الفانوس الاليجانس والزينون تايواني نضيف متطابق مع كمبيوتر الاضاءة
عرض للطباعة
لو فابريكه ومفيس فيها اى حاجه ولها ملف صيانه ومنغير توكيلات تعمل من 115 ل 120 ده لو حاله رقم 1 لو متوسطه من 105 ل110
الزينون المتكود موجود ب350 جنيه عند ناس كتير ومتوافق مع الكمبيوتر عادى جداً وممكن اوصفلك واحد تشتري منو لو متعرفش حد
انا لاحظت في العربيات اللي اتفرجت عليها ان فيه بعض العربيات فيها جراب نضارة في السقف وبعض السيارات مافيهاش
يعني اتفرجت على عربيتي مانوال 2007 وكانت موجودة في واحدة والتانية لأ
واتفرجت على عربية توب لاين وماكنشي فيها جراب النضارة
فيه عربيه معروضه عليه 2007 اول يد من الزيرو 80000 ك فبريكه بره و جوه صيانات فى التوكيل ولكن التكيف لايعمل محتاج تغيير الكوعه و قال عيعمله قبل البيع مفيش مشكله السؤال هنه هل مشكلة التكيف ده تقلق و لا لا و سعرها كام بما يرضى الله للطرفين و شكرا للجميع
التوب لاين مفيهاش جراب نضاره فى السقف عشان فيها فتحة سقف ومكان الجراب زراير الفتحه
بالنسبه للكوعه دى انا مش فاهم قصدك بس هو العيب الوحيد فى كل الجديد الكويل الداخلى وده بيتغير ب2000 جنيه واعراضو بتشحن الفريون بيعد شهر ولو هنعتبر ان التكيف شغال وكلو تمام زى ما انت موضخ ومش محتاجه كاوتش ولا صيانات هتعمل من 80 ل85 ده لو مفيهاش الهوا والتكيف شغال تمام
والله ياباشا لا كتير ولا حاجة اسال احمد انا كنت في توكيل فورد وكنت رايح اسحب الفلوس خلاص وكنت هشترى الفورد فوكاس 2013 اخر فئة ب 207 الف على اخر لحظة ياباشا واحد صاحبى لحقنى وقالى ان في فيكترا توب لاين عاملة 7000 ك في التجمع الخامس .. اول ما شوفتها حضرتك قولت احسن من الفوكاس الزيرو مليون مرة ووصلت معاه ل 150 الف وادتلو العربون وانا واقف وتانى يوم روحنا وسجلنا وتمام .. وبعدين يا باشا زى ما قال احمد كدا اللى بيركب فيكترا عارف بقا قيمة العربية دى كويس !!!! على فكرة انا اللى معايا الفيكترا الاليجانس ودلوقتى عارضها ب 100 الف على فكرة .. حضرتك انزل اتفرج على كل العربيات المعروضة باسعار بالنسبة لحضرتك كويسة وهتعرف ليه انا عايز 100 الف !!
حبيبى والله يا احمد .. رحلة كفاااااااااااااح بقا :36_1_1[1]:
أولا.. احب اباركلك و فعلا اختيار موفق ..
ثانيا.. انا ركيب أوبل من 18 سنة و عارف كويس انا بتكلم عن ايه... و بنقل اخر تجربه ليه من خلال معاينة فعليه لأكتر من 30 عربية في شهرين
بص يا سيدي .. في سعرين للعربيات النضيفة او الشاذه
اولا : سعر عالي (زي اللي حضرتك اشتريت بيه) و ده صاحبها بيبقى مش فارق معاه انه يبيع اوي عشان غالبا بيبقى عنده عربية تانية بس لو جاله السعر الكويس ده هايبيع على طووول
ثانيا: سعر معقول و ده بيبقى واحد مستعجل في البيع او سأل علي سعر السوق و حط 10 الاف زيادة علشان حالة العربية
الحالتين موجودين بس علشان تشتري بالسعر المعقول هاتتعب شوية و هاتصبر فتره لحد ماتلاقي زي ما انا عملت لان كنت ناوي اشتري الاول قبل ما ابيع فا مكنش فارق معايا الوقت
والحمد لله ربنا وفقني لتوب لاين من شهر و نص 40000 كم ب 117000 فابركة بالكامل بالكتالوجات و دفتر الصيانة و كشفت في منصور عشان بس اتاكد من ملف الصيانة و لونها سماوي غامق نفس الصورة اللي في اول صفحة في الموضوع
بس طبعا في حسابات تانية اللي بيشوف عربية تدخل دماغة بيقى عنده استعداد يدفع كل اللي معاه و ممكن ماينامش لحد مايشتريها :beat4:
بس انت اشتريت دماغك من كتر الفرجة و طول الوقت و ربنا يكفيك شرها و يباركلك فيها
اها بالظبط كدا انا لما شوفتها قولت بصراحة تقريبا مستحيل هلاقى زى كدا تانى وبجد مالهاش اى حل العربية زيرو فعلا وانا حسبتها بصراحة قولت مستحييييل هجيب اى عربية حتى لو زيرو من الاجانس وهتكون زى الفيكترا c توب لاين وتكون بالسعر دا .. ف طبعا انا وواقف اديتله العربون على طووول وتمام كدا .. وعموما يا باشا العربية بصراحة بتاعت حضرتك ممتازة بالسعر دا بجد لو حالتها ممتازة بقا زى ماحضرتك بتقول .وعلى فكرة يا معلم نفس لون عربيتى بقا :Bravo:
الاخ اللى بيستفسر يشترى اللى عامله 80 الف كيلو لو العربيتين بنفس الحاله الخارجيه والعداد اهم من اللون طبعاً واللونين الموضحين كويسين او نفس المستوى يعنى مفيش مثلاً فيهم واحده حمرا او خضرا تخليك تنفر منها