يا جماعة زيت البور عندي بينقص بطريقة فزيعة
رحت لميكانيكي انهاردة قالي علبة الدريكسيون عايزة تتغير وحتتكلف 700ج
ومش عارف اعمل اية افيدوني ثمنها كدة فعلا ولو حد عمل الموضوع دة قبل كدة وفين وبكام انجدووني انا موقف العربية ومش بركبها بسبب الموضوع دة
عرض للطباعة
يا جماعة زيت البور عندي بينقص بطريقة فزيعة
رحت لميكانيكي انهاردة قالي علبة الدريكسيون عايزة تتغير وحتتكلف 700ج
ومش عارف اعمل اية افيدوني ثمنها كدة فعلا ولو حد عمل الموضوع دة قبل كدة وفين وبكام انجدووني انا موقف العربية ومش بركبها بسبب الموضوع دة
التسريب منين؟؟
MMamdouh
من تحت الدريكسيون الراجل لما حت ايد تحت الدريكسيون جاب زيت
دا اويلسيل علبة الدركسيون... الاويل سيل ب 10 جنية و مصنعية التغيير 40 جنية... الميكانيكى دة بيشتغلك عشان ياخد العلبة القديمة و يبيعها
MMamdouh
طيب الحقني يا كبير انا ساكن في مصر الجديدة قولي علي ميكانيكي كويس
وانا اروحلوا علي طول
مش شرط يكون الموضوع مجرد اويل سيل
ممكن فعلا تكون علبة الدركسيون تالفة و محتاجة تتغير
و لو كدة يبقى غيرها احسن و سيبك من الحشو و تغيير الأويلسيلات لأن فعلا الإصلاح مش بينفع و عمرة قصير
أسأل ميكانيكي تاني تكون بتتعامل معاه و فاهم في الدايوو كويس
لو سمحتوا
لو حضرتك عايز تحدد المشكلة ايه بالظبط وتحلها بأقل تكلفة
روح لعفشجى اسمه صابر فى ش صلاح سالم عند حديقة الفسطاط بالقرب من مرور عين الصيرة
انا شفت نفس الحالة بتاعتك دى هناك
وتوصلت لمعلومة ان اكبر حاجة بيعملوها انه بيغير طقم اورسيلات معدنية وبتتكلف 250 جنيه
الكلام ده من حوالى 8 شهور
وممكن الموضوع يطلع ابسط من كده بكتيير
بس نصيحة متفرطش فى علبة دركسيون الفابريكة
دة فعلا اويل سيل علبة الدريكسيون زى ماقال ممدوح والدليل مكان تسريب الزيت وتلاقى كمان وراء الدواسة زيت كتير وفعلا تكلفة قليلة ومن اهم اسباب حدوثة ملء علبة زيت الباورلحد العلامة القصوى ومن المستحسن تبقى بعد الحد الادنى بشوية او لحدة
وياريت تروح لميكانيكى حد مجربة وواثق منة
فى عندك اى مشاكل فى حركة الدركسيون ؟
لو كل المشكلة تسريب بس دا حلة زى ما محمد قال
و حرام تدفع الفلوس دى كلها فى مشكلة تتحل بى 50 جم
انا مغير الاويل سيل دا من سنة و نصف و الحمد لله المشكلة اختفت
بجد المنتدي دة رائع جدا بسبب اعضاؤة الايجابين والي مابيتاخروش عن حد انا هشوف الموضوع عند ميكانيكي بس انا للاسف لسة جايب العربية وماعرفش ميكانيكية اثق فيهم
لو حد يعرف يقولي وانا بردو هدور
انا ساكن في سراي القبة