http://www.sportbikes.net/forums/att...1-0139_img.jpg
اشتريت موتوسيكل يامها 750 fz
والماتور عاوز عمره
ايه الأفضل أعمر الموتور ولا اشترى موتور
والعمره هتكلف كام والماتور هيبقى بكام
ياريت الرد بسرعه
عرض للطباعة
http://www.sportbikes.net/forums/att...1-0139_img.jpg
اشتريت موتوسيكل يامها 750 fz
والماتور عاوز عمره
ايه الأفضل أعمر الموتور ولا اشترى موتور
والعمره هتكلف كام والماتور هيبقى بكام
ياريت الرد بسرعه
هههههههههههههههههه المسألة إنك مش هتلاقى حد عنده الموتور دة نهائياً
أنا من رأيى تعمر أحسن بس عند واحد نضيف أنا سألت عند واحد
وى كان هياخد مصنعية 1200 جنية دة زائد هايديك الحاجة تجيب زيها الى عايز يتغير
انا متشكر جداً على ردكو بسرعه عليا
الموتور حالتة فى العد التنازلى
وانا حالياً بحط زيت شمبر عشان الدخانه فظيعه
حضرتك شاريها عاملة كام
ياريت حضرتك تقول شاريها بكام ومن عند مين
انا اشتريت الماكينة بـ 6 الآلف جنيه وكنت بفطس فيها عشان مش عاوز اشتريها بس لاقيت الراجل وافق على السعر
فى صنايعى قالى مصنعيه بـ 800 جنيه وفى واحد تانى قالى بـ 600 جنيه والأتنين انا الى هجيب ليهم الحاجه الى هتتغير
انا كنت عاوز اعرف
الـ 4 بستم والجوانات والكاتينه عاملين كام
هو حضرتك فاكر أن العمرة كده بس ؟ ده ماكنش حد غلب يا باشا
علشان العمرة تبقي صح لازم مع تغيير البساتم حضرتك تغيير السبائك و تخرط الكرنك و طبعا ده مع طرمبة زيت جديدة و ما تنساش وش السلندر أكيد حايحتاج صبابات و قواعد ليها مع كاوتش صباب جديد و ربنا يستر و ما تحتاجش كمان كامات و طقم تاكيهات
و مع كل ده حضرتك محتاج خراط محترف يعني علشان خاطرك لازم يتجاهل كل ما يعرفه عن المواتير و يقبل يشتغل علي نسب الخلوص اللي حاتطلعها من الورك شوب مانيوال و طبعا دي مختلفة تماما عن نسب خلوص السيارات
نصيحة مني ليك ده موضوع فاشل بنسبة 100% لأن مصر مافيهاش حد يقدر علي الشغل ده و لا حتي يعرف يعمله
الحل الأمثل في مشكلتك هو كالأتي:
حضرتك تخرط 4 شمايز جداد و الخراط يستعدل البساتم القديمة (يعني يشيل منها البيضاوي بقدر الأمكان) و أهم حاجة يخللي الخلوص مرتاح يعني البساتم تطلع و تنزل بدون تقل و بدون أحتكاك لأن لو خلاها تقيلة يبقي السبائك مش حاتستحمل ده و تلاقي الموتور رزع بعد كام يوم
و أهم حاجة تكشف كويس علي وش السلندر يعني الصبابات و قواعدها و كاوتشها و تعمل روديه خشن و ناعم
بعد كل ده الجوانات ممكن تتعمل بسهولة عند أي واحد بتاع جوانات و تقفل الموتور كويس
طبعا الأصلاح ده لا يعتبر عمرة بس حايمنع الدخنة و حايعيش معاك شوية مش بطالين (ما هو علي حسب ما حتحافظ علي الموتور حايعيش معاك)
طبعا حتحتاج كاتينة جديدة و دي سعرها مش غالي قوي يعني يمكن في حدود 300 جنيه أو حاجة و هي متوافرة عند مجدي زيدان
أهم ما في الموضوع أنك تلاقي ميكانيكي كويس و عنده ضمير و دي أساس المشكلة للأسف
و بالتوفيق أن شاء ألله.
اولا الف مبروك على الموتوسيكل ربنا يكفيك شره بالنسبة للعمره جرب تروح على توكيل ياماها فى شركة eim فى المقطم و اعمل مقايسة للعمرة علشان ممكن يطلع الموضوع اسهل من اللى انت شايفه
تحياتى
هو مينفعشى اركب موتور هوندا
عاوز قطع غيار اصلية وبذات السباك