ايه رأيكوا فى الكاوتش ده للسيراتو 17"؟

السلام عليكم
مساء الورد يارجالة :)
أنا جبت طقم كاوتش جديد للسيراتو نفس المقاس 215/45/17
كان موجود كومهو كورى زى اللى كان راكب السرعة كانت H دى الفردة بـ 575 جنيه
ونيكسن كورى برضه والسرعة W ودى بـ 625 جنيه

انا جبت النيكسن ونقشته مختلفة وعشان شكله ابن ناس كده :grinder:
انا صورت البتاعة :)

http://img90.imageshack.us/img90/850...0118medium.jpg

ودى النقشة بتاعته (الصورة من النت)

http://www.tyrereviews.co.uk/images/...EXEN_N3000.jpg

هو إنتاج 5211 يعنى الاسبوع ال 52 من سنة 2011
مش عارف بصراحة يبقى شهر كام 52 ده :fdsa:
هو انا كنت مقلق شوية عشان إنتاجه سنة 2011 بس اللى خلانى أجيبه انه فى أخر السنة

إيه رأيكوا فى الكاوتش؟

والصورة دى نفعتنى على فكرة وطبعا من موضوع هنا فى المنتدى :)

http://www.nilemotors.com/wp-content...%AA%D8%B41.jpg


محدش بقه ياخد ال4 فرد القدام ويجيبلى فلاشة 16 جيجا ولا حاجة :shine[1]:

مبروك ياباشا وربنا يديك خيره ويبعد عنك شره
الاسبوع ال 52 يعنى اخر يومين فى السنه
وده غباء من الشركه الصراحه او ليهم حسابات تانيه
كانو يصبرو يومين بس ويبقى سنه جديده انت بتتكلم ف 52 اسبوع فى 7 ايام ب 364 يوم يعنى يصبرو يوم واحد وكان دخل ف2012
على اى حال مبروك وقولنا انطباعك ايه عنه من ناحية النعومه والفرامل والسحب والثبات - واضح انه ليه اتجاه فى التركيب ولما هيتغير هيبقى قدام مع وراه مش مقص

باشا مع احترامي انتا لبست لبست النين بنقشة الشجرة ديه :)

انا كنت جايب منها مكسس و كانت زحاليق مولد النبي :) ولا فرامل ولا سحب كل شوية تزحف :) وصتها عالي قوي :) و في الميه بتزحلق

:) يلا الحمدلله :) الف مبروك و ربنا يابركلك فيهم و يكفيك شرهم و يستر طريقك

اقتباس:

---

المشاركة الأصلية كتبت بواسطة deshahcoka

باشا مع احترامي انتا لبست لبست النين بنقشة الشجرة ديه :)

انا كنت جايب منها مكسس و كانت زحاليق مولد النبي :) ولا فرامل ولا سحب كل شوية تزحف :) وصتها عالي قوي :) و في الميه بتزحلق

:) يلا الحمدلله :) الف مبروك و ربنا يابركلك فيهم و يكفيك شرهم و يستر طريقك

---

مش ممكن تكون حضرتك ركبتها عكس اتجاهها ؟؟

اقتباس:

---

المشاركة الأصلية كتبت بواسطة mhf_77

مش ممكن تكون حضرتك ركبتها عكس اتجاهها ؟؟

---

لا يا باشا كانوا اتجاه صح :)

مبرررروك يا باشا بس ليه مسألتش علشان نقولك نوع احسن من النكسن !!! خصوصا انك جبت نقشه مش لطيفه خالص و عاوزة حرص فى الفرامل و المشى علشان بتزحلق و بتزحف فى الفرامل جامد !!!
خلى بالك و انت ماشى و بلاش جرى جامد و فرمله مفاجأه علشان تبقى فى الامان

اقتباس:

