التكالوج بيقول 717 كيلو وانا عامل 220 كيلو ؟
السلام عليكم ورحمة الله وبركاتة
ازيكم يا شباب اخباركم ايه
دلوقتى التكالوج بتاع العربيه بتاعتى بيقول ان التانك بيعمل 717 كيلو
التانك 43 لتر
وكل 100 كيلو 6.9 لتر
يعنى لما قسمت 43 لتر على 6.23 يعنى المفروض يكون عندى يعمل حوالى 623 كيلو على الاقل
انا حطيت بنزين وعملت مشواير اه فى زحمه كتير وكده بس ال 30 لتر ما عملوش غير 200 او 220 كيلو وكان فاضل حوالى 10 او 13 لتر مش متأكد لانى المره الوحيده اللى حطيت فيها كتير كان 40 لتر وما اعرفش التانك كله صح 43 ولا اكتر ولا اقل
MAZDA 121 II DB 1.3 16V 72 HP. Car Technical Data. Power. Torque. Fuel tank capacity. Fuel consumption.
مع العلم ان الكتالوج ده بتاع عربيه 1300 سى سى وانا عربيتى 1100 سى سى يعنى المفروض يبقى كيلوات اكتر مش اقل
يعنى كده العربيه بتأكل بنزين صح ؟
ايه الحلول علشان نتفادى موضوع تأكل البنزين مع العلم انى على طول بظبط هواء العجل
طريقه السواقه احيانآ بحرق واحيانآ بمشى عادى
احيانآ بيكون معايا ناس واحيانآ لا
مغير فلاتر ومنضف الكربراتير عامله مدفع بس ومزيت البوابه التانيه
ايه تانى ممكن يتعمل علشان على الاقل نقلل نسبه استهلاك البنزين بالشكل ده
