كنت عايز اعرف تكلفة طقم شنبر عربية 127 النصر يعمل كام وهل ده هيمنع تأكل الزيت؟ ولو استعملت زيت شنبر هل ممكن يبقى حل لتأكل الزيت
انا لاحظت ان الزيت على المؤشر بقى فى النص بعد حوالى 600 كيلو هل ده معدل عالى ؟
عرض للطباعة
كنت عايز اعرف تكلفة طقم شنبر عربية 127 النصر يعمل كام وهل ده هيمنع تأكل الزيت؟ ولو استعملت زيت شنبر هل ممكن يبقى حل لتأكل الزيت
انا لاحظت ان الزيت على المؤشر بقى فى النص بعد حوالى 600 كيلو هل ده معدل عالى ؟
متابع
متابع يا رجالة
بالنسبه لمؤشر الزيت بعد 600 كم وفى النص كتير طبعا
زيت الشنبر فى الحاله دى مش هايعمل حاجه
موضوع انك محتاج طقم شنبر اللى يحددها الميكانيكى والخراط لما الموتور يتفك
انا فكيت الموتور من حوالى سنتين وعملت فيه شغل طقم شنبر + صبابات + سير كاتينه+وشغل فى الكرانك وكلفتنى بالمصنعيه حوالى 1100 الى 1200
وارجوا انى اكون افدتك
بص انا طول عمرى ماعملت طقم شمبر ابدا بحب استنى على الموتور لما يجيب اخرة وبعدين ياعمرة كاملة لو الموتور اول فكه لية لكن لو متعمر قبل كده انصحك تغيرة بواحد استعمال بس من واحد ثقة وحتى لو كان خفيف بعد سنتين ثلاثة لو عملت لية عمرة بتعيش 10سنين حرت علشان الموتور الأستعمال مابيبقاش ملعوب فيه بالنسبة لزيت الشمبر ده بيخرب الموتور بسرعه وبيدمره ومحدش بيحطه غير التجار الغشاشين علشان يبيعوا العربيات الى مواتيرها خفيفة والزبون مع اول تغييرة زيت يلبس فى الحيط وبرحتك ؟؟؟
الف شكر على الأهتمام
بس انا كنت عايز اعرف تكلفة مستلزمات طقم الشنبر والأهم اجرة الميكانيكى تبقى فى حدود كام؟
بالنسبة للرد علي سؤالك إللي انت بتسأله عن التكلفة و هو من 400 جنيةكحد ادني إلي 600 جنية كحد اقصي و دة بيرجع للصنايعي و مكانه و المكان اللي انت بتعمل عنده الشغل
حاجة تانية عايز أقولك عليها .... وديوجهة نظري الشخصية مش اكتر
عربيتي 127 موديل 1987 إشتريتها شهر نوفمبر 2008 و عملت عمرة للأسف بعد اربع شهور و اتكلفت 2000 جنية
(تغيير ديسك و اسطوانة و بلية و طرمبة مياة و طقم شنبر و عمود كرنك استيراد و شوية مصاريف )
المهم الموتور من ساعتها و هو تمام و مفيش اي عيوب
بدأت تظهر معايا العيوب من سنة و نصف و هي .... نقص في كمية الزيت
و مع متابعة المشكلة لقيت ان النقص دةبسبب القرص علي العربية أو زيادة السرعة عن 90 كم في الساعة
اما لو مشيت علي سرعة اقل من90 كم في الساعة مستوي الزيت بيبقي تمام
بدأ مع الوقت يزيد حجم المشكلة و بدأت في إستعمال زيت الشنبر مع كل غيار زيت و حسيت بفرق حلو لمدة سنة تقريبا
و مع الوقت لقيت الموضوع بدأ يزيد و اصبحت عبوة زيت الشنبر لا تكفي و بدأت في اني استعمل علبة و نص و أحيانا علبتين
الخلاصة :
الموتور خلاص جاب آخره ..... طب ايه الحل