---

المشاركة الأصلية كتبت بواسطة mohab555

مبرررروك يا باشا بس ليه مسألتش علشان نقولك نوع احسن من النكسن !!! خصوصا انك جبت نقشه مش لطيفه خالص و عاوزة حرص فى الفرامل و المشى علشان بتزحلق و بتزحف فى الفرامل جامد !!!
خلى بالك و انت ماشى و بلاش جرى جامد و فرمله مفاجأه علشان تبقى فى الامان

---

مع احترامي يا باشا اولا النقشه دي موجوده في كل الكوتش اللي سرعته عاليه والراجل بيقول انه جايبه w مش h
ثانيا انا عندي نفس النقشه بس كوتش دانلوب ياباني ونفس مقاسه بالضبط جنط 17 بس سرعه والكوتش زي الفل فرامل وشد وكل حاجه حتي لو في مطر لا بيزحلق ولا حاجه والكوتش ممتاز
انا بجري 210 بيه عادي وبفرمل عادي وانقشه مش مأثره في حاجه خالص
انا بس ليا تعليق علي النوع انه نيكسون مش قد كده لكن هيمشي معاه وميقلقش منه

اقتباس:

---

المشاركة الأصلية كتبت بواسطة hi_nmr

مع احترامي يا باشا اولا النقشه دي موجوده في كل الكوتش اللي سرعته عاليه والراجل بيقول انه جايبه w مش h
ثانيا انا عندي نفس النقشه بس كوتش دانلوب ياباني ونفس مقاسه بالضبط جنط 17 بس سرعه والكوتش زي الفل فرامل وشد وكل حاجه حتي لو في مطر لا بيزحلق ولا حاجه والكوتش ممتاز
انا بجري 210 بيه عادي وبفرمل عادي وانقشه مش مأثره في حاجه خالص
انا بس ليا تعليق علي النوع انه نيكسون مش قد كده لكن هيمشي معاه وميقلقش منه

---

باشا مع كامل احترامي :) النقشة الشجرة مش بتاعت بلادنا ديه :) ديه عشان طرق حرير ....

و فعلا مش بتمسك فرام وزحاليق مولد النابي :) الا لما تكون شجرة و خطوط زي البرجستون و الفيرستون بتلاقي من النص شجرة و الاطراف خطوط .. لكن ديه مش مناسبة خالص

و عن تجربة يعني مش بنفتي ..

اقتباس:

---

المشاركة الأصلية كتبت بواسطة mhf_77

مبروك ياباشا وربنا يديك خيره ويبعد عنك شره
الاسبوع ال 52 يعنى اخر يومين فى السنه
وده غباء من الشركه الصراحه او ليهم حسابات تانيه
كانو يصبرو يومين بس ويبقى سنه جديده انت بتتكلم ف 52 اسبوع فى 7 ايام ب 364 يوم يعنى يصبرو يوم واحد وكان دخل ف2012
على اى حال مبروك وقولنا انطباعك ايه عنه من ناحية النعومه والفرامل والسحب والثبات - واضح انه ليه اتجاه فى التركيب ولما هيتغير هيبقى قدام مع وراه مش مقص

---

الله يبارك فيك ياباشا

انطباعى لحد دلوقتى

الفرامل اتحسنت بشكل ملحوظ والسحب عادى مش حاسس بتغير
وكويس فى المطبات وحاسس انه احسن من الكومهو وأنعم
مش حاسس بدوشة صوته عادى
لسه مجربتش الثبات عشان مسافرتش لسه
وطبعا لسه هيبان الأداء أكتر وممكن يكون فى تغير

اقتباس:

---

المشاركة الأصلية كتبت بواسطة Deshahcoka

باشا مع احترامي انتا لبست لبست النين بنقشة الشجرة ديه :)

انا كنت جايب منها مكسس و كانت زحاليق مولد النبي :) ولا فرامل ولا سحب كل شوية تزحف :) وصتها عالي قوي :) و في الميه بتزحلق

:) يلا الحمدلله :) الف مبروك و ربنا يابركلك فيهم و يكفيك شرهم و يستر طريقك

---

ياباشا بيس من غير احترامات :)))

كلنا بنلبس وهنلبس وياما هنلبس :ma: واهو يموت المعلم ولا يتعلم

بس على الواقع واللى انا شايفه لحد دلوقتى مفيش حاجة من اللى انت بتقولها دى حصلت والحمدلله :)

وبعدين حتزحلق ازاى والفرامل ABS وكمان موجود EBD :F_eyeb1[1]:

انت عربيتك فيها ABS ?

