الموضوع: أييييييييييية ضريبة الانوس ب ٨٣٥ جنية لييييه انشاء الله !

ملاحظاتي على العربية !

اول حاجة دايقتني : انهم مسلومنيش الكتلوج ولا دفتر الضمان قالولي رخص وتعاللنا واحنا نسلمهوملك ... عند الوهاب بتاع شوفرلية .... وانا اول مره اسمع عن النظام ده المفروض هما ملهومش علاقة بالترخيص. اشتري عربية يبقى استلم حجتها كاملة المفروض وملهومش علاقة بانهم يختموا دفتر الضمان والكلام دهوو !

ثانياً : العربية لاتختلف كثيراً عن الدايو الانوس الكوري من حيث نظافة التقفيل ... بس وحط تحت بس دي عشرين خط
في صوت شخلله او خشخشة او حاجة بترجرج في المتور كان الشكمان مفكوك او صفيحة تحت المتور بتشخلل !!! وصوت المتور عالي .... والكلام ده زمان في الدايو الي كانت مكنش فيها الصوت ده .... ده بالعكس من المعروف ان الدايو صوتها ناعم خالص ومكنش ليها صوت بس دي سبحان الله انا سامع مزيكة حسبالله .

ثالثاً : الكويتش كان بينزل في الدايو الكوري زمان كويتش كوري ١٠٠٪ بريلي او حاجة زي كده مش فاكر
العربية دي نازل فيها كويتشات اسمها دانلووووب بس لاتمت بالكويتشات الاصلي باي صلة شكلها كده كويتش كليشن كان ... وعاوز انصح صاحبت العربية انها تغيرهم بس خايف لا ترقع بالصوت وتقولي فلووس تاني هههههه (خدمات تااااني لا دي مش خدمات دي خدمت mmu .)

رابعاً : رابع ملاحظة عندي العربية مش شايف لها اريل بس بصراحة جودة الاشارة جيدة
بس استحالة يكونوا حاطين الاريل في القزاز ... لانو بيبقى مكلف جداً

@@@@@@@@@@@@

بصفة عامة :

بصفة عامة ومن واقع خبرتي انا شايف ... ان لو قارنا ( فيرنا ولوجن و لانوس )
من تجربتي الشخصية شايف ان الفيرنا في المرتبة الاولى
وفي المرتبة الثانية الشوفرلية لانوس
وفي الشلتة الاخيرة رينو لوجن

بس بصراحة .... اللوجن بجد انا شايفها سيئة للغاية

@@@@@@@@

الناس كمان الي بتقول عن الانوس او الفيرنا واطية وبتحك في المطبات ... الكلام ده غير صحيح المرة ، بس كمان متجيش انتا معاك لانوس ولا فيرنا وبشوفهم مركبين فيها سبع اشخاص ومقعدينهم فوق بعض وكل واحد واخد زميلوا على حجروا ويقلك يالله اللمه حلوة ههههههه. وتلاقي العربية ياعيني مفيصة على الارض ويقلك اصلها وطاية وبتحك في المطبات ... لازم تبقى عارف انها مصممة لاسرة صغيرة مش ميكروباص ساعتك ههه :) اما عن المطبات الي معمولة شكارتين اسمنت وقلب قلب وافرش على الارض فعلى حسب. بقة. وممكن تاخودها بالجنب لو كنت محمل ، اما هيا عربية عادية جداً ولزيزة بس شايف ان الفيرنا تتفوق عنها ككل والانوس تتفوق في الوسع عن الفيرنا واللوجن انا شايفها عبارة عن صندوق مقفلينوا عربية وانا بقول الكلام ده مش باعتباري عمدة تويوتا. لأ
انا بقول كده باعتبار اني كنت احد مالكيها ... يعني قعدت عندي ست شهور باسمي وتحت رجلي دعكتها وجربتها والوحش هقول عليه وحش والحلو هقول عليه حلو لا مجال للمجاملات ... وده راي شخصي وبيختلف من شخص لشخص

@@@@@@@

المهم : دلوقتي الشخاليل ومزيكة حصبالله الي في متور الانوس دي طبيعي وهو كده ولا في حاجة مش متربطة وفي صيانة ال ١٠٠٠ هتتعالج ؟؟

@@@@@@

وتحياتي