حد يا جماعة سمع عن عرض الطلقة الجديد من تى داتا لسة دلوقت مكلمهم و قالوا لى يعطيك 4 اضعاف السعة و بعد أنتهاء الباقات نتزل السعة الى 128
عرض للطباعة
حد يا جماعة سمع عن عرض الطلقة الجديد من تى داتا لسة دلوقت مكلمهم و قالوا لى يعطيك 4 اضعاف السعة و بعد أنتهاء الباقات نتزل السعة الى 128
متابع انا مشترك معاهم
تقدم اليوم شركة تي اى داتا العملاق المصري فى خدمات الانترنت عرض جديد بخطوط adsl ويسمي “الطلقة” بسرعة 2 مجيا بايت ويوفر للعميل دفع اشتراك شهرى يبدا ب 75 جنيه وبسعة تحميل 4 جيجا بايت وفى حال استهلاك سعة التحميل المحددة له يمكنه شحن رصيده لزيادة سعة التحميل الاصلية بمبلغ يبدأ من 25 جنيه .
ويتضمن عرض الطلقه ثلاث باقات متنوعة اولها بسعر 75 جنيه شهريا فقط ويعطيك انترنت بسرعه 2 ميجا بايت وبسعه تحميل 4 جيجا بايت اما العرض الثاني ة بسعة تحميل 15 جيجا بايت و بسعر 100 جنيه شهريا والعرض الثالث بسعر 150 جنيه شهريا بمقابل 40 جيجا بايت سعه تحميل .
وفى حاله نفاذ سعه التحميل المتوفرة لك يمكنك اعادة شحن الرصيد من خلال مراكز خدمة العملاء والمبيعات لشركة تي اي داتا وتتضمن ثلاث انواع من كروت الشحن الأول بسعر 25 جنيه ويعطي العميل 5 جيجا بايت اما الثانى بسعر 60 جنيه ويعطى للعميل15 جيجا بايت أما الباقة الثالثة بقيمة 75 جنيه وتعطى 25 جيجا بايت
انا مشترك على سرعة واحد ميجا بــ 140 فى الشهر وححول على عرض بــ 100 جنيه الطلقه 2 ميجا بسعة 15 جيجا مناسب جدا ليا وموفر كمان تحياتى
طيب هو لية رسوم للتحويل و فى حالة الرغبة للعودة للنظام الاصلى ينفع فى اى وقت
و رايك اية فية يا باشا
الباقات الجديده دي تعتبر تحديث لباقات أويتيمم اللي موجوده من زمان وهيه باقات عاليه السرعه لكن محدده السعه ومفيده للمستخدمين اللي مش بيشوفو فيديو أو مبيعملوش دونلود كبير زي أفلام مثلا.
انا حاليا مشترك في نظام نص عليك و نص علينا ..... سرعه 1 ميجا بايت... ب 50 جنيه شهري و سعه تحميل 10 جيجا بايت . و العرض ده لمده 6 شهور بس و يخلص معايا في شهر 5/2013 .....
بالنسبه لعرض الطلقه الجديد جميل جدا لانه طبعا سرعته جامده جدا 2 ميجا ب 75 جنيه لأول فئه في العرض بس سعه التحميل 4 جيجا دي قليله للناس اللي بتعمل داونلوود كتير و بتستعمل اليوتيوب كتير .
الفئه التانيه في العرض ده انا شاايفها ممتازه .... 15 جيجا سعه تحميل ب 100 جنيه .
بس هل العرض ده لفتره ؟؟؟ و لا خلاص حيبقي نظام زي الاوبتيمام .؟؟؟
ده نظام مستمر مش عرض لفترة محدودة ؛ يعني دي باقات جديدة
و كمان مفيش رسوم للتحويل للنظام ده
و فيه ميزة كمان كويسة ؛ لو باقة الدونلود بتاعتك خلصت و شحنت بكروت ، لو اتبقي اي حجم داتا ان مستخدمتوش بيترحل للشهر اللي بعده
عرض ممتاز لكن أكيد فيه حاجه ياريت حد يوضحلنا ايه اللى هيحصل قبل ما أشترك
انا متهيألي ده مش عرض مؤقت ولكنه يعتبر تخفيض في الاسعار لأن فودافون برضه زودت سعه الباقات بتاعتها ال usb يعني ال 250 جنيه كانت 10 جيجا بقت 18 وال 150 جنيه كانت 6 جيجا بقت 10.
لما كنت بسال فى احد مراكزهم وسالت احد الموظفين قاللى.خليك زى ما انت على نظامك افضل او سجل باسمك والباسوورد على موقعنا واعرف حجم استهلاكك الشهرى قد ايه وبعد كدة قرر.
وكان المقصود بالاسم والباسوورد هو اسم وباسوورد الراوتر اللى بتستعلم عنه من خدمة العملاء.