والله يبارك فيك ياباشا والحمدلله على كل شيىء وأوعدك لو حسيت بتغير هقول :)

اقتباس:

---

المشاركة الأصلية كتبت بواسطة Mohab555

مبرررروك يا باشا بس ليه مسألتش علشان نقولك نوع احسن من النكسن !!! خصوصا انك جبت نقشه مش لطيفه خالص و عاوزة حرص فى الفرامل و المشى علشان بتزحلق و بتزحف فى الفرامل جامد !!!
خلى بالك و انت ماشى و بلاش جرى جامد و فرمله مفاجأه علشان تبقى فى الامان

---

الله يبارك فيك ياباشا

انا جبته عشان كان عندى سفرية يوم الجمعة ومكنش ينفع اسافر بالكاوتش القديم عشان كان بايظ وكان بينتش الدريكسيون

وسبحان الله يا أخى السفرية إتلغت :)))

وعموما أنا مش بجرى كتير وشكرا ياباشا على نصايحك :)

اقتباس:

---

المشاركة الأصلية كتبت بواسطة hi_nmr

مع احترامي يا باشا اولا النقشه دي موجوده في كل الكوتش اللي سرعته عاليه والراجل بيقول انه جايبه w مش h
ثانيا انا عندي نفس النقشه بس كوتش دانلوب ياباني ونفس مقاسه بالضبط جنط 17 بس سرعه والكوتش زي الفل فرامل وشد وكل حاجه حتي لو في مطر لا بيزحلق ولا حاجه والكوتش ممتاز
انا بجري 210 بيه عادي وبفرمل عادي وانقشه مش مأثره في حاجه خالص
انا بس ليا تعليق علي النوع انه نيكسون مش قد كده لكن هيمشي معاه وميقلقش منه

---

ربنا يباركلك ياباشا وشكرا على نقل تجربتك

هو عموما النيكسن أفضل من الكومهو وده رأى ناس كتير

وكمان بقى بينزل فى السيراتو الشكل الجديد الهاى لاين والعهدة على أبو ليلى :)

ـــــــــــــــــــــــــ ـــــــــــــــــــــــــ ــــــــــــــــــ

هو فين كيا تيم؟ :)

أحب أخد رأيهم :satelite:

ولا عشان لبست فى الحيط على رأى Deshahcoka محدش عايز يزود أكتر ههههههههههههههه

عادى ياجماعة الكل يقول رأيه حتى لو كان الكاوتش مش كويس عادى يعنى :36_7_4[1]:

ههههههههههههههههههههههههه هه

والله انتا راجل كلك ذوق :)

عموما يمكن فعلا العيب في نوع الكاوتش عشان كان ماكسس مش نكسن :)

ربنا يباركلك و يكفيك الشر و يرزقك خيرهم و تدوبهم في عرق العافية :)

الف مبروك يا سيدي بغض النظر انك لبست ولا لا ههههههههه
بس خد بالك وسوق بامان ومتجيش تعمل حاجه غلط وتحطها في الكوتش ههههههههه
الكوتش مش سئ اوي كده وعموما الف مبروك مرة تانيه وتدوبه في عرق العافيه :)

النيكسن ماركه محترمه وفى الخليج شغاله تمام بس للاسف نقش الشجره بتلم زلط كتير بخلاف اى نقشه تانيه

هو بس مش كل النقشات الـSymmetric (الشجرة) زى بعضها يارجالة؟!!

