مفتاح الرينو المشفر بيتعمل وبكل سهولة وفى محل عادى

انا من سكان القاهرة الجديدة

وكان فى محل فتح جديد لعما المفاتيح وفك الشفرات

وعمل انذار للسيارات

دخلت عنده قلتله ممكن اعمل مفتاح زى ده

- خد المفتاح منى وقال لى العربية ماركتها ايه

- رينو لوجان

- موديل كام ؟

- 2012

حط المفتاح فى جهاز زى الى بيشحن الكروت الموبايل ( ادفعلى ) شبيه بيه وبص على شاشة كمبيوتر امامه

- يتكلف 200 جنيه

- ده متشفر

- ايوه انا عارف لو اى محل تانى بيعمله 15 جنيه بس مش هيدور العربية

- طب لو حبيت اعمله مفتاح بيفتح العربية سنترلوك

- يتكلف 650 جنيه

- لو معاك السريال نبر بتاع العربية يتكلف 600 جنيه ..... ممكن تطلب السريال نبر (serialnumber) من التوكيل ب 150 جنيه

- طب ليه عشان اوفر 50 جنيه ادفع 150 جنيه ما لهاش لزمة

- شكرا ..... سلامو عليكو

- عليكم السلام

aywa fe3lan beyetla3 3aleeh ,, 3andy ragel bardo beye3melo
Sorry for typing in Franco as the keyboard is only english letters....

اقتباس:

---

المشاركة الأصلية كتبت بواسطة yasser3da

aywa fe3lan beyetla3 3aleeh ,, 3andy ragel bardo beye3melo
sorry for typing in franco as the keyboard is only english letters....

---

فى لوحة مفاتيح فى جوجل

وف نايل موتورز بتوفر حروف بالعربى

بس اللي اعرفه ان اي محل بيطلب رخصة العربية كاثبات ملكية قبل ما يطلع على المفتاح

عملت مفتاح من حوالى شهر و كلف 175 جنيه

بس اللى انا فاهمة لازم يكون معاك المفتاح الاصلى هو بياخد الشفرة اللى علية ويحملها على المفتاح الجديد يعني لو المفتاح الاصلى ضاع مش هتعرف تجيب غيرة الا من التوكيل والله ورسوله اعلى واعلم

وايه المشكلة وايه الجديد؟ هو متشفر وشفرته بتتنقل النقطة ان لازم اللي يشغل العربية يبقى معاه اكسس للمفتاح المتشفر او كان معاه اكسس ليه

يا جماعة مش دى المشكلة انه بيتعمل فى اى محل عادى

يا ريت حد يبفيدنا هل لو حرامى (لاقدر الله) كسر القزاز ووصل اسلاك العربية ممكن تدور ولا لا ؟؟؟:_Alshmokh11:

والمفروض فعلا ان اى محل بيعمل مفاتيح مشفرة بيتحقق من اثبات ملكية العربية الاول.

[QUOTE=smsm91158;3874800287]يا جماعة مش دى المشكلة انه بيتعمل فى اى محل عادى

يا ريت حد يبفيدنا هل لو حرامى (لاقدر الله) كسر القزاز ووصل اسلاك العربية ممكن تدور ولا لا ؟؟؟:_Alshmokh11:

المفروض ان العربيه ماتدورش علشان فيها امبولايزر

متشكر لافادتك يا وائل... الموضوع كله ان الراجل بيحط المفتاح الاصلي بتاع حضرتك في جهاز صغير زي جهاز الفيزا كارد وبيعرف الكود و بعد كده بيعمللك نسخة بكل سهوله.. ولو طلبت منه سنتر لوك هايعمل بدون ادني مشكله.. ده كمان الراجل اللي عندي بيعمل كارت الميجان كمان!!

أهم حاجه خللي بالك من مفاتيح السياره يعني متضيعش منك لان أكيد مش هيطلعلك عليه الا ومعاك المفتاح الاصلي ومش كتير بيطلب الرخصه او البطاقه

السلام عليكم
من اسبوع تقريبا كنت عند محل شهير بالمنيل لعمل المفاتيح وسألته عن مفتاح الرينو وذكر لى تقريبا التفاصيل المذكورة فى الموضوع مع الاختلاف فى شيئ واحد مهم وهو انو لازم يروح للعربية او تجيبها للمحل علشان يدخل على الكمبيوتر الخاص بالعربية ويغير الشفرة من غير كده المفتاح اللى حيطلعة حيدور العربية وبعدين تفصل
واالله اعلم

على فكره الشفره بتتغير مش بيعمل منها كوبى ومتأكد من كده لأنى لقيت المفاتح الى ضاع منى و حاليا مبيدورش العربيه الى بيدور العربيه المفتاح الجديد و النسخه التانيه بعد تعديل شفرتهم

اقتباس:

---

المشاركة الأصلية كتبت بواسطة mohamed1979

على فكره الشفره بتتغير مش بيعمل منها كوبى ومتأكد من كده لأنى لقيت المفاتح الى ضاع منى و حاليا مبيدورش العربيه الى بيدور العربيه المفتاح الجديد و النسخه التانيه بعد تعديل شفرتهم

---

طب سؤال معلش - لو غير الشفرة بتاعة المفتاح مش نسخها - هل عمل اي حاجة في العربية علشان تقبل الشفرة الجديدة ..؟؟

اقتباس:

---

المشاركة الأصلية كتبت بواسطة Sh_sunsea

طب سؤال معلش - لو غير الشفرة بتاعة المفتاح مش نسخها - هل عمل اي حاجة في العربية علشان تقبل الشفرة الجديدة ..؟؟

---

متابع

هو بيوصل كمبيوتر فى العربيه و بيحط المفتاح فى الكونتاك و يبرمج العربيه على الشفره الجديده و انتهى الموضوع فى 5 دقائق

طب ليه سألنى على السريال نمبر طالما الموضوع مش محتاج غير كمبيوتر وتوصيل

اللى عنده اجابة فقط ؟

أنا سمعت أن عمل مفتاح مشفر بيبوظ الأيمبوليزر بتاع العربية الكلام ده صح

و لابييوظ و لا حاجه المفتاح شغال زى الفل مفهوش مشكله

طيب لو المفتاح ضاع ممكن حد يعمل مفتاح تاني ولا مفيش غير التوكيل ؟
و سعر المفتاح كام لرينو سانديرو ٢٠١٤ في التوكيل ؟