أنا بدأت أستعمل زيت (ديزل) لأنه أثقل في الكثافة عن زيوت الملاكي
و في حالة الموتور جاب آخره ..... هجيب موتور 1100 سي سي او 1300 سي سي إستيراد ب 2500 و أريح نفسي من الموتور ال900 سي سي ..... علي الأقل أحس بتغيير سواء في السرعة او في الأداء
الف شكر يا ادهم
طب انت مبتفكرش تبيع ليه ؟ ولا رأيك ال 127 افضل اكمل بيها احسن؟
انا كان عندى دخنة بسيطة وقلت اجرب زيت الشنبر وفعلا جبت نوع اسمه stp وحسيت بالفرق بس حطيته مع زيت شل متعدد 20-50 عشان قلت لو زيت تقيل هتغلبنى فى الدوارة وفعلا لقيت لون زيت زى ما هو فاتح ومفيش دخنة خالص وبعد 800 كيلو نقص حاجة لا تذكر يا ترى افضل احطه مع كل غيار ولا المرة الجاية احط زيت تقيل لوحده واشوف؟
وهل ليه عيوب ؟ لأن الميكانيكى بيقوللى بيبقى تقيل وهيفتح معاك فى حاجات تانية زى الشمايز ولا هو بيقول كده عشان يعمل عليا شغل؟
على فكرة انا قريت عن كيفية استعمال زيت شنبر abro قاللك انه بيتحط مرة وتمشى بيه مشوار والغيار اللى بعده متحطش هل ده صح؟
معلش على الأطالة
و الله يا عماد انا موضوع البيع دة مش في بالي خاااالص
لأن مفيش معايا أي مبلغ كويس اجيب حاجة أحسن
المبلغ إللي أقدر أجمعه لا يتعدي ال 3000 جنيه
فطبعا لو بعت ال 127 .... يا تري هجيب ايه
من ناحية تانية أنا بعشق العربية دي اوي و مقضية الغرض معايا
مع ان مشاويري كلها سفر من القاهرة إلي مدينة بدر و من القاهرة إلي المنوفية مرتين أو ثلاث مرات إسبوعيا حسب ظروف شغلي ... و الحمد لله العربية حلوة معايا ... مشكلتي فقط في نقص الزيت
طبعا انا بحلم إني أجيب موتور أكبر عشان أحس بفرق .... لأني لما عمرت الموتور من كام سنة ماحسيتش بفرق خالص في سرعة ...... هية هية نفس السرعة و نفس السحب مفيش فرق شاسع يعني
عشان كدة مش هصرف اي فلوس عالموتور القديم خلاص لأنها مصاريف مالهاش لازمة
طبعا في مصاريف تانية العربية أحيانا بتحتاجها زي طقم الكهربا و أي مصاريف علي العفشة و الكلام دة
أنما الموتور مش هصرف عليه ( من الأخر هخليه يجيب آخره ) و هوفر كل مليم للموتور الجديد أو الأستيراد
موضوع زيت الشنبر هو طبعا حل مؤقت و ليس دائم .... دي حاجة مفهاش كلام
و طبعا الزيت دة له أنواع زي STP أو الـــ ABRO و في انواع كتير و في انواع مضروبة (خفيفة مش ثقيلة)
طبعا الـــ ABRO هو الأفضل لأنه أمريكي الصنع و نفس سعر أي زيت شنبر من الأنواع التانية
انا بستعمل علي طول النوع الـــ ABRO الأمريكي مع كل غيار زيت
طبعا في ناس تقولك إستعمله كل غيارين و ناس تقولك إستعمله مرة واحدة و كدة
الخلاصة بالنسبة لمواتيرنا القديمة
الزيت دة إحنا بنستعمله عشان نخلي كثافة الزيت ثقيلة .... و بمجرد ماتخلص الفترة ال 3000 كيلو مثلا