يعنى مانفعش نقول عـ البريدجستون Sport-Tourer أو الـToyo proxes فرد وحشة!
فيه الـVerdestein والـFalken والـFederal... الماركات دى -رغم انها مش مشهورة- بس النقشة الـsymmetric هى الـflagship بتاعتها فـ السبورت tyre!!

- الصراحة الـNexen هو اللى كاوتش سىء والكومهو كذلك.. بس فيه حاجة

الـN3000 اللى صاحب الموضوع إختارها -تقريبا أعلى درجة فـ الـSummer-Tyres أو السبورت..

ريفيوهاتها متوسطة يعنى -مش بتاع سواقة Spirited وفرامل و Traction عالى وكده،
بيقولوا العمر الإفتراضى بتعيش - إلا مع البلالين طبعا!

وعيبها الأساسى فـ الـWet-braking/performance يعنى تخلى بالك فـ المطرة والمية؟!!

غير كده عادية، مش بالسوء ده يعنى!

- شخصيا: بفضل الفرد الـAsymmetric زى البريدج GR-90 والكونتى Sport كونتاكت وطبعا البيريللى بأنواعه.
لأنها بتشتغل wet و dry، تماسك عالى.. وفرامل وملفات زى مانت عايز!

تعليق أخير عـ الـSpeed-rating بتاع النيكسين وكده:
بيقولك السرعة W، يعنى 270 كم/س؟؟!!! عارف ان مفيش حد هيمشى فوق الـ210 (اللى هو H مش V حتى)..
بس فيه تجارب لأصحاب بقى:
- الكاوتش ده لو إتمشى عليه فوق الـ200+ كام دقيقة هيحصله breakdown (ده لو كمل بأمان أصلا)؟!! lol

فـ محدش ياخد بالـspeed-rating بتاع الماركات دى!! ومايغركش الـW ولا Y حتى؟
- ولا بالـtreadwear كمان (اللى هو فـ حالة النيكسين N3000 ده 340)؟!! طبعا رقم ألش!

Rgds،

اقتباس:

---

المشاركة الأصلية كتبت بواسطة Deshahcoka

ههههههههههههههههههههههههه هه

والله انتا راجل كلك ذوق :)

عموما يمكن فعلا العيب في نوع الكاوتش عشان كان ماكسس مش نكسن :)

ربنا يباركلك و يكفيك الشر و يرزقك خيرهم و تدوبهم في عرق العافية :)

---

ياباشا الله يكرمك شكرا لحضرتك :)

اقتباس:

---

المشاركة الأصلية كتبت بواسطة hi_nmr

الف مبروك يا سيدي بغض النظر انك لبست ولا لا ههههههههه
بس خد بالك وسوق بامان ومتجيش تعمل حاجه غلط وتحطها في الكوتش ههههههههه
الكوتش مش سئ اوي كده وعموما الف مبروك مرة تانيه وتدوبه في عرق العافيه :)

---

الله يبارك فيك :))))

اقتباس:

---

المشاركة الأصلية كتبت بواسطة hossam_elwani

النيكسن ماركه محترمه وفى الخليج شغاله تمام بس للاسف نقش الشجره بتلم زلط كتير بخلاف اى نقشه تانيه

---

ربنا يطمنك ياباشا وفعلا اللى لاحظته انها بتلم زلط :H_angry[1]:

اقتباس:

---

المشاركة الأصلية كتبت بواسطة Formulator

هو بس مش كل النقشات الـSymmetric (الشجرة) زى بعضها يارجالة؟!!

يعنى مانفعش نقول عـ البريدجستون Sport-Tourer أو الـToyo proxes فرد وحشة!
فيه الـVerdestein والـFalken والـFederal... الماركات دى -رغم انها مش مشهورة- بس النقشة الـsymmetric هى الـflagship بتاعتها فـ السبورت tyre!!

- الصراحة الـNexen هو اللى كاوتش سىء والكومهو كذلك.. بس فيه حاجة

الـN3000 اللى صاحب الموضوع إختارها -تقريبا أعلى درجة فـ الـSummer-Tyres أو السبورت..

