السلام عليكم
انا كنت عايز اشترى عربية جديدة بس المشكلة بقى
انى مبعرفش فى العربيات ولا الموديلات والكلام ده ؟
المهم انى مش عارف حتى احدد ميزانية للشراء لانى معرفش ايه يجيب ايه :)
عايزين ندردش شوية علشان افهم اكثر وفى اخر المووضع نطلع بحاجة بقى :)
1-نبدا الموضوع اول حاجة انا عايز عربية تكون اوتوماتيك بس معرفش ايه الفرق بينها وبين النص اوتوماتيك والحاجات دى واهم شىء عايز عربية سهلة سوافتها وخفيفة لانها اول مرة اسوق عربية بشكل كبير وبالتالى عايز حاجة سهلة ومريحة
2-اهم شىء عندى الشكل الخارجى والداخلى لان فى عربيات مبيعجبنيش شكلها لانى بحب العربيات اللى بحس انها فخمة زى مثلا هيوندا النترا بحس شكلها كبير وفخم كده مش زى هونداى اكسنت القديمة !
3-استهلاك البنزين بيتحدد ازاى فى العربية وكمان قطع الغيار ايه الافضل
4-ايه تانى بيفرق فى اختيار العربية ؟
* معلشى عارف اسئلتى عامة وغريبة بس هنحاول نطلع بفائدة فى الاخر واقرر الميزانية والنوع معاكم ان شاء الله