الرخصة مفقودة وعايز أنقل ملكية السيارة و أطلع رخصة بأسمي !! أعمل إيه
السلام عليكم و رحمة الله و بركاته
يا جماعة الله يخليكم أنا إشتريت عربية من واحد و عملت عقد مسجل في الشهر العقاري و كل شيئ تمام
و كنت طالب من الراجل يجيبلي من المرور بتاعه شهادة مخالفات و شهادة بيانات موجهه للمرور بتاعي و هو جابلي فعلاً كل إللي طلبته
لكن المشكلة دلوقتي أنا عايز أطلع رخصة سيارة بأسمي و أجدد و أفحص لكن الرخصة مفقودة للأسف
فهل ينفع أمشي في الإجراءات بتاعة التجديد ولا هيرخموا عليا ؟
أنا معايا شهادة مخالفات من 3 أيام و شهادة بيانات من المرور القديم من 3 أيام برضو و معايا عقد مسجل بإسمي من الشهر العقاري
فهل أنا محتاج حاجه عشان أرخص ولا ممكن أرخص عادي بشهادة البيانات ؟ و لو ماينفعش إيه إللي ممكن يطلبوه مني و إيه الإجراءات ؟
ياريت تساعدوني يا جماعة عشان أنا مش عارف أروح المرور ولا أعمل إيه ؟