ريفيوهاتها متوسطة يعنى -مش بتاع سواقة Spirited وفرامل و Traction عالى وكده،
بيقولوا العمر الإفتراضى بتعيش - إلا مع البلالين طبعا!

وعيبها الأساسى فـ الـWet-braking/performance يعنى تخلى بالك فـ المطرة والمية؟!!

غير كده عادية، مش بالسوء ده يعنى!

- شخصيا: بفضل الفرد الـAsymmetric زى البريدج GR-90 والكونتى Sport كونتاكت وطبعا البيريللى بأنواعه.
لأنها بتشتغل wet و dry، تماسك عالى.. وفرامل وملفات زى مانت عايز!

تعليق أخير عـ الـSpeed-rating بتاع النيكسين وكده:
بيقولك السرعة W، يعنى 270 كم/س؟؟!!! عارف ان مفيش حد هيمشى فوق الـ210 (اللى هو H مش V حتى)..
بس فيه تجارب لأصحاب بقى:
- الكاوتش ده لو إتمشى عليه فوق الـ200+ كام دقيقة هيحصله breakdown (ده لو كمل بأمان أصلا)؟!! lol

فـ محدش ياخد بالـspeed-rating بتاع الماركات دى!! ومايغركش الـW ولا Y حتى؟
- ولا بالـtreadwear كمان (اللى هو فـ حالة النيكسين N3000 ده 340)؟!! طبعا رقم ألش!

Rgds،

---

صحيح ياولاد العلم نور برضه :)))

الف شكر ليك ياباشا على مشاركتك المفيدة دى :)

بس كام استفسار كده بعد اذن معاليك

- على كده بقه سرعة W فى النوع ده أرحم من ال H طالما غير موثوق فى الكلام ده
يعنى النيكسن دى احسن من الكومهو سرعة H ولو حتى حاجة بسيطة؟

- الـ treadwear يعنى ايه؟ و 340 بتعنى ايه؟

وشكرا ليك ياباشا

treadwear
يعنى سرعة تأكل المداس
الجزء الملتصق بالارض ده يا محمد اسمه مداس
التأكل بتاعه بيحدد عمر الاطار
كل ما يكون التأكل قليل يعنى الاطار يعيش معاك اطول
nexxen بصفة عامة من الاطارات الاقتصادية
يعنى بتقدم سعر منخفض مقابل جودة منخفضة
فاتعامل بهدوء وحسن قيادة وعدم تهور

http://www.tyrereviews.co.uk/Tyre/Nexen/

اقتباس:

---

المشاركة الأصلية كتبت بواسطة a.saad

treadwear
يعنى سرعة تأكل المداس
الجزء الملتصق بالارض ده يا محمد اسمه مداس
التأكل بتاعه بيحدد عمر الاطار
كل ما يكون التأكل قليل يعنى الاطار يعيش معاك اطول
nexxen بصفة عامة من الاطارات الاقتصادية
يعنى بتقدم سعر منخفض مقابل جودة منخفضة
فاتعامل بهدوء وحسن قيادة وعدم تهور

http://www.tyrereviews.co.uk/tyre/nexen/

---

أزيك يا أستاذ أحمد يارب تكون بخير :)

تمام كده.. طب والرقم 340 ده مقصود بيه ايه؟ يعنى نسبة ولا من مجموع معين؟

وأنا معاك جداا انها بتقدم جودة معقولة بسعر الى حد ما مناسب

مهو عشان أجيب طقم محترم مش هيقل عن 5000 جنيه :d

وانا عموما مش بجرى كتير وربنا يخليك لينا ياباشا

الف مبروك يباشا
انا عندى اخت الفردة دى 205/45/16
انا مشوفتش منها غير عيب واحد ان صوتها عالى سنة
غير كدة فرامل و ثبات و الجو دة كلة زى الفل
دى تجربة شخصية
مع العلم انى بسافر كل اسبوع المنوفية من القاهرة جمعه و سبت
ماشى بيها لغاية دلؤتى تقريبا 25 الف

