سؤال لاصحاب الفيكترا سي
يا ترى ايه احسن عربية الماني في الفئة دي ؟
الفيكترا ولا الاوكتافيا ولا الجيتا ؟
المقارنة من حيث:
1. الاداء (واعتقد التلاتة نفس الاداء)
2. الاعطال (اعتقد الفيكترا اكثرهم اعطالاً والاوكتافيا اقلّهم)
3. اسعار قطع الغيار (اعتقد التلاتة طين :) )
4. مراكز الخدمة (اعتقد الفيكترا تكسب)
في انتظار الردود من اهل الخبرة
مع العلم انّي بسأل على المستعمل
يعني لو حاجة 2007 او 2008 مثلا
انت محتاج حد جرب العربيات التلاته كويس
شوف انا معايا فيكترا سى ايزى ترونك جبتها ماشية 17000 دلوقتى عاملة 25000 و الحمد لله زى الفل و بعد ما اتعودت على الفيتيس بقيت بعشق العربية ديه و على فكرة غالبا هتلاقى ده راى كل ملاكها. اخويا بقى معاه فانتازيا 2011 الحمد لله بردوا مفيهاش مشاكل بس لما بسوقها بحس لما العربية بتتحرك انى طالع بقطر مش بعربية.الجيتا هى هى الاوكتافيا بس تجيب موديل قبل 2010 عشان الفيتيس.و عامتا التلاتة احسن من بعض كل واحدة ليها طعمها.لازم تجرب تسوقهم و تشوف اللى هتدخل دماغك.بالزات الايزى ترونك لازم تجربه و بالتوفيق.
والله هو كل واحد طبيعي يبقي متحيز لعربيته أنا مش عارف أ/ صلاح إنتا جبت المقارنه دي منين عموماً بس انا هتكلم عن معلومات أنا عارفها عن العربيات دي لكن مش هتكلم فنياً عليهم فيه زملاء يقدروا يفيدوا أكتر طبعاًاقتباس:
المشاركة الأصلية كتبت بواسطة asalah
أولاً: الأوكتافيا تشيكي إنتاج سكودا اللي تملكها فولكس فاجن ومش ألماني صافي والموتور بس ألماني إنتاج فولكس فاجن.
ثانيا: فيه معلومه أحب أضيفها تاريخياً عن فولكسفاجن (بخصوص الجيتا واللي هي من أحسن محاولات المجموعه العملاقه لإنتاج موديلات سيدان أو عائليه فاخره مش هاتشباك شعبي) معروف عنها إنتاج السيارات الصغيره والإقتصاديه زي البيتلز والبولو والجولف وغيرهم وبدأت في اواخر التسعينات التفكير في تقديم منافسه للمرسيدس والأوبل والأودي وال بي إم في السيدان الفاخر ولو فاكر كان فيه بورا وباسات شكل قديم ودول كانوا أوائل المحاولات وكانوا مش أد كده قوي .. صحيح دلوقتي عربياتها خصوصاً الباسات في مستوي معقول لكن يبقي خبرتها في إنتاج هذه النوعيه قليله وده بيأثر علي عربياتها الفاخره الجيتا والباسات علي المدي الطويل وبالنسبه ليا مش الإختيار الأول،
كمان تمتلك المجموعه شركه أودي وشركه بوجاتي وغيرهم للمنافسه في فئه السوبر كارز ضد مرسيدس و bmw؛ لكنها فولكسفاجن أقصد أساساً شركه شعبيه لعامه الشعب في ألمانيا زي مجموعة فيات كده في إيطاليا مش شركه سيدان فاخر ولا يفضل إن الواحد يشتري عربياتها الفاخرة لكن عندها شركات لإنتاج السيارات الفاخره تملكها زي ألفاروميو و مازيراتي ولامبورجيني..،
خلاصة القول لو عايز عربيه شعبيه ( والشعبي عند الألمان طبعا عالي بس ده تصنيفه السليم) وممتازه بمواصفات وكماليات محترمه دور علي موديلات فولكس فاجن وفيات ولو عايز عربيه فئه سيدان متوسطه المستوي قريبه من الفاخره يبقي الإختيار الأول والوحيد "الأوبل بموديلاتها الأسترا والفيكترا" أما فئة السيارات الفاخره يبقي عليك وعلي الثلاثي(مرسيدس، أودي،يليهم bmw) .. أعتقد دي خلاصه الأوروبي وخصوصاً الألماني
الراجل دا بيقول كلام زي الفل :Bravo:اقتباس:
المشاركة الأصلية كتبت بواسطة Dr-Daly
وكمان كـ عوامل امان الفيكترا تكسب
انا من بعد ما شوفت صدر الـ v.w فايبر مابقيتش احترمها بصراحه
يعني اي خبطه من قدام تضيع وش العربيه وتخش علي الموتور
الصدر فـ الجيتا والجولف مش مجرد فيبر؟!!
