أيهم افضل من وجة نظرك الباور الكهربا ولا الباور الزيت ؟؟
من حيث العمليه وقلة الاعطال والتحكم على الطريق
أيهم افضل من وجة نظرك الباور الكهربا ولا الباور الزيت ؟؟
من حيث العمليه وقلة الاعطال والتحكم على الطريق
زيت اضمن
المستقبل للبور الكهرباء واقل فى الأعطال وكمان بيوفر وزن ومساحة فى حوض العربية بستغنى عن الخراطيم وقربة الزيت والطرمبة
الكهربا افضل بشكل عام ، بس صيانته اغلى ( في الوقت الحالى )
واعتقد قريب جدا الباور الهيدروليكى هيختفى وهيحل محله الكهربا في كل العربيات
بس الفكرة انه يعتبر لسة في الاول وخصوصا في العربيات الشعبية ( الكوري ) فيه مشاكل يعنى مثلا النيو اكسنت اول مانزلت نزلت باور كهربا وحصل مشاكل كتير من ضمنها ان ممكن الباور يفصل فجأة وانت ماشى ويبقى تقيل جدا جدا جدا ويعرضك لحادثة ، فطبعا حاجة زي كدة تخلى الناس تخاف ، بس الباور الكهربا في العربيات النضيفة زي الاوكتافيا والبيجو مثلا ، حاجة في قمة الروعة ، فمع الوقت هيبقى الموضوع ده اساسى في كل العربيات وبجودة معقولة حتى في العربيات الرخيصة ( يعنى الموضوع من وجهة نظري مسألة وقت مش اكتر )
ماحدش عنده تفاصيل نركب الباور سواء زيت او كهرباء بكام وفين فى اسكندريه
وهل مكلف وهل يحتاج متطلبات كتير ؟
بص يا ديشاا عربيتك مازدا 121 وممكن كانت بتنزل بره بكذا موتور غير موتورها وطبعا ممكن المواتير الاعلي من موتورك في السي سي نازل فيها باور وتكييف انت تروح لحد بتاع قطع غيار استيراد استعمال الخارج وتبص عنده علي قطعية امامية من عربيتك(بص علاموتور لو لقيت طرمبة باور وخزنة الزيت راكبين علي نفس موتورك يبقي مية مية تجيب زيهم او يحلهملك من علي القطعية) او لو هو امين وعنده ضمير تسأله علي الباور اللي يركب علي موتورك من غير تعديل وتجيبه بالطرمبة بخزنة الزيت والخراطيم ومش هيعدي ال1000 جنيه وهو المفروض اقل شويه عن كده والله اعلم
خارج الموضوع , بتحط شوية صور في التوقيع ! :)
الزيت مشاكله اقل ... والله اعلم
الكهرباء أفضل طبعا
بس عايز أعرف حاجة ... نظام التحكم فى تقل الدركسيون مع السرعات موجود فى الباور الهيدروليك ولا لأ ؟؟ ولا بتختلف من عربيبة لعربية ؟
هو مش تحكم بمعنى تحكم زي الكهربا بس اعتقد في عربيات كتير الطرمبة بتفصل خالص بعد سرعة معينة ( الطرمبة ليها دبرياج كهربا زي كومبريسور التكييف مثلا ) وممكن الدبرياج ده يكون بيفصل بدرجات ، زي برضه انا اتفاجئت ان تغيير سرعة مروحة التكييف بيأثر على درجة حمل الكومبريسور في كورولا 2001 ، لأن عندى صوت للبلية ، ولقيته بيزيد ويقل لما بغير سرعة المروحة ، مش مسألة انه بيفصل كل شوية ، لا التحميل نفسه بيكون بدرجات !
الله اعلم ، هى حسب العربية اولا واخيرا
الكهرباء امتع واريح وبكن يبقى الزيت تكاليف صيانته اسهل بكتير وخصوصا في العربيات الاوتو اللي بيبقى زيت الفتيس فيها نفس زيت الباور وهتبقى مواعيد صيانتهم واحد....
تحياتي
Sent from my SE Arc S using Forum Runner
موضوع مفيد ..............
هو ينفع اركب باور كهرباء فى 504 ؟؟؟
انا بفكر اركبه رغم ان الدركسيون خفيف اصلا بس اهه بفكر فيه كنوع من الترويش
هو يتكلف فى حدود كام فلوس ؟؟
الـSpeed-sensitive Power-Steering بينزل فـ عربيات باور هيدروليك من زمان (بس فـ الحاجات العالية زى الـMerc والأمريكانى بمواتير V6/V8)
هو طبعا محمل بسير و electro-magnetic clutch وبيفصل فـ السرعات العالية..