اقتباس:

---

المشاركة الأصلية كتبت بواسطة M7amD_7amDy

أزيك يا أستاذ أحمد يارب تكون بخير :)

تمام كده.. طب والرقم 340 ده مقصود بيه ايه؟ يعنى نسبة ولا من مجموع معين؟

وأنا معاك جداا انها بتقدم جودة معقولة بسعر الى حد ما مناسب

مهو عشان أجيب طقم محترم مش هيقل عن 5000 جنيه :d

وانا عموما مش بجرى كتير وربنا يخليك لينا ياباشا

---

ربنا يخليك يا محمد
treadwear او نقول مؤشر التأكل بيكون مقياس لتأكل المداس زى ماقلت
الشركات بتقيس على مقاس 100
يعنى لو اطار له مقاس 200 يبقى المفروض يعيش ضعف اللى له مقاس 100
بس ده مفروض مش شرط يكون حقيقيى
ليه ؟
لان كل شركة بتعمل الاختبار فى ظروف مثالية مش واقعية
الواقعية بتتأثر مثلاً بحاجات زى الاسفلت
مقاس الهوا فى الاطار مظبوط ولا لا
وغيره
وكمان مفيش اختبار موحد بين الشركات يعتبر معيار للكل على حد علمى

انت جبت الفردة بكام يا محمد صحيح ؟؟؟؟

اقتباس:

---

المشاركة الأصلية كتبت بواسطة hossam_elwani

النيكسن ماركه محترمه وفى الخليج شغاله تمام بس للاسف نقش الشجره بتلم زلط كتير بخلاف اى نقشه تانيه

---

ياباشا انا في السعودية بقالي 3 سنوات واحب اقولك ان النيكسن موجود اه في الخليج لكن مش شغال تمام زي ما انت فاكر بالعكس خالص الناس بتفضل معدل الامان عن السعر ومش معني كده انك لو ركبته هتعمل حادثه لا قدر الله , دي حاجه نسبية
هو ممكن عشان سعره القليل نسبيا فبعض الناس بتشتريه لكن المعظم بيشتري هانكوك ودانلوب ويوكوهاما وكمان بيشتروا برجستون بس قليل شويه عشان سعره غالي اوي

اقتباس:

---

المشاركة الأصلية كتبت بواسطة motaz.habib

الف مبروك يباشا
انا عندى اخت الفردة دى 205/45/16
انا مشوفتش منها غير عيب واحد ان صوتها عالى سنة
غير كدة فرامل و ثبات و الجو دة كلة زى الفل
دى تجربة شخصية
مع العلم انى بسافر كل اسبوع المنوفية من القاهرة جمعه و سبت
ماشى بيها لغاية دلؤتى تقريبا 25 الف

---

الله يبارك فيك ياكبير

ربنا يطمنك ياباشا :)))

اقتباس:

---

المشاركة الأصلية كتبت بواسطة a.saad

ربنا يخليك يا محمد
treadwear او نقول مؤشر التأكل بيكون مقياس لتأكل المداس زى ماقلت
الشركات بتقيس على مقاس 100
يعنى لو اطار له مقاس 200 يبقى المفروض يعيش ضعف اللى له مقاس 100
بس ده مفروض مش شرط يكون حقيقيى
ليه ؟
لان كل شركة بتعمل الاختبار فى ظروف مثالية مش واقعية
الواقعية بتتأثر مثلاً بحاجات زى الاسفلت
مقاس الهوا فى الاطار مظبوط ولا لا
وغيره
وكمان مفيش اختبار موحد بين الشركات يعتبر معيار للكل على حد علمى

انت جبت الفردة بكام يا محمد صحيح ؟؟؟؟

---

تمام كده :)

الفردة بـ 625 جنيه :36_7_4[1]:

انا بشوف سيراتو كوبيه كتير مركبين النقشه دى اللى زى الشجره بس مش عارف اه اخبارها .

