تركيب زجاج كهربائي و سنتر و انذار لكورولا 2006

**maghnom** · 08-02-2013 06:43 PM

السلام عليكم
انا استلمت عربية تويوتا كرولا 2006 جاية من الخليج حالتها ممتازة بس فاضية تماما
محتاج اركبلها سنتر لوك و انذار و زجاج كهربائي و كاسيت سي دي
بفكر جديا اروح اركبلها كل ده في التوكيل (التجمع الخامس تحديدا) بس محتاج رأيكم
انا بصراحة مش عايز العربية تتبهدل و مش عايز اي حد يلعب في الضفيرة بس معنديش فكرة عن تكاليف التوكيل في الاكسسوار اللي زي ده
حد يعرف الحاجات دي تكلف كام في التوكيل و برة التوكيل و هل في فرق كبير بينهم؟
حد يعرف بتاع كماليات خارج التوكيل بما فيه الزجاج الكهربي و الزراير و يكون بيعرف يتعامل كويس مع التويوتا؟

محتاج ردودكم ضروري يا جماعة

**Optiplex** · 08-02-2013 08:47 PM

الف مبروك و فى كتير اكيد بيشتغلو فى تويوتا برة التوكيل كويسين بس ياريت تحدد منطقتك علشان نوصفللك حسب القريب منك

**BLOODY_STONE** · 08-02-2013 11:04 PM

في ناس ممتازة جدا جدا جدا بتشتغل في تويوتا برة التوكيل مفيش داعي تكلف نفسك عالفاضي في التوكيل ..

استنى وحوش القاهرة يفيدوك

**maghnom** · 08-02-2013 11:50 PM

شكرا على الردود يا جماعة انا ممكن اروح لاي حد ناحية مصر الجديدة ومدينة نصر بس الاهم عايز حد يكون جرب يركب اكسسوارات في التوكيل او برة و الفرق بيكون عامل ازاي في السعر و الجودة و في حالة الزجاج الكهربائي بالذأت اللي بيحتاج زراير بيكون متوفر اصلا برة التوكيل و اصلي و الاختلاف في الاسعار بيكون في حدود كام يا ريت حد يفيدني يا جماعة

**Y a r i s** · 09-02-2013 01:03 AM

الشبابيك الكهربا. من عند محمد علي في الحرفيين بيعمل ١٥٠٠ الاصلي بالزراير بالمكن بتعهم. ورقموا ٠١٠٥٨٨٩٩٢٦
والسنتر روح التوفيقية واسئل على محل حكيم هيركبلط السنتر ب ١٠٠ جنية تقريبا
والانذار ب ٢٠٠ جنية
كاسيت سي دي الاصلي خود كلم استاذ جلال ٠١٠٠٢١٤٨٢٢٨
عندو كاسيتات بديفي دي وجي بي اس وتلفزيون وتيلفون روح بص عليها ولا عاوز ديسكاونت قلهم من طرف محمد الرفاعي بتاع اكتوبر واي استفسار انا في الخدمة بس المهم نلاقيك دايماً معانا هنا في القسم مشاركات ومواضيع. :) وتحياتي

**Ahmod** · 09-02-2013 03:28 AM

لو الابواب عندك القفل بتاعها على Wire زي الياريس يبقى ساعتها مش اي حد هيعرف يركبلك السنتر

واللى هيركبه هياخد منك مصنعية تركيب مش اقل من 100 جنيه وياما يركبه كويس ويظبط ياما هيفضل كل شوية يبوظ !!!

انا اللى ركبلي السنتر للاسف ماكنش عارف يتعامل مع الابواب اللى بتبقى متركبة على Wire بالتالي بوظلي الدنيا ولحد دلوقتي كل شوية يبوظ

انا مش متاكد اذا كانت الكورولا ابوابها على Wire ولا لا بس عموما السنتر لوك سعره في حدود 150 جنيه من التوفيقية

لو على Wire هتضيف عليهم 100 جنيه مصنعية تركيب يبقى الاجمالي 250 جنيه

لو عادية مصنعية التركيب بتبقى في حدود 30 جنيه يعني هيكلفك في رنج 180 جنيه

-----

بالنسبة لمكن الرفع ممكن تجيبه من التوفيقية وممكن من برة

سالت عليهم مرتين مرة قالي 900 جنيه المكن الاصلي بالتركيب

ومرة تانية بعدها بمدة كان في حدود 700 جنيه

اما الانذار فده مافيش فيه مشكلة بيركب مع السنتر لوك عادي بس مش متذكر الاسعار بصراحة