بس قبل المرحلة دى.. التدريج فـ كمية الـpower-assist بتبقى من ضغط طلمبة الباور hydraulic-pressure حسب السرعة،
مش من السير والشداد/البلية!!
- فـ تعديل العربيات الأمريكانى الـmuscle فيه نوع مشهور أوى اسمه MagnaSteer ده Speed-sensitive
فـ الأوروبى الـElectro-hydaulic (الـhybrid) كانوا بيستخدموا حاجة إسمها Servotronic (مش عارف ده Bosch ولا ZF بس هو ألمانى)؟!!
حساسات سرعة بتدى إشارة للـelectric-assitance تقل تدريجيا، ثم كمان الـhydraulic-assist وفـ الآخر تفصل عـ السرعات؟!! :tumb:
- الكهرباء الـEPS طبعا الموضوع أسهل بكتييييييييييير لأن التحكم بـcurrent صرف!
Rgds،
بالنسبة للتوبيك..
- أفضل الكهرباء فـ الباركينج والمناورة فـ السرعات الصغيرة...
- وأفضل الهيدروليك فـ الـprecision والـdirect-steering عـ السرعات العالية!
طبعا كان صعب أوى الـcompromise مابين الـ2 (على صناع السيارات نفسهم)..
لكن دلوقتى.. أعتقد الموضوع إتغير تماما:
فيه عربيات باور كهرباء: you couldn't figure-out دى كهرباء ولا هيدروليك؟!!
مفيش الـArtificial-feel بتاع الباور الكهرباء فـ أوله (مش خفيف لدرجة تخنق)
+ الدقة والتحكم والـDirect-Steering والإحساس بتاع الهيدروليك.. (بيبقى proper-weighed عـ السرعات) عشان الهاندلينج!
الكورى e respect هو اللى لسه ماوصلش للـOptimum-setup فـ الحته دى..
- الكهرباء: خفيف ومفيهوش Feel وممكن يتأخر على مايفصل فـ السرعات العالية
- الهيدروليك: ثقيل بغلاسة وبردو مش الـdirect-steering فـ الدقة بتاعته -اللى يخليك تستغنى عن الـelectric-assist عشانه؟!!
تمام شكرا يا فورميلاتور
بالنسبة للباور الهيدروليك اللى بينزل فى العربيات اليومين دول بغض النظر عن المرسيدس والحاجات العالية خلينا فى العربيات متوسطة السعر أعتقد إنه على السرعات العالية مش هيبقى حلو لأنه هيبقى خفيف زيادة عن اللزوم
وفى الركن وفى حالة الوقوف هيبقى متوسط برضه
غير كدا بياخد زيت وأكيد الزيت دا بيتيغير ووكمان بيحمل على المحرك مباشرة
أما الباور الكهرباء عندى فى عربيتى خفيف وأنا واقف بس أنا مبحبش الدركسيون يبقى خفيف بالشكل دا بحب أحسن وعلى السرعات القليلة بيبقى خفيف
بيبتدى يتقل كل ما أزود سرعة على 100 بيبقى كأن مفش باور فى العربية
المفروض إنه يبقى أحسن من الباور الهيدروليك فى كل الحالات غير إنه مش بيحمل على الموتور مباشرة أيوة هو بيسحب كهرباء والدينامو بيعوض شحن لكن الباور الهيدروليك الحمل على المحرك مباشرة
بالنسبة للأعطال الباور الكهرباء أعطاله قليلة على فكرة لكن فيه عربيات بعينها ظهر فيها عيوب فى الباور الكهربائى
وحكاية الصيانة دى هتبقى سهلة بس لو معاك كتالوج إصلاحات للعربية مش هتغلب فى حاجة
دلوقتى باور 504 بيعمل 2000 جنيه بالتركيب بكل شئ
انا مركبه عندى من سنه وبيفرق جدا معايا فى الركن وعلى السرعات البطيئه
الكهرباء احسن واضبط على طريق
البور الكهرباء افضل لكن مشاكلة اكثر مع الوقت
لو المشكله مع الكهرباء كان دلوقتى كل العربيات باور زى ايام زمان انا جربت زيت والكهربا كتير فبخبرتى معاهم اعرفهم وياعالم يمكن يطلع حاجه تانيه غيرهم
الباور الكهرباء لما بيحصل فيه عطل لازم القطمه كلها بتتغير , عن تجربه .
فى زميل لينا فى المنتدى حصله حادث قوى بسبب الباور الكهربائى فى عربيه كيا سيراتو الباور هيس واخد اوامر غلط والعربيه اتقلبت والحمد لله هو عايش بس العربيه اتبهدلت ؟ الباور الزيت او الهيدروليك افضل من الكهرباء ولو مفيش خالص يكون افضل ؟هيا الناس تموت علشان عيب تصنيع ؟