انا مركبها والله وزي الفل معايا

اقتباس:

---

المشاركة الأصلية كتبت بواسطة formulator

هو بس مش كل النقشات الـsymmetric (الشجرة) زى بعضها يارجالة؟!!

يعنى مانفعش نقول عـ البريدجستون sport-tourer أو الـtoyo proxes فرد وحشة!
فيه الـverdestein والـfalken والـfederal... الماركات دى -رغم انها مش مشهورة- بس النقشة الـsymmetric هى الـflagship بتاعتها فـ السبورت tyre!!

- الصراحة الـnexen هو اللى كاوتش سىء والكومهو كذلك.. بس فيه حاجة

الـn3000 اللى صاحب الموضوع إختارها -تقريبا أعلى درجة فـ الـsummer-tyres أو السبورت..

ريفيوهاتها متوسطة يعنى -مش بتاع سواقة spirited وفرامل و traction عالى وكده،
بيقولوا العمر الإفتراضى بتعيش - إلا مع البلالين طبعا!

وعيبها الأساسى فـ الـwet-braking/performance يعنى تخلى بالك فـ المطرة والمية؟!!

غير كده عادية، مش بالسوء ده يعنى!

- شخصيا: بفضل الفرد الـasymmetric زى البريدج gr-90 والكونتى sport كونتاكت وطبعا البيريللى بأنواعه.
لأنها بتشتغل wet و dry، تماسك عالى.. وفرامل وملفات زى مانت عايز!

تعليق أخير عـ الـspeed-rating بتاع النيكسين وكده:
بيقولك السرعة w، يعنى 270 كم/س؟؟!!! عارف ان مفيش حد هيمشى فوق الـ210 (اللى هو h مش v حتى)..
بس فيه تجارب لأصحاب بقى:
- الكاوتش ده لو إتمشى عليه فوق الـ200+ كام دقيقة هيحصله breakdown (ده لو كمل بأمان أصلا)؟!! Lol

فـ محدش ياخد بالـspeed-rating بتاع الماركات دى!! ومايغركش الـw ولا y حتى؟
- ولا بالـtreadwear كمان (اللى هو فـ حالة النيكسين n3000 ده 340)؟!! طبعا رقم ألش!

rgds،

---

خبير طول عمرك وموسوعه

طيب فى رأيك ايه افضل كاوتش سيلنت (بدون صوت ) وده بيجى على حساب ايه تانى فنيا ؟؟ والــ

treadwear بيبقى مكتوب فين ؟؟

اقتباس:

---

المشاركة الأصلية كتبت بواسطة hossam_elwani

خبير طول عمرك وموسوعه
طيب فى رأيك ايه افضل كاوتش سيلنت (بدون صوت ) وده بيجى على حساب ايه تانى فنيا ؟؟ والــ
treadwear بيبقى مكتوب فين ؟؟

---

العفو ياكبير :)

أفضل كاوتش فـ حكاية الصوت دى: الميشلان الـprimacy والـenergy
مش ممكن الهدوء والنعومة دى؟؟!!!

تلاحظها أوى لما تكون مركب فـ عربيتك حاجة سبورت/ناشفة وصوتها عالى (زى الكونتينينتال Sport أو البريجستون Adrenaline بوتنزا)..
وتركب كاوتش extremely Silent زى الميشلان ده: تحس انك كنت مركب جنزير دبابة قبل كده! lol

- التورانزا الـGR-90 فردة محترمة أوى فـ حكاية الصوت دى بردو..

طبعا عشان يعمل نقشة super-silent كده: لازم ييجى علس حساب الـTraction؟!!
لأن الأخاديد بتبقى أضيق والـblocks بتبقى أصغر ومتقاربة.. وخطوط كتير متقاطعة لكتم الصوت وتقليل تردد الـnoise بتاع الـribs الطويلة الـstraight

عشان كده هتلاقى الكاوتش الـcomfort أو الـtourer أقل فـ الهاندلينج والملفات والفرامل من الفردة السبورت!

