الموضوع: فيه حد عنده مزرعة دواجن يفيدني

نصيحه لوجه الله بلاش . سعر العلف غالى و كل يوم بيزيد . سعر الكتاكيت بقى غالى . الفراخ البيضاء مناعتها ضعيفه و ممكن دور "جمبوره"يجيلها يخلص عليها ده غير تمن الادويه . يعنى من الاخر المخاطره كبيره . لكن لو عندك المزرعه و كبيره مش اقل من 3 عنابر علشان تستوعب عدد ممكن تدخل فى البياض لكن محتاج يكون معاك كاش و سيوله تغطى بيها مصاريف المزرعه حوالى 6 او 7 شهور على ما تبدأ تبيض و شويه شويه تغطى نفسها . و الدوره بتاخد حوالى سنه و نص . بس مكسبها كويس طبعا . الكلام ده كلو لو عندك خبره غير كده بلاش او تشوف حد واثق انه عنده خبره يشاركك . و الا هتبقى بترمى فلوسك فى البحر

انا ماعنديش مزرعه و ماشتغلتش فيها قبل كده
بس فكرت اعمل المشروع ده علي صغير
وكلمت واحد اعرفه مهندس زراعي شغال في الدواجن
وعرفت تكاليفها و كل حاجه
ونسبه الربح لو الدنيا هتمشي كبيعي كويسه
بس مخاطره كبيره جدااااااااا
لازم يكون معاك رأس مال زياده عامل حسابك عليه لو الدواجن ماتت
و نسبه الفقد فيها طبيعي اساسا
ذي ما الاخ جوبل ما قال الموضوع لازم تكون فاهمه كويس و اشتغلت فيه قبل كده
والا فعلا نسبه كبيره هتلاقي رميت فلوسك

لا انا معنديش خبرة بس عايز ابتدي البزنس دة بس طريقة غير تقليدية طبعا الخسارة واردة فى الاول والمزرعة المفروض دورين كل دور حوالى 200 متر مساحة صافية وموجودة فى محافظة الشرقية

وطبعا ممكن اشارك حد بس هناك كلهم فلاحين وما بيفهموش فى شغل المزارع بس انا باقرا حاجات وباطلع وباكلم متخصصين


وانا سالت وعرفت ان المكسب كويس جدا لو المواضيع مشيت تمام ولو الواحد خاف من كل حاجة مش هايخرج من البيت المهم المخاطرة تبقى محسوبة

المشاركة الأصلية كتبت بواسطة gobeltoffire

نصيحه لوجه الله بلاش . سعر العلف غالى و كل يوم بيزيد . سعر الكتاكيت بقى غالى . الفراخ البيضاء مناعتها ضعيفه و ممكن دور "جمبوره"يجيلها يخلص عليها ده غير تمن الادويه . يعنى من الاخر المخاطره كبيره . لكن لو عندك المزرعه و كبيره مش اقل من 3 عنابر علشان تستوعب عدد ممكن تدخل فى البياض لكن محتاج يكون معاك كاش و سيوله تغطى بيها مصاريف المزرعه حوالى 6 او 7 شهور على ما تبدأ تبيض و شويه شويه تغطى نفسها . و الدوره بتاخد حوالى سنه و نص . بس مكسبها كويس طبعا . الكلام ده كلو لو عندك خبره غير كده بلاش او تشوف حد واثق انه عنده خبره يشاركك . و الا هتبقى بترمى فلوسك فى البحر

ياريت لو حضرتك شغال فى المجال دة تبعتلي تليفونك على الخاص عشان استفيد من خبرتك

انا عاوز اقول حاجة صغيرة
اى مشروع فى الدنيا فية مخاطرة وكل ماعليت المخاطرة بقى المكسب عالى

واللى اعرفة ان مكاسب مشاريع الفراخ غير عادية

بس انتا الاول جرب على صغير متدخلش بصدرك مرة واحدة عشان لازم اول تجربة يكون فيها اخطاء

اللي عنده معلومات يساعدنا وربنا يكرمه