية سليم ... وقدر الله ومشاء فعل

**mohamedkandel** · 09-02-2013 01:18 AM

تسلموا يارجالة علي كلامكم الجميل ده .... طبعا انا نمت بسبب اني طبقت يومين كاملين شغل وانصح كل واحد انه ميطبقش وياخد فترتة من النوم كل يوم .... المهم انا روحت لحسن دبوس اليوم وسيبت العربية ليه وادعوا ان يعفينا من شر الطريق جميعا