- الـtreadwear بيبقى فـ الجنب عادى مع بيانات الـTemperature/ Traction-rating
وبيكتبوه بـfont صغير، وممكن تلاقى رمز UTQG جنبه

الأرقام بيتراوح من 220 لـ280 فـ معظم الأنواع العالية اللى شوفتها.. الكونتى والبيريللى والبريدج..
عشان كده بقول ان nexen بيألش؟!! :)
- بس بصرف النظر: هو مقياس التآكل بيبقى in-house عموما، يعنى مالوش standards زى السرعة والتماسك والحرارة.. يعنى كل شركة بتقول اللى هى عايزاه؟!!

وقد يكون كلامهم صحيح: مابيتآكلش ok.. بس ماهو على حساب التماسك والفرامل مثلا؟؟!!!
كعادة الأنواع الكورى والصينى؟!! هههههههههههههه

طبعا كل شئ نصيب و خلي بالك جدا من النقشة دي

كانت احد اسباب حادث مروع بالنسبالي .. بتزحف و مفيش فرامل .. كانت عربية اوبترا بنفس النقشة المشئومه دي

ومن بعد سنة ونص تقريبا ومشى بتاع 15 ألف كيلو :)

غيرت فردتين

الأولانية كانت ملحومة نتيجة مسمار طويل وقطع الجنب شوية
والتانية برده نتيجة حديدة او شيىء حاد قطع الفردة من الجنب ساعة الركنة

وكنت ماشى بيهم فترة بسيطة ومكنتش بسافر وخايف منهم
قولت بقه مبدهاش وبينا نجيب فردتين

المهم لقيت نيكسن برده بس موديل n7000 ونفس المواصفات بالظبط مع اختلاف بسيط فى النقشة
طب هات اتنين ياعم الحاج وورينى تاريخ الإنتاج اووووووووب 5111 ههههههههه
شيل يابا من هنا هى ناقصة مش كفاية واخد منك الطقم من سنة ونص ونفس تاريخ الانتاج :)

فى الأخر جبت فردتين Kumho Ecsta KU31 ونفس المواصفات بالظبط وطبعا نقشة مختلفة :(
كنت عارف انه كويس وبعض الأعضاء الأفاضل هنا بيشكروا فيه
ومفيش منه كورى للأسف وقالى مبينزلش غير فيتنامى والله اعلم بصحة الكلام
والكورى اللى موجود موديل Solus KH17 وده اللى بينزل بيها فابريكة

ودى صورة مواصفات الكاوتش

http://nileup.com/up/uploads/nilemotors_14104607421.jpg

http://nileup.com/up/uploads/nilemotors_14104607422.jpg

اولا ربنا يباركلك فيه ويعطيك خيره ويكفيك شره وبعدين الراجل يا جماعه جاب الكاوتش بلاش نكرهه فيه بس ابقي خلي بالك وبس

انا علشان اتجنب مشاكل وانواع الكاوتش الي بالنسبالي زاي اللغه الصيني حشتري بريدجستون gr90 واريح دماغي مقاس 17/45/225 ربنا يكرمنا فيه ان شاء الله

انا جايب الخليجى 15 نيكسن ممتاز الصراحه بس للاسف بيتخرم بسرعه او انا اللى حظى فى مسامير 10 و 14 كتير :) :))))

تصدق كنت بدور على اخر صوره دي

شكراً يا باشا والف مبروك على الكاوتش :)

انا كمان غيرت نقشه الشجره من سنه , مش عشان وحشه لا عشان هلكت مشيت عليها بتاع 40 الف كيلو بعدين بدأت تطلع صوت وتهدر طول ما انا ماشي وطبعا طول ما صوت الهدر شغال الشيطان موسوسلي في دماغي فغيرت الـ 4 فرد بـ هانكوك سرعه عاديه ولغايه دلوقت كويسه الحمد لله وماشي عليها بتاع 34 الف لغايه دلوقت