عرض جديد من تى داتا

**dedi** · 09-02-2013 01:25 AM

المشاركة الأصلية كتبت بواسطة mohab.nabil

فعلا مينفعش الواحد يعرف هو بيستهلك قد ايه انا سألتهم كنت عندهم امبارح و قالولى طول ما انت unlimited مش هيبان ليك انت بتستخدم قد ايه فى الشهر

الحقيقة انا كنت عايز احول للنظام ده بس خايف بصراحة و المشكلة مش عارف انا استهلاكى قد ايه .. بس انا مش بحمل على طول يعنى مش عارف هو متوسط الاستهلاك الطبيعى فى الشهر يبقى حوالى كام جيجا ؟

انا عملت كدة الشهر الذى فات و اشتركت 75 جنية اوبتما ليمتد و هو بدون مصاريف او رسوم جربة ولو لم يعجبك الشهر الذى بعدة ارجع لنظامك القديم

**aldesha989** · 09-02-2013 01:38 AM

ولا ليهم لزمه يعنى العروض رخيصه بس كأنك بالظبط ما عليتش السرعه لانك مش هتستفاد بيها
تخيل الانترنت عندك سريع وخايف تحمل حاجه لحسن تطلع كبيره ولا لحسن يحسبو زياده

اناجربت الموضوع ده ولبست فيه كتير دخلت عرض من تلات سنين
1 ميجا تقريبآ وعشره جيجا داونلود

طبعآ كنت دايمآ خايف ومش بحمل حاجه والتصفح لوحده فى الشهر كان بيأخد المساحه كلها وساعات كانو بينزلو عليا فواتير زياده بقيمه تحميلات

موضوع فاشل فاشل

هما بيعملو كده علشان الانترنت اكيد هيرخص

**hossam_elwani** · 09-02-2013 11:56 AM

المشاركة الأصلية كتبت بواسطة mohab.nabil

فعلا مينفعش الواحد يعرف هو بيستهلك قد ايه انا سألتهم كنت عندهم امبارح و قالولى طول ما انت unlimited مش هيبان ليك انت بتستخدم قد ايه فى الشهر

الحقيقة انا كنت عايز احول للنظام ده بس خايف بصراحة و المشكلة مش عارف انا استهلاكى قد ايه .. بس انا مش بحمل على طول يعنى مش عارف هو متوسط الاستهلاك الطبيعى فى الشهر يبقى حوالى كام جيجا ؟

بسيطه جرب شهر ولو معجبكش ارجع تانى للباقه بتاعتك

**mero100** · 09-02-2013 12:06 PM

المشاركة الأصلية كتبت بواسطة midooo_119

المشكلة ان خطوط التليفون الى فالسنترالات قديمه و لما الواحد بيزود السرعه الخدمه بتقعد تقطع

المعلومه دي تستحق ان الواحد يقف عندها كتيييييييير ...... للاسباب التاليه :

انا طول عمري مع tedata و اشتركت زمان من 10 سنين علي 128 كيلو بايب .... و كان زي الفل و اشتركت بعدها علي 512 كيلو بايت و كان زي الفل لمده سنين .... من 3 اشهر اشتركت في عرض نص عليك و نص عليك ( بردو ) .... و اشتركت في سرعه 1 ميجا و سعه تحميل 10 جيجا ..... و لقيت الخدمه بتقطع و تشتغل لوحدها و سرعه الدوانلوود احيانا من 100 الي 110 كيلو بايت في الثانيه ( و ده المعدل الطبيعي لسرعه ال 1 ميجا ) و ساعه الاقي مفيش سرعه خالص و تنزل من 80 الي 50 الي 30 الي 7 كيلو بايت في الثانيه ...
و غيرنا الراوتر tedata و غيرنا الاسبليتر بلا جدوي ... و اشتكيت و عملنا اجراءات كتير و محدش وصل للسبب و بعدها جابولي فني و قاللي الدنيا تمام و السلك مش محتاج يتغيير من البوكس .... امال فين المشكله ؟؟؟
اللي عرفته فيما بعد انه تم عمل تحديثات في سنترال مدينه نصر 2 و الخدمه ظبطت بعدها عندي ....

السؤال هنا .... هل لو اشتركت في سرعه 2 ميجا الجديده ... حيحصل نفس القصه استنادا لرأي العضو /ميدو؟؟؟؟

**dedi** · 09-02-2013 12:13 PM

اعتقد انة اغلب السنترالات تم تطويرها لو حد متاكد ياريت يأكيد او نفى المعلومة

**midooo_119** · 09-02-2013 12:23 PM

سهل اوى انك تعرف .. شوف كام عميل بعد ما اشترك الخدمه مش شغاله خالص و كام عميل الخدمه بتقطع عنده و شوف سرعته كام هتلاقيها غالبا 1 ميجا او اعلى ساعتها هتعرف المأساة

**Elawany13** · 09-02-2013 02:00 PM

تعليقى على الانظمة المحدوده انا ضدها دائما رعم انى مش من هواة الداونلود
بس مش بحب حد يخنقنى ويضيقها عليا
النظام التقليدى بيديك 128 وخد البنزين اللى يكفيك زى ما انت عايز
دلوقتى النظام المحدود الجديد بيديك bmw وبيقولك مفيش فى اليوم غير 5 لتر بنزين ولو حبيت تزود ياحلو ادفع تمن بنزين 95 بالسعر غير المدعم