111111111111111111111111111111111111111
عرض للطباعة
طيب يا جماعة من وجهة نظركم اى منطفة افضل ا ولا ب ولا ج ولا ه ولا ايه بالظبط
وافضل بوابة ايه ؟
فى ناس بتقول الاولى بقت زحمة بس مش عارف ايه النظام
انا نزلت بنفسى ولكن برضه صعب الواحد يحدد من مشوار واحد لازم كذا مشوار
وربنا يسهل
:::::::::::::::::::::
افضل مكان انك تكون جمب البوابه
لآن جوه هتخش فى متهات وكمان الضغط العالى
وعلى حسب شغلك فين انت ممكن تاخد فى الرابعه لو انت مثلا شغلك مهندسي عشان طلعت الدائرى من هناك اسها
يعنى هتوفر عليك طريق الفيوم الى ميدان الرمايه والعكس
بص انا لفيت هناك كتير الكلام ده من سنتين وانا مقيم حاليا فى ه اول البوابه التانيه وجمبى سوبر ماركت وصيدليه و...........................
باشا بالواقع الفعلي ثبت ان المماراسات اوفر بكتير من العداد ، حضرتك بتدفع كل 3 شهور 585 جنيه ، يعني حوالي 185 جنيه في الشهر ، لو حضرتك ركبت تكييف او اتنين في الشقة وجه عليك الصيف بشره ممكن تدفع المبلغ ده في شهر واحد ، ده غير باقي الأجهزة واستهلاكها ، مافيش حاجة اسمها العمارات مش هيخشلها عدادات ، بس اللي توصولوا ليه ان الأدوار المخالفة مش هيدخلها أي مرافق ، زائد ان فيه قضايا هتترفع على اصحاب العمارات من الحي عشان الأدوار المخالفة اللي اتبنت ، ولسه وزير الأسكان كان مع على عبد الرحمن محافظ الجيزة تنبارح وكان بيناقشوا تطوير منطقة حدائق الأهرام ونزلة السمان وسن العجوز لأن المناطق دي في وسط اهم منطقة سياحية في مصر ومع بداية ظهور بوادر المتحف المصري الجديد والمترو ومشروع أقامة 10 فنادق في المنطقة بجوار الأهرامات ، فلازم يهتموا بالمنطقة دي جداً , والخبر موجود على جريدة الموجز ، العداد ان شاء الله هيدخل والسور المحيط بالمدينة بالفعل شغالين فيه والغاز بالفعل بدء في المنطقة وفي ناس اشتغلت غاز في البوابة الأولى ، والمنطقة فيها كل الخدمات والأنشطة ، بس هي عايزة شوية صبر على موضوع العداد ده ، انا ليه صديقي دفع فاتورة الكهربا في شهر اغسطس اللي فات كانت عاملة 690 جنيه عشان عنده تكييفات في الشقة مع باقي الأجهزة (ميكرويف باقي، وغسالتين ملابس وأطباق _ وفرن وبوتجاز كهرباء والتليفزيونات والتلاجة) يعني الأجهزة اللي بقت موجودة تقريباً في معظم البيوت دلوقتي. وحضرتك بس حاول تاخد حاجة قريبة من الخدمات عشان التنقل في الهضبة مقرف شوية ، لو مش معاك عربية هتلجأ للتوك توك وده ربنا يكفيك شره ، مع مطبات الهضبة وغباء السائقين النتيجة انزلاق غضروفي او مشاكل في الظهر لا قدر الله ، وافضل بوابات من حيث الهدوء والقرب من الطريق هي البوابة الرابعة طبعاً ، بس تفتقر الخدمات شوية ، الأفضل من حيث الخدمات وتوافر كل المحلات هي البوابة الأولي يليها البوابة التانية بس الزحمة في البوابة الأولي يليها البوابة التانية التالتة فاضية من كل حاجة الخدمات والزحام ، لسه قدام شوية عليها.
:018a1d~146:
الله ينور عليك
ابعد عن البوابه الثالثه فعلا
بس موضوع الممارسه نسبى مينطبقش على كل الناس من حيث الاستفاده
انا مثلا نص اليوم مش موجود فى الشقه وكمان ممكن بالآسبوع اكون مش موجود شهريا
كمان انا اسمع ان الممارسه كانت قبل الثوره 1200 مش 585
انا معاك تماما ان الكهرباء هتدخل هتدخل بس مسأله وقت
بلاش شقه جوه ديه عشان برغم التوكتوك ابن ال............................... لما السور يكمل ان شاء الله هيمنعوا دخوله تماما ومش هيكون قدامك غير التاكسى الابيض ويمكن ربنا يكرم ويمنعه دخوله زى ما عاملين فى الرحاب
تحب الزحمة والمحلات وميفرقش معاك خد فى الاولى او التانية عايز الهدوء خليك فى البوابة الرابعة