تقوم تغير الزيت الجديد و تحط معاه علبة زيت شنبر ABRO جديدة ... , و يفضل كمان مع المواتير القديمة انك تستعمل أرخص زيت و يكون لفترة 3000 كيلو .... و يفضل تشوف ارخص زيت و أثقل زيت
لأن كلما زاد سعر الزيت كلما كان أخف في الكثافة و مش ثقيل
بالنسبة ليا انا شخصيا انا هجرب زيت إسمه كاسترول في منه زيت للمواتير و في منه زيت للديزل
اثقل نوع في زيوت كاسترول
دة للمواتير البنزين او الملاكي
SAE-40
http://www.castrolarabia.com/Common/Images/MotorOil.jpg
و دة للمواتير الديزل
SAE-50
http://www.castrolarabia.com/Common/...elOile_Big.jpg
انا حاليا لسة حاطط زيت شل الأحمر .... الزيت حلو مش وحش لكن للأسف بينقص برده
اول ما أخلص ال 3000 كيلو هاحط زيت كاسترول بتاع الديزل لأنه أثقل في الكثافة و رخيص في السعر
في ناس بتقوللي استعمل زيت التعاون الأحمر (سوبر ستان) لكني بكره شركة التعاون دي اصلا هههه
لكني هجرب زيت الديزل بتاع كاسترول عشان انا زهقت من نقص الزيت
انا حنصحك نصيحة زيت الشمبر ده بيدمر شمايز الموتور وبيجرحها وبدل متعمل 1/2 عمرة وتغيير الشنابر بس حتعمل عمرة كاملة وتخرط الشمايز وممكن يبوش البساتم كمان وتحتاج تغييرها الأفضل تعمل 1/2 عمرة وتضبط الموتور بدل ماينتهى تماما وزيت الشمبر ده بيحطة التجار لما يجو يبيعو عربية مضروبه والزبون بيلبس اسود مع اول تغيرة زيت يلاقى الموتور بيدخن وبراحتك ؟؟!!
احترم وجهة نظرك و لكن اختلف معك في ان زيت الشنبر (بيدمر) أو (بيجرح)
الفكرة انه زيت ثقيل الكثافة عالي اللزوجة وظيفته زيادة كثافة زيت الموتور لمنع تسريبه من البساتم و الشمايز إللي هي أصلا بتبقي مفوتة و بايظة عشان كدة احنا بنستعمل الزيت دة
طبعا انا مع وجهة نظرك لو كان قصدك علي استعمال الزيت مع السيارات الزيرو الجديدةاو السيارات اللي مواتيرها كويسة
انما كلامنا عالزيت دة عشان احنا اصلا مواتيرنا خلاص جابت آخرها
في إختلاف طبعا
أحب أنفل لحضرتك تجربتي إني بستعمل زيت الشنبر دة منذ مايو 2011 لغاية ديلوقتي (عبوة مع كل غيار زيت) لأن الموتور عندي خفيف
طبعا لا انصح حد انه يستعمل زيتشنبر او زيوت ثقيلة الكثافة في عربيات حديثة (و يمكن دي وجهة نظرك او ماتقصده)
و الله يا عماد بالنسبة ليك انا مش عارف ايه أقرب مكان لطنطا
بس كل اللي اقدر أقوله لك ان دة الموقع بتاع الشركة و اماكن التوزيع موجودة فيه
Castrol Arabia : Egypt
الزيت دة موجود في بنزينات إسمها (Taqa) طاقة .... معرفش هل دي ليها فروع في طنطا و لا لاء
دي برده صفحتهم عالفيس بوك
http://www.facebook.com/CastrolEgypt?ref=ts&fref=ts
برده حاول تسأل الموزعين الكبار بتوع الزيوت و شوف يمكن بيبيعوه
كدة كدة انا لسة اودامي 1000 كيلو و أغير الزيت الحالي
اول ما هجرب زيت كاسترول دة هقولك النتائج برده ..... يمكن يطلع زيت أي كلام ههههههههه