فيه شاسيه frame صلب ورا الصدر -وبارات عرضية فوق وتحت، الفيبر ده مجرد cover :brn:
ومفيش حاجة إسمها خبطة تدخل عـ الموتور؟؟!!! فيه قنطرة ألومنيوم ثقيلة جدا راكبه فـ فردتين الشاسيه (المدفع)!
الكلام ده مايتقالش على عربية ألمانى 5 نجوم EuroN.Cap
ومعروفة بصاجها المحمل ووزنها الثقيل.. ولما تتقلب وتتخبط -لاقدر الله- اللى جواها فـ معظم الأحوال بيطلع سليم!
الجيتا؟!!! :grrrr:
بالنسبة للمقارنة:
طالما قولت جيتا.. يبقى نخرج الأوكتافيا برا -فـ رأيى!
لو الكلام على فكترا C وجيتا:
الموتور والجيربوكس: الفكترا تتفوق فـ الجرى والسحب.. عشان كومبو الـEcoTEC+Easytronic
الجيتا (والـVW عموما فـ مصر اللى مش تربو -قبل الـTSI) مش جراية!
وفتيساتها Tiptronic كمان! أنعم من فتيس الأوبل.. لكن مش بتاع جرى وحرق زى الإيزيترونيك!
الشاسيه والعفشة: الـVW تتفوق عشان شاسيه الجولف وعفشة 4-Link أعلى فـ الهاندلينج،
- ده لا يقلل من العفشة الـSophisticated بتاع الأوبل ملتى-لينك بردو.. بس أنا بتكلم عن سواقة للعربيتين..
الجيتا أعلى شوية -حتى لو الـhighline بالجنط الـ17 وسبورت pkg
كماليات ومراكز خدمة: أعتقد أوبل
أوبشنز وتقفيل: يتساووا، مع الفرق ان لو الجيتا بالـhandling pkg أعلى فـ الأوبشنز من الـC وفيها ASR
الى هيفرق فـ المقارنة دى: حالة العربية اللى هتشتريها؟!! :allo:
Rgds،
بالتوفيق فـ الإختيار ان-شاء الله
الله ينور يا مصطفي
دايما متالق يا باشا
+1 مع ان عندنا فكترا من ١٣ سنه بعتقد اوكتافبا وجيتا اكثر اعتماديه برده قطع غيار اوكتافيا ارخص بكتير ومتوفره اكتر سعر اعاده بيع وسهوله بيع اوكتافيا مكيف الفيكترا دايما عليه كلام كتير ده اكتر حاجه طلعت عنيا في العربيه نيجي للفتيس طبعا ايزي احسن بمراحل في السحب بس في الزحمه مزعج ومش هتاخد مميزاته في الجري لانك تسعين في الميه في مصر واقف في الزحمه بس هتحس ان العربيه معاك مش نعمه بترج كتير في الزحمهاقتباس:
المشاركة الأصلية كتبت بواسطة formulator