موش عارف لية عندى نفس الأحساساقتباس:
المشاركة الأصلية كتبت بواسطة ahmed_h_g
عرض مستمر ومفهوش مشاكل زى الاوبتمام
http://www.tedata.net/eg/ar/Home-ADSL/Tal2a
طيب لو الباقه الاساسيه لو اتبقى منها اى حجم داتا هل بترحل هيا كمان ؟؟اقتباس:
المشاركة الأصلية كتبت بواسطة m.hosni
لأ ؛ الباقة الاساسية مبيترحلش منها حاجةاقتباس:
المشاركة الأصلية كتبت بواسطة hossam_elwani
حاولت لكن للأسف :اقتباس:
المشاركة الأصلية كتبت بواسطة ayman-ahmed
(عميلنا العزيز، نأسف هذه الخدمة متاحة لعملاء الأوبتيمام و الباقات المحدودة فقط.)
الشهر الماضى موبينيل كانت عاملة عرض 3جيجابيت 55 جنية تقريبا و فلاشة نت مجانية
يعنى الواحد كان ينتظر عروض افضل من كدة من الخط الارضى 4جيجا ب 75 جنية
فعلا ده حصل معايا وطلعت نفس العبارهاقتباس:
المشاركة الأصلية كتبت بواسطة khaled online
العرض ده مش كويس بالنسبة ليا , مش عايز يكون ليا حد أقصى من الاستهلاك !
المشكلة ان خطوط التليفون الى فالسنترالات قديمه و لما الواحد بيزود السرعه الخدمه بتقعد تقطع
فعلا مينفعش الواحد يعرف هو بيستهلك قد ايه انا سألتهم كنت عندهم امبارح و قالولى طول ما انت unlimited مش هيبان ليك انت بتستخدم قد ايه فى الشهر
الحقيقة انا كنت عايز احول للنظام ده بس خايف بصراحة و المشكلة مش عارف انا استهلاكى قد ايه .. بس انا مش بحمل على طول يعنى مش عارف هو متوسط الاستهلاك الطبيعى فى الشهر يبقى حوالى كام جيجا ؟
اقتباس:
المشاركة الأصلية كتبت بواسطة mohab.nabil
انا عملت كدة الشهر الذى فات و اشتركت 75 جنية اوبتما ليمتد و هو بدون مصاريف او رسوم جربة ولو لم يعجبك الشهر الذى بعدة ارجع لنظامك القديم
ولا ليهم لزمه يعنى العروض رخيصه بس كأنك بالظبط ما عليتش السرعه لانك مش هتستفاد بيها
تخيل الانترنت عندك سريع وخايف تحمل حاجه لحسن تطلع كبيره ولا لحسن يحسبو زياده
اناجربت الموضوع ده ولبست فيه كتير دخلت عرض من تلات سنين
1 ميجا تقريبآ وعشره جيجا داونلود
طبعآ كنت دايمآ خايف ومش بحمل حاجه والتصفح لوحده فى الشهر كان بيأخد المساحه كلها وساعات كانو بينزلو عليا فواتير زياده بقيمه تحميلات
موضوع فاشل فاشل
هما بيعملو كده علشان الانترنت اكيد هيرخص
بسيطه جرب شهر ولو معجبكش ارجع تانى للباقه بتاعتكاقتباس:
المشاركة الأصلية كتبت بواسطة mohab.nabil
المعلومه دي تستحق ان الواحد يقف عندها كتيييييييير ...... للاسباب التاليه :اقتباس:
المشاركة الأصلية كتبت بواسطة midooo_119
انا طول عمري مع tedata و اشتركت زمان من 10 سنين علي 128 كيلو بايب .... و كان زي الفل و اشتركت بعدها علي 512 كيلو بايت و كان زي الفل لمده سنين .... من 3 اشهر اشتركت في عرض نص عليك و نص عليك ( بردو ) .... و اشتركت في سرعه 1 ميجا و سعه تحميل 10 جيجا ..... و لقيت الخدمه بتقطع و تشتغل لوحدها و سرعه الدوانلوود احيانا من 100 الي 110 كيلو بايت في الثانيه ( و ده المعدل الطبيعي لسرعه ال 1 ميجا ) و ساعه الاقي مفيش سرعه خالص و تنزل من 80 الي 50 الي 30 الي 7 كيلو بايت في الثانيه ...
و غيرنا الراوتر tedata و غيرنا الاسبليتر بلا جدوي ... و اشتكيت و عملنا اجراءات كتير و محدش وصل للسبب و بعدها جابولي فني و قاللي الدنيا تمام و السلك مش محتاج يتغيير من البوكس .... امال فين المشكله ؟؟؟
اللي عرفته فيما بعد انه تم عمل تحديثات في سنترال مدينه نصر 2 و الخدمه ظبطت بعدها عندي ....
