خلل بعد طقم الشمبر

**fighter_ss11v** · 07-02-2013 05:10 PM

السلام عليكم يا جماعة

انا لسة مغير طقم الشمبر في الكورولا بتاعتي ولاحظت ان العربية وهي بتليين ان العادم طالع معاه بخار متكثف (الشكمان معرق) وده طبيعي وكويس بس انا لاحظت ان الشكمان وهو بيطلع العادم بطريقة منتظمة بصوته الطبيعي لاحظت انه مرة واحدة بيعمل صوت شاذ (زي بفبفة او نفخة غلط في النص) و بتكون على فترات زمنية غير منتظمة

في الحقيقة انا مش عارف الموضوع ده يتحط هنا ولا لأ بس انا حطيته لان المشكلة دي حصلت بعد ما اشتغلنا في المكنة

انا كنت مع الميكانيكي خطوة بخطوة فاعتقد انيي اقدر اجاوب على اي استفسار عندكم

بالمناسبة الشكمان معادش بيعرق !!

العربية ماشية 70 كيلو بعد الشمبر

ارجو المساعدة لان الراجل بيقول عادي وان لما المروحة بتشتغل المكنة بتتلخبط وحاجات غريبة كده

وشكرا

**adhamhossam** · 08-02-2013 11:36 PM

صوت الـــ( بفبف ) او الـــ( مدفع بسيط ) او (تفتفة كدة )
دي من ضبط الاسبراتير يعني كهربااااااااااااااااا بنسبة 100%
لو عايز تتأكد كمان قك صمولة الأسبراتير و حرك السبراتير مع اتجاة عقارب الساعة بنسبة 1 سم مثلا
و هتلاقي الصوت دة بدأ يروخ او الفترة بين الفرقعة البسيطة بدأ بروح شوية

**Ahmed salamaa** · 12-02-2013 03:44 AM

المشاركة الأصلية كتبت بواسطة fighter_ss11v

اممممممممممممممم
مش فاهم :d

مبدأيا هم قالو ان الاسبراتير الكتروني او حاجة كده - او ده اللي انا فهمته-

انا ممكن ابقى أصوره فيديو وارفعه مثلا لو ده ضروري

يا ريت يبقي افضل وممكن دة يروح مع التليين

**Mohammedgamal** · 12-02-2013 04:00 AM

ekshef 3la seer el katina w et2akked enno mazbooot tamam w mmkn tekon 3rbetak 5alfa a2sema

**adhamhossam** · 12-02-2013 04:45 AM

لو الكتروني .... يبقي انا مقدرش افيد بصراحة ... لان انا بنقل لك تجربتي مع الاسبراتير العادة
عموما في انتظار ردود المتخصصين او كل من مرت معه هذه المشكلة

**spiderman_fathy** · 19-02-2013 04:03 AM

السلام عليكم يا اخي
زي ما الاخر الكريم adhamhossam قالك انك تفك الاسبراتير وتحركه مع عقارب الساعه لغايه ما تحس ان العربيه ظبطت معاك ........ هو الاسبراتير الالكتروني بيكون اسبراتير عادي مع اختلاف التصميم وبيكون عليه مشط الكتروني علشان ينظم الشراره ...... والله واعلم