انت محتاج تكشف على اكواد الاعطال بدل منخمن ونضرل اخماس في اسداس
قولي الاكواد واقولك ان شاء الله اه المشكله
العربيه بتسخن ؟؟ المراوح بتشتغل عادي ؟
عرض للطباعة
الف شكر للكل
انا رحت النهارده للميكانيكى قالى احتمال الموبينه هى الى تكون فىها حاجه هو شاكك ان الموبينه الجديده تكون بايظه
بس مستنى بكرة ان شاء الله علشان الكمبيوتر مش موجود هروح بكرة ولا بعده ان شاء الله وربنا يستر
السلام عليكم برجاء افادتي لأن الموضوع هيتكلف كتير أنا معايا اوبل فكترا سي 2007 مانيوال كنت بغير البوجيهاتحتة صيني من بوجهي دخلت جوا الموتور دورت عملت صوت ووقفت رحت الميكانيكي فك وش سلندر لقى البستم اتخربش المهم بعد كدا العربية بقت بتأمل زيت كتير جدا أنا قررت اني اغير الموتور وتحط موتور. 2200 اوتوماتيك لأني لاقيت المانيوال بتاعها بعشرة أو إحدى عشر ألف والموتور ال2200 بالفتيس بكل التغييرات بالمصنعية عامل 15000 وهياخد هو القديم سؤالي ايه رايكم في القصة دي إني اغير من مانيوال اوتوماتيك وهل الموتور 2200 ليه قطع غيار ولا هدوخ يعني ديسك واسطوانه سيور حساسات واللي هيعملي الموضوع دا بيقولي الموتور بيترخص 1600 س. س فهل دي نعومة صح ولا غلط ولما اجي ابيع العربيةلو الموضوع دا معمول صح يقلل من ثمن العربية ولا يزودها الموضوع دا تعمله في اسكندرية هل لو رحت الحرفيين أو بور سعيد يكون ارخص واسف للإطالة ورجاء الرد قبل ما اميل الدنيا
و الله هو ال 2200 طبعا حلو و هتلاقي فرق في السحب و النعومة و السلاسة و ميزته انه مرمي و قطع غياره موجوده هو بيدخل على انه 1600 بس لما بترخص بقى و في الفحص هتدفع ضريبة اعلى و هتغير العدادات و جزء من الكنسول
انا شايف تعمل موضوع في القسم و هتلاقي ردودد اكثر و بالأخص استاذ احمد فهمي و الاستاذ عاشور هيفيدوك في الموضوع ده كويس
و للعلم موتورك القديم ال 1600 بيطلع 105 حصان
اما ال 2200 فبيطلع 147 حصان
و بالتوفيق
السلام عليكم ، أنا معايا فيكترا 2008 هاى لاين ، العربية تمام فى كل حاجة بس أول إمبارح و أنا نازل أدور العربية الصبح لقيت العربية ما بدورش و فى علامة f فى التابلوه جربت أدور ثلاث أربع مرات بعدها دارت عادى و حرف الf أختفى و بقت طبيعية جداً من كل النواحى و بدون تنوير أى لمبة تانية فى التابلوه ، النهارده نفس السيناريو إتكرر ، أرجو المساعده ضرورى لأنى المفروض أسافر بيها الأسبوع الجاى ، ملحوظة طقم الدبرياج الأصلى متغير فى التوكيل على 75000 كيلو و العربية تلؤتى عاملة 100000 كيلو و العربية ماشيه زى الفل الحمد الله لسه جايب بيها ال 190 . وشكراً
حصل معايا بس وانا سايق العربية تمور ولما اطفيها وادورها تانى مش بتدور
استنيت ربع ساعه دارت تمام
حصل دة مرتين
غيرت منظم النقلات عند منصور
بس لازم تكشف الاول وتشوف حرف ال اف دة منين
منظم نقلات - طقم دبرياج - ماستر دبرياج
واكيد حد من الاخوة الخبراء مثال مهندس عاشور والاستاذ احمد فهمى اكيد هيفيدوك اكتر
بص المفروض تشيك على طقم الدبرياج اللي اظن انه مش هيبقى فيه مشاكل ، فلو فعلا سليم لازم تبص على الجزء الميكانيكي من كنترول الايزي ترونك و تبص على شربون موتور الكنترول عشان ممكن يكون فيهم مشكلة فالأفضل تروح توكيل الصحراوي و تسأل على الباشمهندس حازم فكري و اسأله ان كان في المقدرة انه يتصلح ولا لأ ، و لو تعرف ميكانيكي اوبل بيصلح ايزي ترونك وديهوله او هات كنترول كامل استيراد و ريح دماغك
شكراً على الردود ، أنا وديتها النهاردة لصابر أوبل و كشف عليها بالكميوتر و تلع فيها 2 كنترول بايظين ، لسع على يوم الأثنين حيفك الفتيس و يقولى إيه اللى ممكن نعملة ، بس المشكلة أنه الأستيراد ناقص قوى .