السؤال هنا .... هل لو اشتركت في سرعه 2 ميجا الجديده ... حيحصل نفس القصه استنادا لرأي العضو /ميدو؟؟؟؟
اعتقد انة اغلب السنترالات تم تطويرها لو حد متاكد ياريت يأكيد او نفى المعلومة
سهل اوى انك تعرف .. شوف كام عميل بعد ما اشترك الخدمه مش شغاله خالص و كام عميل الخدمه بتقطع عنده و شوف سرعته كام هتلاقيها غالبا 1 ميجا او اعلى ساعتها هتعرف المأساة
العرض ده مش رائع ولا شئ من رأي
هو ليه هدف لقدام والشركة بتسعي ليه ..
تعليقى على الانظمة المحدوده انا ضدها دائما رعم انى مش من هواة الداونلود
بس مش بحب حد يخنقنى ويضيقها عليا
النظام التقليدى بيديك 128 وخد البنزين اللى يكفيك زى ما انت عايز
دلوقتى النظام المحدود الجديد بيديك bmw وبيقولك مفيش فى اليوم غير 5 لتر بنزين ولو حبيت تزود ياحلو ادفع تمن بنزين 95 بالسعر غير المدعم
متابع
ياجماعه كل واحد على قد استخدامه لو على قد استخدامك وحتوفر اشترك ولو استهلاكك عالى خليك زى ما انت ومتزعلش نفسك خالص .. بس خلاص
انا اشتركت فى العرض بتاع الطلقة الى هو ب150 جينة وبيديك 40 جيجا
وقبل مااشترك كان كام حاجة الاول كنت لازم اعرفها
ان لو خلصت ال40 جيجا هيضاف فلوس عليا كانت الاجابة لاء
طيب لو النظام معجبنيش ممكن احول للنظام الى هو غير محدود
كانت الاجابة نعم
وطبعا السرعة جميلة جداااااا والتحميل بيوصل اوقات ب 250
بنبسة للنطقة ان موضوع ان مش كل الخطوط بتستحمل سرعة 2
قالو ليا الكلام دة فعلا بس فى حاجة اكتر من 4 ميجا يعنى لو هتطلب 4 ميجا لازم يتعمل تيست الاول على الخط
ودى صورة على لسرعة التحميل
http://www4.0zz0.com/2013/02/22/10/122320208.jpg
شكلى هشترك فيه
أنا نظامى الأوبتيمام بيدينى 5 جيجا وبدفع 55ج لمدة سنه سرعه 512
انا اشتركت الشهر ده على سرعة 2 ميجا باقة الــ 15 جيجا تحميل واقدر اقول بالصوت العالى انه نظام فااااااشل لانى بمجرد مرور اسبوع ما تبقى فى الباقه 2 جيجا فقط وعلى الرغم من انى مش من هوا التحميل .. فقط تصفح فيس و منتدانا الكريم يعنى من الاخر الى عايز يشترك فى النظام ده عليه وعلى باقة الـ 40 جيجا بسعر 150 فى الشهر غير كده لالالالالالالالالالالا .. ولذك وجب التنبيه
عامل اية ياحسام بيةاقتباس:
المشاركة الأصلية كتبت بواسطة hossam_elwani
هو فعلا فى حاجة رخمة جدا انا استخدمت خمسة جيجا فى يومين فى اليويتوب والتصفح
هو فعلا الى هيشترك فى العرض دة لازم يكون ابو 150 وكمان مايكونش استخدامو كتير
بس المتعة فعلا فى سرعة النت
اليوتيوب زي الدونلود بالظبط وبينفخ الليمت.اقتباس:
المشاركة الأصلية كتبت بواسطة hossam_elwani
الدخول للنظام ده والخروج منه ببلاش واللا فيه رسوم زى الأوبتيمم؟
أنا مشترك 1 ميجا بـ 140 ، فمش هاخسر كتير لو جربت الـ 2 ميجا بـ 150 جنيه مع 40 جيجا، وأشوف هيقعدوا معايا قد ايه على استخدامى العادى.
الدخول فى النظام ببلاش و دون اى شروط بس خذ لبالك تلتزم بموعد التجديد يعنى لو موعد تجديدك يوم مثلا 22 من الشهر يبقى هو دة اليوم الذى تستطيع الاشتراك او الالغاء فية و لا توجد لة رسوم للاشتراك او الالغاءاقتباس:
المشاركة الأصلية كتبت بواسطة egyzizo
الحمد لله فضل ونعمهاقتباس:
المشاركة الأصلية كتبت بواسطة hussein_ramdan
كلامك سليم .. وفعلا المتعه فى السرعه ولكن التقييييد وحش اوى
كنت عارف فعلا المعلومه دىاقتباس:
المشاركة الأصلية كتبت بواسطة ahmed_adham
جرب وشوف بس اقل من 40 جيجا بلاشاقتباس:
المشاركة الأصلية كتبت بواسطة egyzizo
هاجرب ، مع انى مش متفائل برضه
فاكر انى جربت الأوبتيمم أول ما نزل ، خلصت 10 جيجا فى أسبوع ، وقعدت باقى الشهر أغنى ظلموه ..
طب ايه افضل نظام اشتراك بحيث لايتعدى قيمة الاشتراك 100 جنيه شهريا وتكون سرعة جيدة واستخدام متوسط بدون داونلود